محتاج لخبرة طبية

[وعـــد الهـــوى]

السلام عليكم
اولا
احب اعرفكم على العائلة الكريمة إاللي محتاجة للعناية الطبية






نبدء بالام
زي ماأنتو شايفين بالصورة عينها مقفله كأنها من الجنسية الصينية تراها كذا على طول وتشوف زي الحلاوة
............
المهم انها كل ماتولد يطلعو عيالها صينين اكثر منها>>>>حلوة هذي
وتكون كذا وحدة عيونها مقفلة وماتشوف ومايكملو شهر الا وهما مدعوسين

لان البسة برى البيت عند الباب مجرد اني اهتم فيها من ناحية الاكل بس
وصارت ناشبة لي هيا وعيالها عند الباب
............................................................
وهذي صورة للحاله


أنا لي كم يوم انظف عيونهم بمنظف الأذاني
بستين سليمة وبسيتين فيها المشكلة هذي
أنا حللتها ان المرض وراثي
واللي مرت عليه الحاله او يعرف العلاج ياليت يفيدني

[Octopus]

الصغير الاسود فيه غمص و حاول تنضفه بفوطة مبللة بالماء و كذلك الام

و هو ذيله مقطوع

[BaDeR KhaLiD]

و عليكم آلسلآم و آلرحمــة ,

بصرآحة آلآم خطيررةة مآشآء آلله ,

آخوي آلقطط فيهآ آلتهآب بآلعيون , حآول تمسح عيونهم بَ شآهي دآفي بدون سكر ,

و إذآ تقدر تجيب لهم قطرة توبرآدكس من آلصيدلية آلبشرية ب 21 ريآل يكون آحسن ,

قطر بعيونهم كل وآحد قطرة مرة بآليوم و إن شآء آلله يتعآفون مع آلوقت ,

و آلله يجزآك خير ,

بَ آلتوفيــــق . . . . .

[Sayo~nara]

بما انو الموضوع يتعلق بالعيون .. لو تسمحلي اسأل
ايش الفرق بين الميكروب والالتهاب في عيون القطط ؟؟

ولما تدمع عين القط دموع غزيرة وما يعرف يفتح عينه الا نصها .. وبعدين افرازات لونها مايل للاصفرار دا ايش يسمى ؟؟
قطنا حصل له كدا اليوم .. كان في عين وحدة بعدين صارت العينين
مسحنا له يادوب بقطنة بمويا دافية .. الحمدلله الافرازات الصفرا راحت .. مع العلم انها ماهي غمص لانها جاية من جوة العين
بس احسه مرة اتعور احمرت عينه وصار يدعكها ..
وبكرة ان شاء الله نبا نشتري له قطرة
فانصحوني بافضل نوع
وجزاكم الله خير .. ^_^
وربنا يشفي قطتك هي وعيالها يارب ..

[الخبيرة ناديا]

القطط عندها ميكروب في العين ..وطبعا يعدي القطط السليمه سواء صغيره او كبيره

واذا ماتن علاجها بسرعه ..للاسف تصبح القطه عمياء.

اسرع واحضر من الصيدليه البيطريه مضاد حيوي ( بيتاموكس) واعطي منه الام والكيتنز

الجرعه للكيتنز ربع القطاره كل 12 ساعه

والام قطاره كامله كل 12 ساعه ولمده 7 ايام بالتمام

ومن الصيدليه البشريه اشتري قطره ومرهم توبرادكس ..

في البدايه نضفي العين بقطن وماء دافي ثم قطري من القطره نقطه واحده لكل عين ومن ثم وضع المرهم

داخل العين على شكل خط مع اقفال عين القطه ومسكها حتى يمتص المرهم داخل العين.

الجرعه مرتين في اليوم ولمده اربعه ايام ..

والله يشافيهم ان شاء الله

[امال شاعر]

جزاكم الله كل خير ان شاء الله يكون في ميزان حسناتك

هو واظح انه التهاب في العين وان شاء الله اتشافو والخبيرة ماقصرة

[Sayo~nara]

جزاك الله خير ناديا .. بارك الله فيكي ..

الله يحفظك يارب ويحفظ لكي قططك وكل اللي تحبيهم ..

انا اشتريت القطرة والمرهم .. وان شاء الله اليوم اجربهم ..
لكن السؤال .. هو ايش السبب في هذه الامراض ؟؟
هل صحيح البرد ممكن يكون هوا السبب ؟؟

[وعـــد الهـــوى]

مشكورين كلكم على المساعدة
وجزاكم الله خير
من ناحية الام هذي حالتها من يوم ماأنولدت هيا وطيبة وتشوف ومستحيل تخليني امسكها يادوب امسح عليها
اما العيال إنشالله أشتري الادوية وأبدأ معاهم
................................................................................................................................
بس فيه سؤال كمان
بستين سليمة
وبستين مصابة
هل استخدم العلاج للكل عشان الوقاية ولا بس المصابين

ومشكورين مرة ثانية

[lyo0ona]

لا بس المصابين طبعاً

[وعـــد الهـــوى]

أهاااا
شكرا على الرد السريع