بوجي اول كلب ليا

[زياد سنيد]

السلام عليكم
كلبي بوجي بيسلم عليكم وبيقولكم ايه رايكم فيا هو عنده 56 يوم كده يعني معلش علي الصور لانها من موبايل
http://[url=http://www.2zoo.org/][/url][/IMG
انا وبوجي
http://[url=http://www.2zoo.org/][/url][/IMG

http://[url=http://www.2zoo.org/][/url][/IMG
وتاني مره اسف علي الصور

[rakan......]

ماشاء الله تبارك الله

مبروك عليك هالمزيون بوجي

مع ان الصور مش واضحه كثير بس ع البركه

مع العنايه بالاكل وصحه الكلب بيكون من احسن لاحسن

تقبل مروري

[زياد سنيد]

شكراً ليك

[زياد سنيد]

بس بوجي بياكل البرز بتاع ليه ؟

[كريم ميمو]

انتا بتاكله ايه ؟؟؟

[Avatar Aang]

1-و السبب اللي معظم الناس هتفكر فيه...الكلب ممكن يكون جعان , لو الكلب بيعتمد عليك في تقديم الاكل كل وجبة ممكن جدا يكون جعان و ده بسبب انك مش بتحتله اكل كفاية علي عكس كلب تاني صاحبه موفرله Self-Feeder و ده عبارة عن خزان الكلب بينزل منه الاكل وقت ما هو عايز و عمره ما يجوع


2-بردو السبب التاني معقول جدا و ان الكلب بتاعك بينظف المكان اللي هوا قاعد فيه ... الكلب بطبيعته ميتبرزش او يتبول في المكان اللي هيعد فيه غير لو مضطر مثلا مربوط بسلسلة او محطوط في بوكس "Kennel" ...
3-السبب الثالث ان في كلاب بطبيعتها بتحب تشيل اي حاجة ببقها و خلاص حاجة في جيناتها...

4-السبب الرابع ان الكلب ممكن يكون عنده دود او طفيليات في بطنه بتتغذا علي اكله ساعات ناس تشتكي ان الكلب بياكل اكل رهيب و مش بيتخن في ناس تانية بقا مش بتاكل الكلب حسب مزاجه بتديله الكمية الطبيعية ... طيب الكلب بياكل نصف الاكل بتاعه مثلا هيعمل ايه؟ اكيد هيجوع جدا و النتيجة انه ممكن ياكل البراز بتاعه

5-السبب الخامس و ده الشائع بين الناس قوي تسال اي حد يقولك الكلب عايز ملح.... الكلاب ممكن تاكل برازها و في الحالة ديه براز اي حيوان تاني في البيت علشان في املاح ناقصاها سعدتك مش موفرها للكلب في اكله.

6-الملل...الكلب حيوان بيحب اللعب لو ذهق توقع منه اي حاجة ... بعض الكلاب بياكل برازه من الزهق و الملل اي حاجة يملا بيها الوقت

7-الكلب ممكن يكون متوتر , في حاجة مجنناه , متحمس زيادة عن اللزوم لاي حاجة ..مكتأب ..(ايه يا عم هوا الكلاب بتكتأب ؟) اه بتكتاب و ياما سمعنا عن كلاب ماتت ورا اصحابها حزنا عليهم...اي حاجة من الحاجات ديه ممكن تخليه ياكل برازه

8-الكلب ممكن يكون بياكل البراز علشان خايف منك بتكون بتدرب الكلب انه يعمل برا البيت و غصبا عنه اضطر عمل جوا البيت فا ياكل البراز علشان ميتعاقبش...ولاهي كلبتي كنت لما بقفشها بتاكله من غير ما تحس و انده عليها تتفزع و هيا عارفة انها بتعمل عملة و تجري تستخبا متبانش بقيت اليوم

9-لو عندك كلبة والدة جراء جديدة ممكن اوي تلاقي الام بتاكل براز ولادها و ديه حاجة في غريزة الكلب علشان بتداري الريحة خوفا من جذب الحيوانات المفترسة و الكلاب الخري
10-الجراء ممكن تاكل برازها علي سبيل التجربة.... لسا صغيرة مش فاهمة بتجرب في كل حاجة و متعرفش اي حاجة

11-لو الكلب بيشوفك بتنضف و تشيل البراز كتير ممكن يبدا يتعلم من مراقبتك و يقلدك حاجة اسمها allelomimetic behavior.

