مزرعتي لتفريخ الرمادي

[هدااار]

بعد طلب عدد من الاعضاء بالحصول على بعض المعلومات الخاصه بمزرعتي اورد لكم في سياق هاذا الموضوع بعض المعلومات عن هاذه المزرعه .
بدئت الفكره لدي قبل مايقارب 9 سنوات بعد ان كنت مولع بهاذا النوع من الببغاوات وبعد الحصولي على بعض المعلومات والتدريب من قبل احد اقربائي قمت باستيراد زوجين من الببغاوات الافريقيه من دولة ساحل العاج وقد كانت منتجه وقد حصلت عليه في ذالك الوقت بمايقارب 12الف ريال سعودي عن طريق شركة استيراد وتصدير اماراتيه وكانت اول محاوله لدي في المنزل في حوش المنزل يوجد عشه كنت استخدمها لتربة بعض الطيور وجلست اكثر من 9 اشهر بدون اي تحسن
بعد مرور الشهر العاشر قام احد الازواج بلم العش فقمت باخراج الزوج الاخر الى غرفه اخرى وكانت المفاجئه بعد شهر واحد حيث قام هاذا الزوج بلم العش وماهي الى ايام قليله والبيض في العش من كلا الزوجين . بعد ما خرجت الفروخ خارج العش راودتني الفكره بأنشاء مزرعه لهاذا الغرض وفعلاً قمت بشراء مزرعه في مدينة تبوك على طريق المدينه المنوره تبعد عن تبوك اكثر من 50 كيلو متر بمبلغ 3500 ريال وقمت بوضع السور والبوابه وقمت بأنشاء الغرف الداخله المكيفه والمزوده بعدد من الدفايات وقد قمت بالاستعانه بشاب من ساحل العاج قدم من أجل العمره وكان يتقن بعض الانكليزيه وقد كان اخي ذالك الوقت في مكه فعرض الفكره على فذهبت مباشره الى مكه والتقيت به وقد كان عمره حوالي 35 عام وقد وافق بشرط ان يأتي الى المملكه بشكل رسمي وان يكون راتبه 1000 ريال شهريا وهو مادرا انه لو طلب 3000 اعطيته بس الحظ سبحانهزالمهم رجع لساحل العاج وحاولنا في فيزا من بلاده رفضو ويوم كلمناه قال انه يقدر يطلع جواز نيجيري وفعلا حولنا الفيزا الى نيجيريا وجانا الرجال في اقل من شهرين وقد اتفقنا انه يجيب معه 20 زوج منتج ووافق والله جابها برخص التراب لأنه ماهو داري كم قيمتها عندنا المهم بدأنا الرحله قبل مايقارب 7 سنوات والادمي جلس معي سنتين اعطاني اصول الشغله وراح لأنه على حد قوله جمع له اكثر من 25 الف ريال وخلاص شبع فلوس .المهم تنقسم المزرعه الى عدد من الاقسام
منها قسم الازواج المنتجه والطيور التي تكون معروضه للبيع وقسم الطيور الي يبيلها تدريب وقسم الطيور المريضه وقسم العنايه الدوريه بجسم الطير وقسم الطيور المراد الاكثار من سلالتها
مع العلم ان الشغله كلها ماهي رسميه ولا عندنا تحجيل ولا عندنا قسم لتصدير عندنا محل في تبوك ومحل في الطايف نودي انتاجنا هناك وفيه شركه اماراتيه تبي تسوي معي تعاقد على اساس انهم يشيلون كل الفروخ بس هم طالبين سجل تجاري وانا والله ماخذ الشغله هوايه مو تجاره برغم انها تدخل على سنويا اكثر من 250 الف ريال يصفالي منها بعد خصم جميع المصاريف 150 الف ريال اصرف فيها على اهلي ونفسي برغم انه ما عندي وضيفه بس اخوي الله يوفقه ساعدني في البدايه ووقف معي وبصراحه انا ناوي ابطل وابيع المزرعه لأني تعبت مررررره ما اقدر اروح واتمشى ولا اقدر اخليها مع العمال وبعدين بعض الاحيان يجي مرض يشيل من 30 الى 40 طير بعض الاحيان وامي تقول الطيور خذت عقلك وبعض الناس ما يعرف الفرق بين الرمادي الؤكل باليد والمصيود ويقول السعر عندك غالي مره وشكل السنه ذي اخر سنه لأني ناوي ادخل الاسهم بدل الطيور بغم اني احبها موت بعدين ودي اتزوج كل ما رحت اخطب قالو اهل العروس وش تشتغل اقولهم عندي مزرعه تفريغ ببغاوات قالو يعني حق حمام رح مانبيك وسلامتكم

