الرجاء الإفادة عن ببغائي بسبب النووم تكفوون ،،،،

[عاشق المينا24]

السلام عليكم


يااخوان ابي اعرف الببغاء الا هو الافريقي النيجيري ايش هرجته انا كل مااجي ما شاء الله ألقيه صاحي ونشيط ويلعب و يصفر وكل شي تتوقعونه بسبب الخوف لانه ماكمل 48ساعة معاياا من ووقت مااشتريته عشان كذا مو قادر ينام ياليت تفييدوني تكفوون وكيف اخليه ينام ويرتاح ،،،،

[mw3]

غرفه هادئمه ينام باذن الله ..

[بحر الكلام]

حطه بغرفه لحاله الساعه 9 ليلا وغطي القفص بشرشف الصلاه حق الحريم الخفيف من كل الجهات وافتح الجها الاماميه

[saaa]

افاداوك اخواني بالصحيح

نفس الحكايه معي لو جيت الفجر من يوم ما يشوفني مثل طيرك

وخصوصاً بالليل متاخر بس اقول له نوم واروح من عنده وبعدها راح يفهم مع الوقت ان وقت النوم وينام ....

والله يبارك لك في طيرك وترى فيه ما يسر خاطرك

[عاشق المينا24]

الله يعطيكم العافية ع إفادتكم

[بلاك بيري]

السلام عليكم

خلي الطير بغرفه هادئه مظلمه مع تغطيه القفص


بينام احلا نومه
هههههههههههههههه


تحياتي

[هاني25]

خل الطير في مكان عالي مرتفع لاتخليه على الارض
اسأل مجرب انا طيري ماعاد اشوفه ينام الا لما انا اخليه
على مرتفع من الارض
تحياتي للجميع

[دبليو كاسكو]

وعليكم السلام

صحيح .. أول ما تشتريه ما ينام ... يبدو إنه يسكتشف المكان وما يستأمنه إلا بعد كم يوم ..

أنا كنت أخليه عندنا بالغرفه وما ينام ينخرش ويلعب ويغرد .. ويسكت ويدوخ فجأه بس ما ينام

عشاننا موجودين

بس لما أحطه بالغرفه الثانيه وأغطيه بينام على طول

لكن الحين وقت البرد بغطيه أنا ببطانيه بس مو ثقيله لا خفيفه شوي وأخلي اللي قدام مفتوح

وبشغل له سهاريه نور خفيف يعني ..

لأنه بيقوم وياكل ويرجع ينام

بس الحل هو اللي كلنا قلناه .. تحطه في غرفه لحاله

ما يسمع إزعاج ولا نور وإن شاء الله بينام لحد ما يطلع الفجر

ويقوم ويرجع ينام برضو

والله يخليه لك إياه ويحميه يارب