12-لو عندك كلاب كتير ممكن يتعلموا من بعض ... واحد مهيمن عمل كدة و الباقي قلدوه

13- ديه غريبة شوية بالنسبة للمربيين...الكلب ممكن يكون بيحب طعم البراز...رطب و ساخن (يععع) و ملهوش ملامح و ده غالبا بيكون شبه الاكل اللي الكلب بياكله

14-الاكل اللي انت بتقدمه لكلبك ناقص مواد الاكل الاساسية زي واحد بياكل كلبه عيش بالشوربة بس كل يوم طيب الكلب هيجيب بروتين مثلا منين؟!!

15-...البراز بتاع الكلب شبه الاكل اللي هوا بياكله بالظبط و ده ناتج عن ان نوع الاكل وحش و مغظم الاكل مش بيحصله Absorption و كله بينزل مع الاكل الغير مهضوم فكان الكلب بالظبط شاف العشا مرمي علي الارض ادامه

16-لو الكلب بيتقدمله اكل كتير بزيادة...ممكن ياكل البراز خصوصا لو كان الاكل غني بالدهون لان الاكل الزيادة نزل في استخراج الكلب

17-بعض الكلاب عايزة تلفت الانتباه! الكلب حيوان ذكي و هيتعلم انه لما بياكل برازه انت بتزعقله ايوه هوا زعيق لاكن برده لفت انتباهك ليه و ديه علامة واضحة ان الكلب بيعاني من الاهمال من قبل صاحبه

18-الكلاب في الطبيعة بتعيش في جماعة عادة ما يكون ليها ذكر مهيمن...لو انت مربي كذا كلب ممكن واحد فيهم ياكل براز التاني كدليل علي الخضوع

19-الكلب عايز ياكل اكتر من مرة في اليوم... ايوة انت ممكن تكون بتديله كل الاكل اللي هوا محتاجه في طقة واحدة بس هوا عايز ياكل اكتر مت مرة يبقا تقسمله الطقه اتنين

20-الكلب حيوان فضولي بطبعه و ممكن ياكل علشان عايز يعرف ايه ده؟!!!



لاكن على حد علمى والى متئكد منه ان الكلب بيبقى
ناقصه املاح فا ياريت وانت بتقدملو

الاكل ابقى حطله املاح ولو استمر فى اكل برازه
ابقى شيل البراز بتاعه اول ما يعمل حمام ولو منعك زعقله واضربه

بس ضرب خفيف يعنى مجرد تهويش مش توجعه لان من الصور
واضح انه صغير جداً



وربنا معاك ومبروك الكلب

[زياد سنيد]

انا باكله بطاطس مسلوقه وجزو مسلوق وبيض مسلوق بس
والف شكر ليك يا AVATATR هو صغير اصلاً في السن وبسم الله مشاء الله جسم جميل جداً والله
وقولولي رايكم بردو؟

[الهولي]

وعليكم السلام ورحمة الله وبركاته
ايه الحلاوه دي ايه الجمال ده
ياعيني ياعيني
هو مربرب شوي
وصحتو ميه ميه ولافراخ الجمعية
انتبه عليه من ناحية التطعيمات والتحصينات
وهو جميل اوي اوي
اكثر الكلاب الي تاكل البراز تبعها هي تكون جوعانا او عندها قوة شهيه للأكل
هينا نسميه لوسا
الحل مكان الاكل لحاله غير مكان التبرز
يجب يكون مكان أخر
وانت معلم صغير
مبروك عمو زياد
ومتعملشي شطانه
انا بحزرك اوه ههههههههههههههه
على راسي والله

[ابن سورية]

ماشاء الله الجرو جميل اعتني به وماتنسى التطعيمات

[زياد سنيد]

المشاركة الأصلية كتبت بواسطة الهولي

وعليكم السلام ورحمة الله وبركاته
ايه الحلاوه دي ايه الجمال ده
ياعيني ياعيني
هو مربرب شوي
وصحتو ميه ميه ولافراخ الجمعية
انتبه عليه من ناحية التطعيمات والتحصينات
وهو جميل اوي اوي
اكثر الكلاب الي تاكل البراز تبعها هي تكون جوعانا او عندها قوة شهيه للأكل
هينا نسميه لوسا
الحل مكان الاكل لحاله غير مكان التبرز
يجب يكون مكان أخر
وانت معلم صغير
مبروك عمو زياد
ومتعملشي شطانه
انا بحزرك اوه ههههههههههههههه
على راسي والله

الف شكر ليك يا عمو وخلاص مافيش بعد مده شيطانه ههههههههههههه