قصة طيري الدره

[الكندري زو]

اصطدت مجموعة من الدره في سنه من السنين ... وضعتهم في قفص كبير في الحديقة كان شكلهم رائع .
مع كل يوم اراهم فيه ارى واحد منهم يقف على الشبك و يهز راسه و اسمرت هذي الحاله لمده سنة و اكثر . هههههه كان هو الوحيد الذي لا يملك ذيل طويل مثل البقيه و كان شكله ظريف ليمه اشوفه يهز راسه . ما كنت ادري انه مميز قلت في بالي انه يتسلا مثل اي بغبغاء .
مرت الايام و قررت انني ابيعهم .. جمعتهم كلهم بقفص صغير و قبل ان اذهب الى السوق. هههههه كنت بقرب اقفص و اراه مره ثانية يهز راسه . قربت ايدي منه انصدمت ليمه شفته ما عضني و قام يصفر بشكل عجيب و تصفيرات مختلفة . كانه يتودد لي عشان ما ابيعه هههههه .
على طول خذيت اقفص داخل و طلعتة
و هنا كانت بدايتي مع صديقي اللي ما فارقني حياتي من ذاك اليوم .

انا لي الحين ما بديت القصه هههههه

مرت سنين . اصبح يعرفني من بين كل الناس و يصفر كالاهبل ليمه يشوفني ( يبيني اطلعه من القفص هههه ) .
يوم من الايام رجعت ابيت الظهر ... تفاجأت ليمه دخلت البيت و ما سمعت صوته . انا متعود ان كل ما ادخل البيت يشوفني و يصفر .
شفت القفص فاضي !!! وينه ... قالوي ((( طار ))) يا خبر اسود من الاسود دارت فيني الدنيا و طلعت بره ادوره . صفرت له و اسمع صوته يصفرلي هههههه استانست ساعتها مع انه كان طاير على الشجر . قعدة فتره الحقه ماكو فايده راااح .
اليوم الثاني لقيته في الفخ اصيد فيه طيور كنت حاطه لطيور الدره .
عرفته من شكله بدون ما يصفر او يرقص ههههه كيف لا اعرف حبيبي .
المهم مررت شهور هرب مره ثانيه قلت الاولى جت سليمه اله يستر الحين و ما عدا اليوم الى و اهو في قفصه بنفس افخ اللي مسكته فيه ( يا شقي ) .
و بعد فترة ما تصدقون ... اي صح طار مره ثالثة . هذي المرة ضحكت و قلت خلوه يتفسح شوي هههههههه مر يوم عليه بره و انا كنت اقعد بره و اشوفه عى الشجر و مر يوم ثاني بس ما قدرت اصيده بنفس الفخ (( شكه عرف السالفه الشقي هههه )) توه يستوعب انه فخ هههه .
بديت اخاف .... شالصرفة ؟؟
خطرت على باي فكره .. عندي كاسكو رمادي كانو كله يعبون مع بعض قت خل اجيب الكاسكو يمكن ينزل له ... جبته و نطرت دقايق لا لا ثواني .. نزل على اقفص و انا بقربه قربت ايدي صفرت له ..... قعد على ايدي ههههه مسكته و ضربته ضرب التأنيب ههههههه و قلت... جذي يا شقي تلعب باعصابي .

كان ودي احط صورته بس ما عندي اي صوره له

في مقوله تقول :
اذا اردت ان تعرف ان كان الشيء لك ... فاطلق سراحه فان رجع فهو لك

اتمنى انه القصه عجبتكم

تحياتي ...

[عاشق وتر]

تحياتي لك أخوي الكندري

بس مش كل مرة تسلم الجرة أكيد يوم بينحاش ولاعاد يرجع لك ويقلون الثالثة ثابتة.......

أنت مافكرة تقص ريشة ؟؟؟؟؟؟؟؟؟؟؟؟؟

بتوفيق يا الكندري بس عندي سؤال واحد

في أي منطقة أنت الي تصيد الدرة من بيتكم ؟؟؟؟؟؟؟؟؟؟؟؟؟

[ابو دانيال]

المشاركة الأصلية كتبت بواسطة عاشق وتر

في أي منطقة أنت الي تصيد الدرة من بيتكم ؟؟؟؟؟؟؟؟؟؟؟؟؟

نفس الاستفسار

[ولد مكة]

الله يعطيك العافية بصراحة قصة حلوووة بس احب اقولك انت طار منك 3 مرات ومافكرت تقص جناحه انصحك انك تقصه له وراح يطلع معك احسن وكمان عشان لايطير ولعد تشوفه لانه موكل مرة تسلم الجرة .

[الكندري زو]

هههههه لا تسألوني ويني فيه المهم انا بالكويت :P الكويت مليانه دره في مواسم. و هذا الشهر بدايتها تقريبا

و شكرا على الردود

بالنسبة لقص ريش الطير انا قصيته اول مره ليمه طار بس بعد ما طلع ريشه ما قصيته .

و انا ما اعرف اقص ريشه بشكل مرتب . فخليته على حاله يكون احلى شكله