الدرة تخاف مني

[FLAMINGO]

السلام عليكم
جماعة شريت فرخ درة. عمره اربع شهور من يومين تقريبا
مشكلته انه يخاف مني و من يدي
يعني لما ادخلها القفص يخاف و يهرب
بس. عادي امسكه نفس الحمامة و امسح على راسه ابدااا ما يعضني
و عندي مشكلة انية ان ريش ذنبه غير نامي و شكله متشوه بهالسبب فهل هدا شي طبيعي ولا لا
و شكر مقدم
ارجو الرد

[سلتوح]

اهلين اخوي هذي مشكله تجي لكل طير جديد في المنزل الترك له الوقت كي يعتاد عليك وعلى افراد المنزل وراح يتلاشء الخوف
اما بمناسبت الذيل تفحصه جيد لان من الممكن انه متكسر ولم يبقا الى الجذوع وحاول توديه الى خبير ينزعها لك

~تقبل مروري~

[حايلي111]

السؤال الصحيح هو منو الي ماتخاف منه الدره . ؟
الدره يخاف من كل البشر . حتى الاليف منه لما تدخل يدك بقفصه يخاف وينهبل ولما تطلعه يطلع ع ايدك بكل هدوء صراحه طائر مجنون واكرهه واكره عضته . بس احب تصفيره

[بلاك بيري]

مبروك على الطير

خليه معلق في مكان مرتفع فتره اسبوع الين يتعود على البيت ثم خليه فتره شهر فوق الأستاند في مكان عام وراح يتعود ان شاء الله وتودد له بالأكل

بخصوص اليل ادعم طيرك بالفيتامينات والأغذيه وتحلى بالصبر وتأكد انه غير مكسور لأنه لو مكسور يفضل نتفه

[old-alkasiko]

دائما نقول لأصحاب الطيور الجديدة أننا نخلي الطير مدة حتى يتعود على المنزل وأصحابه وبما أن طيرك يخليك تمسح عليه طلعه مرة في اليوم ومسح عليه وفي مدة قصيرة
يعني 10 دقائق كافية وبعدين رجعه على الشبك في هذه الحالة الطير يتعود على المنزل ويتعود على التمسيح من دون إشكال , الذيل إذا كان مكسر انتفه ,, موفق أخوي ,,