فروخ كاسكو في جدة ؟؟

[كوكتيل2]

السلام عليكم ورحمة الله وبركاته اتمنى عدم غلق الموضوع لاني ابغى اكتر من اقتراح
انا فكرت ان شاء الله بعد العيد بجيب ذكر كوكتيل للانثى وزوج كناري يعني تقريبا حسبة 1000ممكن تنقص شوية او تزيد شوية وفكرت وخططت وكل شي ومازالت الفكرة في راسي
لكن جاتني فكرة وهي انو انا اصلا نفسي ادخل عالم الطيور الكبيرة
يعني اغير وكده فكرت اني اشتري فرخ كاسكو بعمر لا يتعدى شهرين 3شهور واخيه معايا ابو الين ينطق الكلام وكده اكون
1-دخلت عالم الببغاوات الكبيرة
2-اهتمامي يكون على طائر واحد
3-احقق واحدة من امنياتي اني اخلي الطير يتكلم
4- ممكن يكون الربح فحدود ال1000 او اكتر
صراحة
ايش افضل ماديا زوج كناري مع زوج كوكتيل او اشتري فرخ واكبرو وابيع ؟؟؟؟؟؟؟
شوفتو الموضوع على شان السؤال الاحمر
وعندي سؤال تاني بس خايف يتقفل الموضوع علشان السؤال دا وهو بكم تقريبا سعر الفرخ ؟؟؟ اتمنى من الادراة عدم حذف الموضوع

[كوكتيل2]

شكلي رح ابطل على الكاسكو اشوف الاسعار فوق ال1500 يعني 1600 وكده ؟؟؟
مالي غير الزوجين وان شاء الله ينتجو ويفرخو
مين عندو زوج كناري منتج او ذكر كوكيتل منتج عمر فوق السنة ونص في جدة ؟؟؟؟؟ طبعا لو فيه يكلمني خاص نتفق وبعد العيد يجبلي الي عندو وانا موجود ان شاء الله في البيت من تاني يوم

[the_gostman]

اخي الكريم..

تربية الببغاءات الكبيره هي متعه بحد ذاتها لما فيها من تحدي وجميل جدا ان تشوف تدريبك وتعبك بدأ على الطائر.

في البدايه بما انك لا تمتلك خبره في الكاسكو اياك شراء فرخ بعمر 3 شهور !! فمناعته ضعيفه ويحتاج عنايه عاليه.

انصحك بشراء هولندي (تفقيس مزارع) بعمر 6-8 شهور لكي يكون اجتاز تقريباً مرحلة الخطر..

واسعار الهولندي لا اتوقع انها تقل عن ال 1700 ريال وطالع.


بالتوفيق
أخوك رمزي

[كوكتيل2]

والله حتى الوالد البوم قلي انو مايعيب الكاسكو بشكل عام ضعف المناعة فما بالك وهو صغير ؟؟قلتلو كلامك صح وأنا بحاول أبدا في التجارة ووقت ما أجيب مبلغ كويس رخ اشتري إنشاء الله امزون يقول الوالد مناعتو أقوى والي انا اعرفو انو صح أقوى بس هل بعد مايكبر ينسى الكلمات ويمكن كمان يسير غير اليف ؟؟؟؟؟؟

[monybat]

اخي الفاضل
كلام الوالد صح
ولكن بالنسبه للامازون انه يكبر وينسى الكلام ويتوحش
هذا لا اتفق معاه لان الامازون غير تماما عن الكاسكو وكل يوم يتعلم كلام وحتي لو ما نطق قبل سنه
لانه بطبعه لعوب واجتماعي يحاول يعمل اي شي كي يتقرب من صاحبه
وبالتوفيق

[كوكتيل2]

شكرًا على الإفادة بس الوالد ما قلي على الأمازون إلا ان مناعتو قوية
أما الكلام التاني هدا واحد من أصحابي والي معاه يقولو نفس الكلام بس يمكن هو يقول كده عشان ما يبغى احد يشتري زيو لانو امزونو كبر وما يتكلم إلا كم كلمة فقط وأنا قلتلو اول اني أدور على فرخ قام قلي الكلام الي انت قلت عليه غلط
شكرًا على المعلومات والإفادة

[the_gostman]

اخي الكريم الامازون من اروع الطيور على الاطلاق فهي طيور متحدثه بشكل ممتاز .. ولا تنسى اذا تم تلقينها وتذكيرها بشكل صحيح..
انصحك بشراء بلوفرونتد امازون فهو طائر قمه في الروعه..


بالتوفيق
اخوك رمزي