(كاسكو) ايش مشكلته بالضبط؟

[Arashi]

السلام علكيم ورحمة الله وبركاته

اشتريت كاسكو عمره 4 شهور والحين كمل معاي شهرين
فيه شي غريب...لما أعلمه شي يسمتر عليه اسبوع اسبوعين ويرجع من الصفر

مب عارفه أشرح...بس لما علمته ما يعض والمسح عالراس كل شي مشى تمام...ينزل لي راسه بنفسه ويطلب مسحه ويقوم يلعب بصبعي بكل لطافه...وبعدها بأيام يفاجئني بأنه ما يقعد على يدي حتى ويعض ويغربلني
أعيد التجويع والتدريب ويصير كل شي تمام...اسبوع ويرجع من الصفر ولا كأني علمته شي!

لا أعصب عليه ولا أغربله...فليش ينقلب علي فجأه؟

الاغرب من هذا انه بس يحب أداعبه لما يكون على كتفي او يحط راسه تحت رقبتي او خدي (اي مكان قريب الوجه) او لما يكون واقف عالقفص...اما عالستاند وعلى ذراعي لا الا بصعوبه (وفي هالمكانين يعض ويحاول غصب يقترب من وجهي)

فهل ببغائي يحبني في اماكن ويكرهني في اماكن؟
مع العلم اني ما أذيته في هالاماكن عشان يكرهها

هو متعلق فيني بشده لدرجة انه لما يسمع صوتي يناديني ويطير عندي
لكن مافهم ايش قصة المزاج هذا!!! (حاله اول مره تمر علي)

[تشآرلي]

وعليكم السلام ورحمة الله وبركاته

بهذا العمر الطير ينسى بسرعه وغالبآ الفروخ تكون توها صغيره

ونلاحظ عليها تصرفات تبي هيا المسيطره مثل الطفل الصغير لما يحب يجلس بالمكان الي يحبه او ياكل وقت مايبي .

فالفروخ دائما متقلبه المزاج وسريعة النسيان

وللعلم كل الطيور الي مرت علي تحب تجلس ع الكتف وتخليني العب معاها بكل شي

لما يكون ع القفص مايحب احد يمسكه

طبيعي جداا

ولكن انت تحتاج مده اطول لكي تقوى المحبه بينكم ... انا طيري استمر 9 شهور الىن صرت امسك بكل جسمه

واللعب معاه .. وللان لما يكون بمكان مرتفع مايخليني ابدااا امسكه

بالتوفيق

[Arashi]

يعطيك العافيه اخوي...حبيت أتأكد ان كان الوضع طبيعي ولا لا ^__^
انا أعطيه من وقتي ساعتين عالاقل...فهل يمل من كثر الجلوس معاه واحسن اخفف قعدتي وياه؟
لأني لاحظت يكون طيّب معاي لما أنسغل عنه...كأنه يشتاق لي

وللان لما يكون بمكان مرتفع مايخليني ابدااا امسكه

لاحظت ان الطير يخاف لما يكون في مكان مرتفع...لما يضايقني وهو فوق يدي أقوم أرفعه فوق فيهدأ من الخوف وعقب أنزله

في اي عمر تقريباً يصير الطير متروّض 100%؟
لأني مع 2 فروخ عمرهم 7 شهور تروضوا 100%....فهل هالشي يختلف من طير لآخر؟