محتارة و ابي فزعتكم

[sweet_cat]

امس الحمدلله تبنيت قط من خلال المنتدى ( القط مفقود ولا ندري من اهله ) والي لقاة الله يجزاة خير اعلن عنه واحتفظ فيه فترة ببيته بس ظروفه اجبرته يعرضه للتبني

المهم

القط كانت حرارته مرتفعه و الحمدلله عطيته بيتاموكس و تحسن شوي واليوم الصباح اخذته ع البيطري و عطاة ابرة خافض للحراره و ابرة منشطه لانه طول امس لليوم ما اكل وهذا شي مضايقني .. شي طبيعي بعطيه كل لين بالسرنجه و بشربه سوايل بس يصحى من النوم مع اني اشك انه ياكل !

فزعتكم يا اخواتي و يا اخواني القط جميل ما شاء الله ودلوع واليف بشكل مو طبيعي و كاسر خاطري لان قطتي مو متقبله وجودة ابدا وانا تعبانه نفسيا لاني فقدت قططي من قبل ( سمارتي توفي ماكس )
ابي الحل هل اعرضه للتبني من جديد مع العلم اني حطيت له كذا اعلان بانه مفقود في بعض المنتديات
خايفه عليه كثير لان تغير بيئته كل شوي يأثر في نفسيته و القط لحد الحين ما اخذ تطعيماته

القط حلو ما شاء الله و اليف و اكيد حبيته و تعلقت فيه بس كيف احتفظ فيه بوجود قطتي المعقمه الي رافضه وجودة ؟؟

ساعدوني الاقي اصحابه .. ساعدوني الاقي حل .. الاهم عندي القط و نفسيته و صحته قبل كل شي
مشكورين

[قطوووتي]

اختي مافهمت فين السؤال

[sweet_cat]

ابي الحل هل اعرضه للتبني من جديد مع العلم اني حطيت له كذا اعلان بانه مفقود في بعض المنتديات
خايفه عليه كثير لان تغير بيئته كل شوي يأثر في نفسيته و القط لحد الحين ما اخذ تطعيماته


بس كيف احتفظ فيه بوجود قطتي المعقمه الي رافضه وجودة ؟؟


تقريبا هذا هو السؤال

[قطوووتي]

اختي استمري على بيتاموكس 3 ايام وانشاء الله يخف
واذا انتي تبغينه احتفظي فيه وبالنسبه لقطوتك خليهم اسبوع او شهر مع بعض ويتعودوا على بعض
واتمنى اني افدتك

[sweet_cat]

مشكورة يا غاليه ع النصايح .. بالنسبه للمضاد اكيد بستمر عليه

المهم ربي يفرجها ان شاء الله و ياكل عشان يتحسن و نعطيه التطعيمات

الذكر بيكبر و بيطلب زواج و بيرش المكان وهذا شي مو سهل بوجود انثى معقمه
يلا ان شاء الله الاقي اصحابه الي ضاع منهم ( هذا افضل حل بنظري )

و مشكورة مرة ثانيه

[Octopus]

لم تقولي كم عمره واضني بالنسبة لقطوة انثى انها لم تعد قادرة على الحمل او الولادة بحجة انه سويت لها عملية تسمى ازالة الرحم ما صح

[sweet_cat]

ما اقدر اقول كم عمرة لانه مفقود و يمكن الاقي اصحابه ان شاء الله

بالنسبه لكلامك الثاني مافهمت انت تسأل او تصحح لي معلومه !! عموما قطوتي ماتحمل ولا تولد و كبيرة بالسن بالنسبه له .. بس هو لما يكبر مارح يعرف هذا الشي واكيد بيرش المكان و بيطلب زواج

المهم الي يعرف احد ضايع له قطو بالخبر يراسلني لان وجود القط مع اصحابه افضل و خاصه انه دلوع كثييييييييير و اليف و نظيف ما شاء الله يعني ولد عز

مشكورين

[Octopus]

اصصح المعلومة

و كنت سائلتك عن عمره حتى نقدر نساعدك


بس لو حد طلب مواصفته او شي من هذا لا تخبريه

[sweet_cat]

عارفه انكم ما تقصرون وتبون تقدمون المساعدة مشكوين يا اعضاء تو زو

يارب يسهل رجوعه لاصحابه

في امان الله

[sweet_cat]

اقول الله يخليكم ما عاد اصبر القط رافض الاكل بشكل نهائي و طلع من بطنه سايل اصفر مثل امس ...!! معقوله حرارته لازالت مرتفعه مع انه اخذ ابرة ؟؟ انا خايفه يموت عندي لا سمح الله و يكون ذنبه برقبتي وش اسوي

القطو عمرة ست شهور تقريبا و ما اخذ تطعيماته ( هذا كلام البيطري )

طول الوقت نايم او يتمشى يستطلع المكان و يشم الاكل وما ياكل و يحاول يشرب ماااااي و ما يقدر مع انه يمشي بشكل عادي و ينط ما شاء الله عليه و يتمسح علي .. ساعدوني اذا الله شافاة ان شاء الله بعرضه للتبني خلاص