ما هي عواقب السفر مع القطة خارج المملكة

[كلاسيك]

السلام عليكم
أخواني أطرح عليكم هذا السؤال
ما هي أضرار او عواقب السفر مع القطة خارج المملكة ؟
يعني السفر لدولة أجنبية
و سلامتكم

[LeLe]

أبسط شي تخيل أن القطوه عجبها واحد أشقراني وشردت

ترا البراد هناك يغري .. حتى الخدامات يشردن فما بالك بقطوه

[كلاسيك]

لا أنا منيب مخليها تطلع يعني بمعنى أصح رجلي برجلها ما في امل تفرك بس أنا قصدي وش الخواطر غير انها تنحاش مثلا أنها من الخوف تموت ولا بتتعود بسرعة يعني من هالنواحي
يعطيك العافيه لي لي

[leo75]

اول شي بيتغير عليها الجو وهذا اسوء شي يعني بتمرض وقعدي عالجيها ووديها البيطري ويبيها
احسن شي تخلينها عند اهلج او صديقتج او باحد المستشفيات اللي فيها نظام الفندق للقطط وايد احسن من انج تاخذينها معاج

[كلاسيك]

أولا أنا ولد ثانيا شكرا ع الرد
تكفون أبي ردود زود

[##قطقوط##]

يعني ممكن من العواقب انهم يجمركون عليها
او تضيع عليك او تموت وذالك
ناتج عن انه ما يكون فيه اكسجين ووممكن ما يعرفون يتعاملون معها
وانا انصحك انك تخليها عند واحد من اقاربك او تحطها في البيت عند السايق وتعلمه عليها او جاركم او اي احد تضمنه ويكون له نفس في التربيه ويكون حنين على الحيوانات
وممكن تشوف لك اماكن الفندقة للقطط
وهذا الي عندي
اي خدمه

[كلاسيك]

تسلم يا بو الشباب والله ما تقصر
يعطيك العافيه

[اناوبس]

والله مرة احسة صعب اسفرها معي الا اذا بغيب فترة فوق شهر
وبعدين يكفي مسؤليتها لوسافرت بتحد من خروجك وبتحس وراك مسؤلية
يعني كلنا نعرف السفر بتخرج منت راجع الا تالي الليل
وثاني شئ هذه نفس يعني ممكن الجو يتغير عليها ولا يصير شئ لها يكون بذمتك
انت احسن خليها عند محل مسؤل عنها ولا شخص ثقة جدا يخاف عليها
انا ممكن لواسافر اجيب معي قطوة بس اسفرها معي نو وي

[*عاشقة القطط*]

في بعضهم يقولون لازم جواز

بس اهم شي يكون عندها شهادة طبية

وتكونين اخذه تدفتر التطعيمات

انا لما اشتريت قطوة من مصر

وقفونا عند الحدود يومين

بعدين بابا قلي تأخرنا

خلا خلينا نسيبها تروح

وراحت!

صح زعلت بس مامت<<<مافيها عقل

وكمان في طريق السفر الحمام حقها وين

تبي تحطه؟؟

على حجر امك!!

طيب لو اجتزت هذي المصاعب

لما توصل الفندق مارح يخلوك

وإذا رضيوا وين بتحط الحمام حقها

في غرفة النوم ولا المطبخ<<<لا في الثلاجه

طيب لو دخلتها بالدس

لما تخرج برا الفندق بيجي العمال

عشان ينظفون الغرفة صح؟

رح ياخذوها عليك ويرموها بالشارع<<<نصيحة مجرب

عاد البنغاليين اللي هناك مايهم

واصلا هم مصدر ازعاج فظيع عندهم

وهذا رأيي

[كلاسيك]

أخواني انا قد سافرت معها لدبي مره وهي صغيره تقريبا كان عمرها 3 إلى اربع شهور بالسياره ما في أي اشكال بس كان كل الهم هو اني تاركها لحالها في الغرفة اما عن العمال إللي ينظفون هذولا ما يدخلون الغرفة إلا و انا فيها
بس الحين المشكلة في السفر للخارج يعني لأروبا و بعد بالطياره !!
هذي الزبده ولا و ازيدكم من الشعر بيت أنها الحين طلعت هرشة ما شاء الله كبيره هذي مين إللي بيصاليها
المهم شكلي مالي إلا البيطري أسئله و اول ما يعطيني الأجوبه بسردها لكم
يعطيكم العافية و الله يزاكم خير