استفسار عن الجرش

[elgendylove]

ممكن اسال رايكم فى موضوع الجرش لاحواض السمك .
طبعا دكتور خالد نبهنى ان فرش الارضيه من كسر الرخام بيسبب رفع عسوره المياه بسبب بيكربونات الصوديوم .
اما جرش المكرونه بيرفع قلويه المياه بسبب بيكربونات الكالسيوم . انا شوفت موضوع عن القلويه ان عصير الليمون والخشب المتحجر بيغير من حموضه الماء بشكل معين .

السؤال فى حاجه ممكن اعادل بيها الزياده فى القلويه يعنى جرش المكرونه بيرفع القلويه اظبطها انا بحاجه بتقلل القلويه او لو موجوده لوحده فى الحوض تؤدى الى زياده الحمضيه .؟؟؟؟؟
انا عارف انه الاسهل انى ابعد عن جرش المكرونه بس انا قريت كذا موضوع وحبيت اجرب واعرف معلومات اكتر علشان انا عندى كسر رخام وحاسس انه رافع العسوره اوى زى ما قال الاخ خالد .

[Dr Khaled]

جواب جداً بسيط إستعمل اي جرش أو حصى لا تصدر فقاقيع و اصوات لدى وضع الخل فوقها و هي تكون آمنة و الأفضل أن تستهلك الحصى الناعمة بعد تعقيمها بالملح و شطفها مرتين و التي تتواجد على عمق 60 سم - 1م على ضفاف النيل

[انجل مان]

جاوبك د خالد ..

طريقه الخل اهي الفعاله ..

[برنسيسه..]

طبعاً الخل..لمعرفهـ هل هي تسبب عسوره او لا..

[عاشق الاوسكار !]

مداخله بسيطه وللمعلوميه اخي الحبيب

الاخشاب المتحجره بالفعل تزيد من الحمضيه ونحتاجها دائما باحواض السيكلد الامريكي

الصخور والاصداف والشعب المرجانيه سوى فرش او اكسسوار وكسر الرخام يزيد بنسبة القلويه التي نحتاجها في احواض السيكلد الافريقي

واحواض اسماك عائلة البراكش التي تتطلب الملوحه والقلويه المرتفعه

[elgendylove]

بمعنى يا عاشق الاوسكار لو الحوض عندى مثلا قلوى احط انا خشب متحجر كده يظبط الحوض ولا انا الفكره الى وصلتنى غلط

[انجل مان]

لا فكرتك صحيحه .. لكن تزيل الجرش الموجود ..

عشان ما يسبب ارتفاع فكل من القلويه والحمضيه !

[elgendylove]

ايــــــــــــــــــــــــــــــــــــــــــــــــــــــــــــه ده
شويه كسر رخام وشويه جرش مكرونه وصدفه كل ده فى كوب فيه خل

فقاقــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــيع رهيبه

[elgendylove]

ممكن اسال الفقاقيع دى هاتفضل كده ولا هاتيجى فى وقت وتبطل هاتبقى بسبب ايه الخل ولا الجرش وهل وقتها ينفع للحوض تانى ولا ديل الكلب عمره ما يتعدل

[Dr Khaled]

دليل على أن المكونات التي عندك حاملة للكربونات التي تسبب عسورة و قلوية الماء و التي تقتل اسماك لذا فإن عليك إختيار جرش سلبي الناتج و الخل هو عملية تسريع أما في الحوض فهم يطلقون الكربونات بطريقة مستمرة