اللي في المنطقة الشرقية وعنده ببغاء مريض يدخل

[سكر]

السلام عليكم ورحمة الله وبركاته

أخوتي الكرام,,, أي أحد فيكم لا سمح الله عنده ببغاء مريض ومصاب بالخمول, وفقد الامل منه.

انا مستعد إني أستقبله, وأجرب عليه أدوية معينة. واذا ناسب العلاج وربي شفاه, أرجعه له بدون مقابل.

أما إذا مات أنا مستعد أعطي صاحب الببغاء مبلغ تعويض بسيط حسب نوع الببغاء.

لأن الببغاء بيموت بيموت فعلى الأقل يستفيد صاحبه مبلغ تعويض.

اذا كان درة أو غيني ومات عندي أعطيه 100 ريال

إذا كان الرمادي أعطيه من 200 إلى 300 حسب الحجم والعمر.

إذا كان أمزوني اعطيه 300 إلى 400 حسب نوعه.


أنا في المملكة العربية السعودية, مدينة الدمام, وينبغي من أراد مساعدتي ان يوصل الطائر إلي.

على فكرة أنا غير مستفيد أي شيء مادي وإنما هدفي المساعدة.


ولم أضع الموضوع في قسم البيع لأنه ليس مخصص للربح وإنما مكانه هنا في سؤال وجواب.


أتمنى ألا يحصل مكروه لطيوركم

تحياتي

[كاجو]

وش السالفة انت بتفتح عيادة؟؟؟

هههههههههههه

الله يوفقك بس شرط عطنا النتايج عشان ماتموت فروخنا هههههههههه

[أم صوفي]

أنت إنسان مدري أيش اقول << مووو عارفه تعبر

بس جد الله يبيض وجهكـ ووفقكـ دنيا و آخره

أنا الحمدالله مو مرييض بس مززززززززززعج بجعيره ..

مشكووور خيووو

[ريـــم]

ماشاء الله عليك
فكرو مررره روعه ومرضيه لأصحآب الطيور ..
و حلو ان الواحد يحآول يطور من خبراته ويتعلم

يعطيك العافيه

[دكتور أسنان]

ما شاء الله عليكـْ~

خيوو سكر

أصيل

اذا اتقنت الشغلة امر عليك الدمام وتعطيني كورس

والله يوفقك

[الخبراء]

مشاء الله عليك يا سكر

>>> ودي اقول اول ما يمرض الغيني اجيبه لك بس بدا يطلع كلمات مهب واضحه متحسف به ( ما ابي اتفول عليه يمرض )



الله يوفقك و اي تجربه تنفع الى طير نزله علشان نجربه


>>> ناوي على غيني جديد علشان التجارب

[لوتيه]

و الله انا لو كنت من السعوديه و عندي طير مريض و بغيتك تفصفص فيه انا لي بعطيك فلوس مش انته تعطيني
و اذا مات فدوه الانه مابييبه الا اذا انه كان مريض يعني مش موديتنه سياحه ...
و الله يا سكر ماقول غير الله يعين حرمتك عليك شكلك ملوع بكبدها من الطيور و كل شوي ظاهرلها بفكره
هههههههههههههههه يعطيك الف الف عافيه و قليل لي مثلك يا سكر و الله انك نشمي ...

[كاجو]

للرفع


.

[لوتيه]

[الخبراء]

هاه ما به احد عنده ببغاء تعبان >>> الممرض سكر الخاص