صور حوضي السيكلد الافريقي بعد تعديل كامل

[احمد 24]

السلام عليكم ورحمه الله وبركاته

اخواني واخواتي منتدى تو زوو بعد ماحطيت صور حوضي السيكلد وسمعت ارائكم واقتراحاتكم سويت الي قلتولي عليه وطبقة وجهة النظر طبعا بعد تعديل كامل وتضبيط الحوض وتغير نص الماء بزالة الكلور

طبعا الحوض 120 +50 +40 يحتاج فلتر 2400 بالساعه طبعا الفلتر الخارجي القديم 1000 لتر فقط وماكان يسوي شي

طبعا التعديل الي صار الارضيه تربه بنيه مخصصه للسيلكد + بناتات طبيعيه + صخور + وفخار + اخشاب

جهاز اوكسجين + اثنين سكريه + سخان + الاضاءه واحد ابيض والثاني ازرق+ اثنين فلتر خارجي بقوة 1400 لتر بالساعه يساوي 2800
مقياس الحراره الاكل حبوب بنيه + ربين مجفف

الاسماك 18 سيكلد + 3 زبال

والحمدالله الاجواء طيبه


اخليكم مع الصور والله لا يرحمني من ارائكم واقتراحاتكم وانا بالخدمه لأي استفسار بالحوض

------------------------

[ألولهان]

مشالله حوض حلو

لاكن عندي راى لو تخلي الخلفيه سوده يطلع شكل السمك

الازرق وليت ازرق وفيه سمك قوامق ما يطلع لونهن بوضوح فلو

تجيب خلفيه سوده اتوقع احلى يطلع

[سمكاويه]

حوض جميل مشاء الله وتغير احلى ... اتفق معى اخوي الولهان بصراحه لو حطيت خلفيه سوداء راح يكون شي جميل وانت جرب وما راح تخسر ... موفق اخوي والى الامام

[keo]

يالغالي انا عجبني حوضك القديم اكثر هذا حسه كانه مب مرتب ~~

المهم

تحياتي

[pacu man]

مشالله تبارك الرحمن حوضك تحفه يجب ان تعتني فيها اكثر من ناحيه المياه
يعطيك العافيه خيي
اخي كما قال الولهان فقط اقلب الخلفيه لان الخلفيه الزرقه وراهه الخلفيه السوده
يعني شي رائع بكل صراحه
تو ادري ان حوضي طلع نفس حجم حوضك
انا ناوي اخذلي حوض واحط فيه سكلد افريقي بصراحه خليتني اعشق السكلد الافريقي

[احمد 24]

الله يجزاكم خير بردودكم الي تبرد القلب وتطيب الخاطر .. بس للاسف خلفيتي الازرق من الخلف ابيض بس ان شاء الله راح اغيرها الي الاسود خلال ايام قليله


وبخصوص ردك ياكيو احترم رايك وكل شخص له اعجاب وراي بالشغله وبالعكس ردك جميل . اشكرك


واشكر كل اخواني الي بالمنتدى واخواتي الي وقفو معاي وخلوني شبه اصير محترف بتربيه وهواه الاسماك الزينه .. والبركه فيكم يااخواني


اتمنى دخول مشرف محمد علي علي والتعليق ع الموضوع لانه رايه مهم عندي

[pacu man]

لا شكر على واجب خيي بوشهاب
عندي تعليق اخر خيي
للعلم ان السيكلد الافريقي بسهوله سوف يفرخ في هذا الحوض لان مشالله البيئه جدا رائعه
وللعلم مره اخرى في المستقبل تقدر تسويلك احواض اخرى بأذن الله واهتم بتغذيتهم
وموفق

[كمون]

بسم الله
ما شاء الله

جميل جدا

بارك الله فيه

[احمد 24]

ياخي pacu man ردك يشجع الواحد لاتخليني اشتري حوض 3 متر واخربها بالصاله تحت ههههههه

كمون الله يجزاك خير ولي الشرف انك تعلق ويعطيك العافيه


pacu man تهقى الخلفيه السوداء بتسوي منظر اقوى .؟

[pacu man]

هههههههههههه غلطا 3 امتار مره وحده عيل اخذلك قرش ربي فيه

اكيد انا حاط حق البيرانا خلفيه اسود بس روعه
اخوي عندك السمك الوان حتى سمج ازرق موجود بس اسود مافي فالوتحط اسود يطلع لون الازرق والاصفر يعني يطلعلك الوان السمج كله