أهل الخبرة خلاص جبت اخري

[megahed]

من 7 شهور جبت 3 أزواج بادجي علي أنهم شبابات علي وش شغل مات منهم جوز بدون سبب قضاء اه والحمد له المهم من 3 شهور جبت جوز بداله كان شغال قبل كده المهم ولا جوز اشتغل عندي حتي الأن مع أن أعمارهم تجاوزت العام حيث عدسة العين حولها تغير اللون للابيض ومن اسبوعين واحدة باضت واكلت بيضها كله كانت تبيض وتاكل البيضه في سعتها وبنت تانيه لون كيرها ازرق فاتح وحول الأنف ابيض سألت قالو نتايه وكلهم متولفين وفاصل كل زوج بقفص
ارجو من اهل الخبرة افادتي في
1-الأسباب التي من الممكن ان تكون سبب لعدم انتاجهم حيث انهم اكثر من زوج ولم ينتج اي منهم
2- سبب اكل النتايه لبيضها وهل لها علاج ام ابيعها واستبدلها بأخري

ارجو الرد سريعا يا أهل الخبرة وجزاكم الله خير

[برنس المملكة]

بالنسبة لانهم ماينتجوا

للاسف ما نقدر نفيدك لازم صور للطيور

بالنسبة للانثى التي تأكل بيضها يكون عندها نقص في الكالسيوم

العلاج حط لطيورك عظمة حبار في كل قفص وهذه صور لها



تلاقيها في محلات بيع مستلزمات الطيور

وايضاً وجبة البيض بالبقسماط مرتين كل اسبوع

[bonsho]

معنى ان كل الاجواز مش انتجت
ممكن يكون السبب او المشكله فى المكان اللى هما فيه
انت حاتطهم فين ؟؟
تانى حاجة بالنسبه للانثى اللى بتاكل بيضها يبقى يا اما خايفه او عندها نقص كالسيوم
بس هى اكيد عندها نقص كالسيوم
هات لها من اى محل عصافير عضم سبيط
وحطه فى القفص لهم
انت بتحط لهم ايه فى الاكل ؟
وياريت صور لهم

[megahed]

شكرا لردك اخي برنس المملكة
انا فعلا حاطط لهم عظام الحبار وما بمنعه خالص هو اساسي مع الأكل
وكمان بحطلهم فيتامينات وكالسيوم بالماء شهريا تقريبا

[برنس المملكة]

المشاركة الأصلية كتبت بواسطة megahed

شكرا لردك اخي برنس المملكة
انا فعلا حاطط لهم عظام الحبار وما بمنعه خالص هو اساسي مع الأكل
وكمان بحطلهم فيتامينات وكالسيوم بالماء شهريا تقريبا

هذا يعني انها خايفة يعني المكان اللي حاطهم انت فيه غلط

[bonsho]

يبقى فعلا زى ماقلنا لك هى خايفه
وطالما كل الاجواز مش بتنتج يبقى العيب مش الاجواز العيب فى المكان
انت حاططتهم فين بقى ؟

[megahed]

شكرا لكم جميعا
انا حاططهم في البلكونه مع العلم انها بها ستارة لا أحد يراهم وهم لايرو احد
وبالنسبة للأكل
انا بأكلهم خلطة بنسبة كيلو دنيبة ونص بلكام ونص فلارس ده الخلطة الأساسية
وبأكلهم خضار جرجير وخس وخيار
وحسب نوع الفاكهة الموجودة بحطلهم موز تفاح بلح ايا يكن

[bonsho]

المشاركة الأصلية كتبت بواسطة megahed

شكرا لكم جميعا
انا حاططهم في البلكونه مع العلم انها بها ستارة لا أحد يراهم وهم لايرو احد
وبالنسبة للأكل
انا بأكلهم خلطة بنسبة كيلو دنيبة ونص بلكام ونص فلارس ده الخلطة الأساسية
وبأكلهم خضار جرجير وخس وخيار
وحسب نوع الفاكهة الموجودة بحطلهم موز تفاح بلح ايا يكن

تماما اوى
طيب والبكونه دى
على شارع رئيسى ؟؟
يعنى طول الوقت دوشه وعربيات وكدا
وفى حد بيدخل البكونه كتير

وهاتلنا ضروروى بقى الصور بتاعتهم

[megahed]

ان شاء الله هاحاول احطلهم صور علشان مجربتش احط صور قبل كده علي المنتدي
وبالنسبة للبلكونة فأنها في مكان هادي الي حد ما لايوجد سيارات بنسبة كبيرة تمر بالشارع وكمان زي موضحت انا فاصلهم عن الشارع حيث يوجد ستارة فاصلة بينهم مغطية البلكونة بالكامل
ودخول البلكونة بنسبة بسيطة من 3 الي 4 مرات في اليوم مع العلم انه لايوجد اطفال

[bonsho]

طيب
معلقهم فى البلكونه طبعا صح ؟؟