اشتريت طيور البادجي أريد نصايحكم وعندي أستفسارات

[uae10]

السلام عليكم ورحمة الله وبركاته
مرحبا الساع جميعاً

قبل أسبوع أشتريت طيرين ذكر وانثى البادجي
وكان ماعندي ولا معلومة عن البادجي والحين الحمدلله بعد قرايتي للنت تعلمت وايد أشياء عن البادجي
وامس روحت المحل بدلت القفص خذيت قفص يديد أكبر ان شاء الله باجر بصور بحطه في الموضوع وحتى الطيور بصورهم وبحطه في الموضوع
والان عندي أستفسار
امس بدلت القفص كان صغير والحين خذيت اكبر وبعدين سرت البيت قلت بمسك الطيور وبعدل القفص بحط الصناديق وعند أمساكي للبادجي الذكر انقطع ذيله والله عور قلبي من أمس افكر افكر مادري هل الذيل ينمو مرة ثانية ولا خلاص مافي امل
وشنو اعطيهم غير الحبوب الخاص فيهم
والله أنا سعيد جداً جداً بشرائي البادجي سبحان الله كنت ماعرف مول عن الطيور مريت صوب محل العصافير نزلت المحل قلت حق رجال المحل شنو افضل طير مناسب لي اربيه ويتكاثرون قالي هذا وانا كان ماعندي ولا معلومة عنهم
بعدين بديت ادخل النت شفت وايد مواضيع عنهم
وتصدقون كنت ماعرف حتى اسم العصفور
وعندي أستفسار جداً مهم انا حالياً حاط صندوق وحاط داخل الصندوق قطن بس ابغي اعرف هل القطن زين وبيرتاحون للقطن
وقبل اربع ايام شفت فالنت تفاح وجزر مطحون زين حقهم سويت العصر تفاح وجزر حطيتهم ماكلو يوم قمت الصبح شفتهم ياكلون اي وقت مناسب عشان اعطيهم

وان شاء الله أكون خفيف عليكم ومواضيعي ماتضايقكم وأنا سعيد بتسجيلي في المنتدى وكتابتي أول موضوع
وان شاء الله المرة الياي أكون انا افيدكم واشاركم في المنتدى
وان شاء الله باجر بحط صور البادجي الي اشتريته والقفص والصندوق اباكم تشوفون ماناقصلهم شي