جديده هنا واتمنى تساعدوني يامروضين الدره

[حروف قطيفية]

السلام عليكم ورحمة الله وبركاته
احب ان اعبر عن سعادتي بانضمامي لمنتداكم الجميل الراقي واتمنى ان القى منكم العون والمساعده حيث اني جديده على ترويض الببغاء الدره المطوقه

ترعرعت وسط اسره تحيط بها الطيور والببغانات وبعد الزواج بفتره رغبت بتربية نوع من الطيور
كنت ارى ابي يرشها بالماء وله اسلوبه في ترويضها كان يجبر الكاسكو على الجلوس بحضنه وحك راسه والحين ماشاء الله صار واحد من العيله
المهم عشان مااطول عليكم
اخذت ببغاء ذكر مو كبيره بالعمر والطوق حقها مو مكتمل يقول الي باعها عشان انها لسه صغيره
كانت ماتعض
وترفض رفض تام تاكل من يدي تاخذ الحب مني وترميه بعيد طبعا طولت بالي عليها وصرت امسكها واحك راسها بالنصف ساعه وتهدا وتستسلم لكن اول مادخلها القفص تنسى كل شي في مره عضت ولدي الصغير وصراحه حبيت اعلمها الأدب وضغطت على منقارها وضربتها بالقفاز
وحسيت انها حقدت علي وصارت عصبيه جدا وتعلمت العض من ساعتها
طبعا انا اعتمدت اسلوب التجويع قلت يمكن تلين وتاكل من يدي لكنها عنيده جدا تستحمل الجوع
طبعا انا لا اعرف الأسلوب الصحيح للتعامل معها
هي متعلقه بالقفص وتحس فيه بالأمان اول مااطلعها تجعر وتصارخ
ادللها واحك راسها تهدى الأكل رافضه بتاتا
حممتها بالرشاش وبعدها جففت جسمها بالسشوار الدافي ماحسيتها انبسطت وخقت تهرب مني بالقفص وتبتعد عن الرشاش الماي
كيف اتعامل معاها الله يرحم والديكم لأني تحديت ابو العيال اني اروضها ومابي اتفشل معاه
تشكرات للجميع والله يرحم والديكم كلكم يالي قريتوا موضوعي

[حضرمي مسطول]

حيااك اخوي\^^
نورت المنتدى..
شوف الرابط ذا فيه طريقه خاصه بالدره انا انشااء بسويهاا لسا ما سويتها لأانو الدره الي عندي كان الـيف درجه اولى ويتكلم عندو صاحبو وفجعو بس(قط) وسار خايف ويعض بس معا الايام يروح اخذتو منو وبسوي الطريقه ذي
http://www.2zoo.com/vb/showthread.php?t=64981
أتمنى تجربها وتردلي خبر بليز اذا نحجت او لا
بالتوفيق يا رب

[kha6ab]

وعليكم السلام ورحمه الله وبركاته

معاملة الــــدرهــ تختلف تمااااما عن معامله الكاسكو وباقي الببغاوات


لان الـــدرهــ طبعه عنييييييد جدا .. ومزاااجي بشكل كبير



وللمعلومه .. الدرهـ حتى لو كان اليف .. (يعض) يعني مزااااجي

وما انصحك تحطه عند الاطفال .... لانه ماعندهـ (دلع) .. احد ينوشه او يزعجه .. يقوم فيه عض


واكبـــر غلط سويته .. انك ضربته ...!
بعد هذا الضربه ... الان الطائر لايشعـــر بالامان معك.. وراح تكون عضاته اكثر واقوى من الاول

وايضاً الغلط الثاني .. انك جوعته ..
التجويع ماراح يجيب نتيجه مع الـــدرهـ لانه يتحمل الجوع



اسمعني ياخوي

اول شي لابد ان يشعـــر الطائر بالاماااااان التاااام
وهذا يباله اسبوع او اسبوعين وخليه
يتعود على جو البيت

ولا تضربه ولا تصرخ عليه ابدا ابداً
ولا تجوعه

هو مع الوقت يتعود عليك

..

وانا الصراحه .. اشوف من الافضل .. انك تبيعه وتشتري كاسكو او امزوني افضل بكثــــير

لان الـــدرهـ مو مناسب لك ابداً .. لانه يباله معامله خاصة ... وصعــب لك انت كمبتدئ ترويضه
وايضا معروفه ان الـــدرهـ عضاااااضه من الطراز الاول .. [:


هذي نصيحتي لك .....
موفق

[حروف قطيفية]

شكرا جزيلا لكم
الحين بعد كم شهر كأنها لانت شوي اليوم جوعتها واشوفها لالول مره طلعت من القفص وحنا جالسين استغربت صراحه قلت بستمر معاها ليما تاكل من يدي
ان شاء الله
هي فعلا عنيده لكن شسوي ياخوي نفسي في يلو هيد او كاسكو بس سعره غالي وامكاياتي على قدي قلت اخذ دره لانها رقاصه والاطفال يحبوا الحركات هذه