الكاسكو مصدوم شالحل ؟

[ريان الشمري]

مساء الخير شباب
انا عندي كاسكو صارله عندي مدة تقريباً سبع شهور وحدّه متعود علي ويحبني وايد ويحب كل اهل البيت وعلى طول يصفر ويسولف أصلاً مايسكت ساعات اهلي يطلعونه بالحديقة من كثر انه موراضي يفصل بس المشكلة بدت من اسبوع تقريباً هو استمرض ووديته البيطري وعطاه الدوا قال انه معاه نزلة برد احنا تحايلنا عليه وايد علشان يشرب الدوا بس ماكو فايدة والمشكلة انه حالته كانت قاعدة تصير من سيء الى اسوأ لأنه ما قام ياكل فاضطريت اني اشربه الدوا بالغصب يعني امسكه غصباً عليه وافتح حلجه واعطيه الدوا ولمدة ثلاث ايام ، الحمدلله صار زين بس المصيبة انه نفسيته تعبت من المعاملة والطريقة اللي شربته فيها الدوا وصار كله ساكت وخايف مايتكلم ولا ياكل واربع وعشرين ساعة لاف ويهه كأنه يبي ينام يعني بالمختصر المفيد مكتئب وفاقد الثقة بأهل البيت
هذا أنا عطيتطكم السالفة كلها أبي الحل الله يعطيكم العافية شـالدبرة معاه ؟؟
اله يسلمكم لا تطنشون ابي خبرتكم ...

[بحر الكلام]

عادي ماعليك منه كله فتره ويرجع طبيعغي هو ماخذ موقف منكم وزعلان لانه مو متعود علي الطريقه الي مسكتوه فيه جديده عليه وخاف منها حجاول تتودد له مره ثانيه وتلعب معه وراح يرجع مثل اول واحسن باذن الله

[عشقي البلوفرنتد]

تودد له وعطه اكل بيدك والنساله مسئله وقت وتروووح الصددمه

[ريان الشمري]

يعطيكم العافية
وشكراً على التفاعل
انا بنت مو ولد
مو مشكلة اصبر عليه بس شكثر بطوّل معاه هالحالة موقاعد ياكل اكله وايد قليل

[عشقي البلوفرنتد]

لا شككر على واااجب

[صوغة]

نفسيته بتتحسن مثل ماقالوا لج الاخوان

الحين الاهم صحته لازم يعوض الي فقده بمرضه

افتحي له باب القفص خليه يطلع براحته وينزل

شكلي له الاكل قطع تفاح او برتقال او ذرة مسلوقه

او قطرات فيتامين بالماي

ومع الوقت والمعامله الحلوى وسماع الاصوات الحنونة ان شاءالله يرجع نفس الاول واحسن

وموفقه

[صاحب رأي]

كثير من أمراض الببغاوات يتم إكتشافها

من خلال فقدان الطائر لشهيته للطعام وكذلك

قلة نشاطه ولذلك يجب عليك التأكد من أنه

بصحة جيدة وتعافى تماما من المرض

فإذا تعافى تماما بإذن الله سوف يعود أفضل

من الأول أسأل له الله الشفاء التام

[ريان الشمري]

أخوي صاحب رأي تقصد انه من الممكن يكون اصلاً ليلحين ما تشافى يعني ؟

[تشآرلي]

فقدان الشهيه + لف الراس للخلف اغلب الوقت هذي اعراض الخمول والتعب

ماهي مسألة انه زعلان منك لكن الطير باقي ماتعافى

ربي يقومه بالسلامه ان شاء الله

وفر له المكان الدافي والهدوء وتابع الدكتور بحالته

[rcoood]

ممكن جد ماتشافى للحين راقب الطير الزين وربي يرجعه لك احسن من قبل