صور لفرخ الدرة الي عندي وبعض الاسئلة

[killer]

السلام عليكم

كيف حالكم اخواني ؟؟

طبعا اليوم وبحمد الله اشتريت هالدرة المطوقة

طبعا هي صغيرة جدا جدا في السن

وهذي اول صورة ماشاء الله



واعذروني على رداءة التصوير




والحين جا دوركم

طبعا الدرة في ظهرها نقط سوداء

وابوي قالي اسئل الخبراء عنها(اعضاء توزو)احتمال يكون حشرات او شيء

وهذي الصورة



والشيء الي خلاني استفسر هو وجوده في الظهر فقط

اي لما تنام عليهم امهم يكون مكان الحشرات اذا كان موجود في امهم

وثاني ســؤال

كم هي الفترة بين الوجبات وانا مؤقتا اعطيها سيريلاك لاني ماحصلت وقت اروح السوق حق اخذ اكل الفروخ الخاص

والطير ماشاء الله عليه حركي

ومحتاج حنان يعني اطلع من العش الي مسويه له واخليه مسافة 3اشبار عني فقير يتمشى ويندعس تحتي

يارب اتوفق فيه مب مثل كل فرخ اشتريه ويموت

وعلى فكرة تذكرت !!!

كم عمرها تقريبا ومتى هو وقت التطعيم؟؟والي مايعرف لا يستخبر رجاءا

[عسوله جدة]

انشاءالله الخبراء يفيدوك

[SharkSoftware69]

الصورة غير واضحة فلا استطيع ان اجاوب على هذا السؤال
لكن هل ترين حشرات مثل القمل على ضهره؟

عمره التقريبي اسبوعين او ثلاثة

اربعة وجبات في اليوم
الصباح ثم الظهر ثم بعد العصر ثم في المساء

[killer]

اولا الشيخ انا رجل مو بنت

وثانيا كيف يعني مثل القمر تراني مو فاهمك

والحين اصور لك صور جديدة

[عازف الكيبورد]

السلام عليكم


أخوى أنصحك أن تذهب لطبيب البيطرى ليصرف لك دواء لطفيليات الخارجيه

[البطريقه]

ببغائك كبير وحنون ماشاء الله عليه

ببغائي يوم كان صغير فيه ريش قليل اصغر من ببغائك مااشوفه يحتاج حنان النذل كله يبي يعض من يوم هو صغير فيه نذاله

[killer]

اولا اخواني شكرا على مروركم وردوكم


عازف الكيبورد

اخوي هذي الدوائر او الحبوب طلعت هي مكان يخرج منها الريش والحين تغير شكلها من دائري الي خط اسود وطالع منه راس ريشة


البطريقة

والله الشيخة الطير حليو ومحتاج حنان والله كاسر خاطري فقير لاني اطلع وماجلس معاه وايد ماعدا وقت الاكل وشوي وانا على الكمبيوتر اخليه في حظني وينام ماشاء الله عليه

وبعض الدرر ايجونت وحشيين من الصغر يعني وانا اشهد

[SharkSoftware69]

المشاركة الأصلية كتبت بواسطة killer

اولا الشيخ انا رجل مو بنت

وثانيا كيف يعني مثل القمر تراني مو فاهمك

والحين اصور لك صور جديدة

سامحني اخي اشتبهت في الامر و حسبتك بنت

مو قمر ( قمل ) مثل لاللي في الصورة مثلا



مادام ان الدوائر يخرج منها راس الريشة اعتقد ان الطائر لديه نقص في الكالسيوم

[عالم الامارات]

هلا

انا عندي دره بس اكلها سيريلانك تبع الاطفال لانه اخف

لاني كل ما اعطي مال بغبغات يمووت عندي الفرخ

الا هذا

يا حليله اخذته هو فرخ الحين طلع له ريش بس اذا احد حمله غيري يبغي يعضهم ويصارخ الا انا

عشان جذيه حاولي اختي تحطين يدك في منقارقه خليه يتحسس من يدك عشان اذا كبر يعرفك ولا تحاولي انك تخافي من عضه


بس اعطيه من ناحية اليمين لا تعطينه من ناحية اليسار عشان ما يغص ويدخل الاكل في مجرى التنفس

ولا تعطينه اكل وايد من تشوفين حوصلته مليانه خلاص عشان ما يصيبه اسهال ويموووت

واثناء تاكلينه حاولي تنادينه باسمه كل شوي عشان يتكلم يوم يكبر

بالتوفيق

[عازف الكيبورد]

السلام عليكم

أخوى طيرك يعانى من تساقط ريش او تنتيفه من قبل الابوين

أذا كان تساقط ريش نتيجة طفيليات يجب معالجته وهذه تكون نتيجة عدم الاهتمام بنضافة العش

فتتكون نوع من الطفيليات تتسبب في سقوط الريش واذا استمرت تقتل الفراخ


أما أذا كان نتيجة تنتيف من قبل الابوين فما في هناك مشكله سوف يعود الريش بضهور


أرجو أنك فهمتنى