اقتباس:
المشاركة الأصلية كتبت بواسطة mr.zodi
السلام عليكم ورحمة الله وبركاته
اخواني الكرام ارجوكم لا تطنشوني زي الموضوعين السابقين
ممكن جدول يومي لاكل البادجي؟!؟
وبعدين البادجي حقي عنده وانت الكرامة اسهال
وصار يلصق في فرجه
ايش ممكن اعطيه للشفاء باذن الله؟؟؟؟؟
وشكرا..
|
وعليكم السلام ورحمة الله وبركاته ...
لا تخاف اخوي محد راح يطنش لك ..
وبخصوص المرض .. هذا انا بعد صاد طيوري وخسرت بعض احسن الطيور من عندي وذلك بسبب تأخري واهمالي من ناحية احضار العلاج .. (( ونصيحة لي لا تتأخر لان المرض معدي وراح ينتقل لباقي الطيور ويصيبهم بالضعف ثم الموت ))
الاسهال هذا اللي عندك مرض خطير يصاب به اغلب الطيووور .. من الحمام والدجاج والعصافير .. واسم المرض Salmonella typhimurium .. وبالعربي انسميه السالمونيلا ..
ومن عوارضه .. اسهال شديد وضعف بالطير " نقص الوزن" + التهاب الرقبة + التهاب المفاصل مما يسبب الشلل + المــــــــــوت ...
المهم العلاج ..
اول شي اتروح لأقرب بيطري وتاخذ منه هذا الدواء
وطريقة استعماله بسيطة بحيث يكون مسحوق بودر يذاب بالماء ..
والحين اهم النقاط للسيطرة على المرض وعدم انتقاله لباقي الطيور ..
اولا يعزل الطير المصاب .. وتعطيه الدواء والاكل .. وبنفس الوقت تعطي باقي الطيور بالقفص لاحتمالية اصابتهم بالمرض ..
وثانيا يطهر وينظف المكان والاقفاص بشكل جيد ..
وثالثا بعد اسبوعين او ثلاث اسابيع للطير المصاب تقدر اترجعه للقفص مع تعويضه بالفيتامينات والاملاح الضرورية ....
واذا عندك اي سؤال ثاني لا تتردد اخوي .. وللمرة الثانية لا تهمل الطيور لان المرض ينتشر بسرعه .. واستعجل على جلب الدواء لهم ..
بالتوفيق .. (( علما ان الموضوع من عندي لان قبل فترة اصابني نفس المرض ))