[بوفهد]

يعطيك العافيه اخوي هدااار على الشرح الوافي والقصه الجميله اللي عشت معاك فيها

وكأني ازور المزرعه معاك

ماشاء الله ماشاء الله

واتمنى انك اذا نويت تترك هالمزرعه ما تترك هالهوايه الجميله وخاصة انك اصبحت من اصحاب الخبره فيها والتجربه خير برهان

وحلوه سالفة الزواج الاخيره والناس اللي ماتفرق بين الببغاء والحمام لوووووووووووول


بالتوفيق وياريت تحط لنا صور للمزرعه اللي تكلمت عنها بهالموضوع

[The slayer]

ياخوي ترى مو سهل تتخلى عن هذي الشغلة بس الله يعينك

[قناص]

والله شي جميل يا أخوي يا هدااار
وشاكرين لك على تلبية طلب الأعضاء الكرام

والصراحة فكرة انشاء المزرعة للتفريخ فكرة جميلة وممتعة للي يحب الطيور
ولكنها متعبة وتحتاج وقت وجهد ومال وتحمل جميع العواقب الحسنة والسيئة

وأنا شخصيا جربت هذه الفكرة . . ولكن لتفريخ طيور الكناري والفنش
ونجحت معي الفكرة ولكن لضيق الوقت وانشغالي بالوظيفة أوقفت المشروع
وكنت مستمتع بانتاج أنواع طيبة والوان غريبة

وضحكتني والله مع الشاب اللي جاي من ساحل العاج واللي طلب 1000 ريال شهريا
وبعدها قرر انه يرجع لديرته لأنه شبع فلوس وجمع 25 ألف ريال

وبالنسبة للزواج فنقولك الله يوفقك بزواجك

وشاكر لك عزيزي على الموضوع الجميل . . ومثل ما قال بوفهد لو دعمته بالصور لكان أفضل

[الاستاذ]

ماشاء الله عليك اخي هدار فعلا قصتك مع المزرعه قصه جميله وخاصة قصة الافريقي ونتمنى انك تالف كتاب عن المزرعه وطرق التفريخ ونتمنى لك زوجه صالحه ان شاء الله

[king parrot]

السلام عليكم
الله يقطع سوالفك اخ هدار هل الببغاء يلم عش زى الحمام؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اخوك
king parrot

[هدااار]

المعنى بلم العش وانا خوك تجهيز المكان لتفريخ وليس بالضروري لم القش كما يفعل الكنار او الحمام يوم انك تبي تزوج تقول الم عش الزوجيه هل يعني انك تلم قش ولا ريش عشان تفرخ فيها لا تفسر الكلام غلط وكل له اسلوبه وانشاء الله بأنزل موقع للمزرعه وتكون انت اول واحد يشوف الصور بعدين انواع لتفريخ اذا كان عندك خلفيه عن طريقه تفريخ السلال الي يتبعها الافريقي وهي ان تقوم بوضع سله مصنوعه من السعف ويقوم الزوج المتوالف بوضع بعض اوراق نوع من الشجر ليوجد نوع من الحمايه للبيض وهاذي الطريقه موجده ويتبعونها بعض المزارع في جده .
بالنسبه لصور يا اخوان انا موجود عندي صور بالجوال بس ماني عارف كيف احطها بالموقع او انقلها من الجوال للكمبيوتر

[king parrot]

السلام عليكم
خلاص انا غلطان الافريقى يلم قش ويفرخ وسط السلال ويلم اوراق الشجر !!!

اخوكم
king parrot

[تاكو]

هدار
انا اشوف ان التخلص من المزرعه
لهاوي صعب جداً ارجوا ان تفكر بالموضوع اكثر
اخوك 00تاكو

[هدااار]

مزرعتي تقع خارج تبوك باتجاه طريق المدينه المنوره خلف مخطط الكوثر بعد ما تخلص المخطط تاخذ اول لفه يمين وتمشي عشره كيلو بتحصل المزرعه الاولى لتفريخ الببغاء لواحد من اقربائي تعداها تلقي مزارع الرمادي على يدك اليسار وقف سيارتك وطق البوابه وقل ابي اتفرج ورح تلاقيني هناك وجب معك كمره واوريك الطريقه كامله لتفريخ الرمادي في السلال بس بيني وبينك تحدي اذا طلع كلامي صحيح تشتري المزرعه مني واذا طلع كلامي غلط ابشر بعشره ازواج من الرمادي منتجه والله يعلم اني صادق
تم اخوي