اتمنى كل من يشاهد الموضوع ان يشارك برأيه

[محب 2 زو]

السلام عليكم ورحمة الله وبركاته ..

كل عام وانتم بخير جميعا قبل الزحمة مثل ما يقولون

قولوا معي لا حول ولا قوة إلا بالله

سافر صديقي التركي إلى بلاده وهوا سعيد بصحبة اثنين من طيوره ( كاسكو ) وقفص ببغاء من الحجم الكبير .

ومعه شهادة صحية من جدة بسلامة الطيور .

بعد خروجه من السعودية ودخوله الأردن أثناء التفتيش !!!!! طلبوا منه جوازات الكاسكو جوازات أنا أول مرة اسمع الكلام هذه

أخي عجبك عجبك ما عجبك ارجع السعودية . الباص ما يدخل الأردن ياجماعة معي شهادة

صحية الطيور أليفة مرة وسليمة من الأمراض . والله أليفة سليمة ما هوا شغلنا جوازات الطيور

أو ارجع بيها السعودية .

شوف أخي تبي الباص يمشي اقتلها انت بيدك أو نحن نقتلها أنصدم . بيدي يقول والله مقدر اقتلها لو يحصل ما يحصل ..

والله يقول رجعله السواق وقله قتلوها .. يقول صاحبي جلس ادمع ماني مصدق جلست الطيور

معي أكثر من سنتين وضاعت في لمح العين
هذا إلي حصل قبل تقريبا أسبوعين أو أكثر بقليل ..

شاركوني أحزاني عندما اخبرني ما صدقة الخبر هل .. حاولت تتفاهم مع واحد منهم فاهم قال ما

في فائدة . عملت كل الطرق

[ابوفزاع]

شافهم وهم ميتين ؟؟

احلق شنبي لو ذبحوها ...

هذي نقطه ... وبعدين مع احترامي المفروض خويك يعرف يتصرف في مثل هذي المواقف ..

يقول طيب بطلعلها جوازات من عندكم بكم الجواز !!

في اشاره غير مباشره للبخشيش وهذا اللي هم يدورونه اصلا

والله يعوضه خير .. طيور لها سنتين اخليهم يذبحونها والله ارجع ولا اخليهم ينزلون القفص

[محب 2 زو]

اخوي ابو فزاع

الراجل مسافر بباص ماهو لوحده الباص ماعنده استعداد يأخر الي معاه يبي يكمل طريقه

الباص كله تركي رايح تركيا والسواق تركي مثله . هذا الي حصل من فم صديقي التركي .

استغفر الله العظيم انا مثلك قات الكلام هذا ما حاولت تعطيه بخشيش .. طبعا هوا خاف من لأنه الي قابله بيقول نقيب ... اما حكاية شافهم هوا يارجل دمع يوم قله السواق قتلوهم كيف يشوفهم وهم مقتولين .. الله المستعان

[aburagad123]

لاحول ولا قوة إلا بالله .. لعله خير
الله يعوضه بأحسن منها .. ولكن وش قوة القلب هذه إلي عندهم إنهم يقتلوها
ياخوفي يكونو شالوها بيوتهم .. الله المستعان

[عاشق_الببغاء]

لا حول ولا قوة الا بالله العلي العظيم

بأي ذنب قتلت

سبحان الله ليش كل هذا اللي صار فيهم جواز يريدوا علشان ببغاء هذا اللي ناقص انا اللي اعرفه بس البطاقه الصحيه تبعهم علشان ياكد سلامتهم مو جواز

لا تحزن اخي الله فوق كل شيء

قول بس انه خير من الله لان كل شيء مكتوب من الله فلا تحزن فالله راح يعوضك باحسن ولعمر اكثر


تقبل مروري

[بكاتشو]

ترا ممكن صحيح لانه لازم يكون معه جواز وما اعتقد ان الموضوع بس تعقيد لانهم قالو له ارجع للسعوديه وهذا اللي بيصير لو كنت مكانه لو اتركها عند اي محل في شمال المملكه وفي العوده أخذها
لانه نفس النظام عندنا يجرب واحد ويجيب معه طير من البرازيل او امريكا وشوف الكلام اللي يجيك ممكن يجيك جلطه منهم بكل برود ما تدخل اما ارجع انت وطيرك او يصادر
ممكن تدخل بكلاب وقطط بأوراقها لكن طيور ممنوع والله لو معك ايش الا امر صريح اما نظاما ما فيه
فلا نرمي على الناس التهم وربعنا اشد منهم
الله يعوض عليه ولو كنت مكانه ومعي الامزاوني حقي والله ارجع لو على رجولي ولا يقتل قدامي صار واحد من عيالي احبه بجنون وكل البيت اذا صار له شي البيت كله يستنفر لعلاجه الله يحفظه لي

[محب 2 زو]

اشكركم جميعا على تفاعلكم معي

والله الراجل بيخبرني وهوا زعلان بجد مامصدق الي بيحصل

سلم امره الى الله ولا حول ولا قوة الا بالله

لو تشفوا كيف كان يحبها ويعتنيبها الطيور صيد سارة مثل الكورة بيده يقلب فيها مثل ما يبغا كان متعلق بيها بشكل جنوني الله يعوضه خير يارب..

[NaWaF Pp:]

سلآم ,

الله يعوض صاحبك بآلى احسن منهم

بعدين هالدنيا مادري وش صار فيها وبالمخصوص عند المنافذ او الجمارك اي مصلحه لزم يكون فيه بخشيش نسأل الله السلآمه

ومسأله انهم يقتلونها كذب في زي التوقيف او غرفه يحطون الحيونات الي مالها اوراق شهاده او جواز ..الخ

تسافر وترجع تستلمهم واذا صابهم ضرر يعوضونك فاكلم صاحبك قله وانت راجع خليه يكلم المسؤل ترا ياخذونها ويبيعونها بمزاد



تقبل مرورى..,

[الطوقان]

لا حول ولا قوة إلا بالله ،،
الله يعوضه خير.

[مًٍحًٍمًٍدًٍ ...]

حلوه جوازات سفر لطيوره ؟؟؟؟؟؟ كان قال جوزاتها مع السفاره الامريكيه اخذوها مني من الحدود السعوديه كان مشوه وقالو المره الجايه جبها وياك بس ماعرف لهم هع هع هع هع ... مالت عليهم وربي لو انا لتلاعن معهم حلوه يذبحونها ليه هو سارقها حبيبي لو هو من جد متمسك بطيوره والله مايفرط فيهم لو سار ماسار .. بس الظاهر انو قالوله خذ هالمبلغ فيها وتركها هنا او هات جوزات سفر لها زناوات عيال الحرام .. بس الصدق صديقك مو كفو اخرطي .. شوووف ياخذون طيوري والله يصير فيها هواش وملعنت والدين.. وبعدين كان قال خلاص روح ياراع الباص وضل هو عندهم صدقني اذا شافوه عبيط ومو مفرط فيهم بيقلون له خلاص اركب اي سياره وروح ولا عاد تجيب طيور وياك .