إخواني ساعدوني في هذه المعلومات ببغائي الهولندي صغير ( صور )

[سلاش أسود]

السلام عليكم ورحمة الله

هذه صورة الطير توني شاريه

ماشاءالله تبارك الله



يطلع صوت ينرحم مو تصفير مادري وشي مافهمت وش معناها ولكن إذا جيته يبيني
اطلعه من القفص مره دلع ودك تاكله لكن الصوت مزعجني وبنفس الوقت أرحمه
ياكل حب دوار الشمس كثير بعضه يرميه عطيته سيريلاك شوي عن طريق ابره
أفيدوني في أكله وشربه والحبار يفيده
يطير الببغاء لكن همني الحين صحته قبل مادربه واحيانا اذا عطيته يدي تحس وده ياكل

وكم تعطوني عمره ؟

ونوعه بالاصح ؟

والحجل إلي عليه رصاصي مكتوب عليه ثلاث ارقام وحروف HJD ؟

وجزاكم الله خير

[tota_09]

نوعه كاسكو افريفي
العمر احتما 5 شهور بس باين صغير لسا
كيف قصدك بالصوت زي الشخير يعني
انا انصحك تدربه وتعلمه دامه صغير لو كبر صعب يتروض
وتوالفه عليك
بالنسبه للاكل اهو اكله المفضل حب دوار شمس
اعطيه سيريلاك وكمان فواكه
انتبه لاتعرضه لاي تيار هوائي عشان مايبرد وبعدين بيمرض

[ٌابوعمر]

طيرك ببغاء هولندي عمره 4 -5 شهور ما شاء الله صغير واضح عليه حبوب جدا بس انتبه له دفيه عدل وبعده عن التيارات الهوائيه نوع له بل اكل عطيه مخلط بلجيكي وتاكد خذ شي نضيييف هاذا الصوت الي تتكلم عنه هاذا صوت الفروخ طبيعي وقت ويروح ترا مو بس طيرك الي يكره القفص جميع الطيور تكره شي اسمه قفص واي سوال اسال ومانقصر معك ان شاء الله

[سلاش أسود]

لا مو شخير ونا اخوك ااتوقع اانه مايحب يجلس لحاله

راعيه يقول هولندي واذا افريقي احسن عشان المناعة

والحجل أتمنا اعرفه

والله يجزاك خير على الرد

[ٌابوعمر]

الحجل مجرد رموز تثبت مكان الانتاج مزرعة الانتاج وجود حجل يثبت انه هولندي الصوت اوصفه لنا كيف ؟ قريب من صوت البوسه ؟

[سلاش أسود]

أبو عمر ماشاءالله عليك سباق للخير

وش المخلط البلجيكي ؟

وممكن صوت الي يطلع منه عشانه فرخ بس الحمد الله أنا مرتاح له والله يقدرني على تربيته

وان شاءالله راح اطبق كلامك وكلام توتي 9

[ٌابوعمر]

اسال بسوق عنه وبيعطونك منه يجي فيه حب شمسي ذره وبازلا وفول سوداني وحبحر مجفف مادري اذا فيه منه انواع بس هاذا الي استعمله انا اسال وماعليك مشهور

[سلاش أسود]

عرفته
يعطيك العافية
لو اعطيه ذرا معلبات قودي عادي والى بيغص

[ٌابوعمر]

قصدك فيشار ؟ ايه كويسه عادي ماراح ياكلها على طول بيكسرها اول بس الافضل تشتري له هاذي الخلطه لانها موزونه تمام يعني فيها كل الي يحتاجه بل وجبه الوحده

[سلاش أسود]

هلا حبيب قلبي

وديته لدكتور في فيفا كشف عليه بين على كشفه ممتاز عمل كالتالي:

حطه على طاولة ستيل كشف على عيونه

بعدها قلبه على ظهره وسحب منقارة وقام يشوف الى بداخل حلقه

بعدها جاب علبة علاج ولها مقطر من الاعلى وقطر في خشمة على وحده

وحط مقياس القلب على صدره ويشوف نبضاته

والحمد الله كل شي سليم إن شاءالله

عطاني بودرة احطه في مويته

وقال اذا شفت عليه تغير جبه على طول عندي وعطاني موعد له بعد خمس ايام

وحرصني على الأكل ونصحني في جل الاطفال الي في الصيدليات
وسيريلاك وقال اذا ياكل حب خله ياكل زين

وشريت له حب الي وصيتني عليه قام ياكل منه وهذه صورته قيمته 30 ريال:



وقيمة الكشف مع البودرة الي اعطانياها مع الموعد 50 ريال

الي عنده خبرة يساعدني ااكثر ترا عمره اقل من 6 شهور الله يحفظه

لكم ودي والله يحفظ طيورنا وجميع أمة المسلمين