شوفو قطتى رايكم يهمنى

[بودى محب الكوكتيل]

شوفوها وعندى شوية اسئلة هى نوعها ايه بس هى مش بلدى هو بس شعرها تقريبا كان محلوق
وجنسها انثى لو ينفع تقولولى سنها يبقى خير وبركة

[MoOoOoOn]

ياحليلها .. الله يخليها لك .. شبه ايميلي كثير بس ايميلي شعرها اكثف حتى الذيل ..

بصراحة ماعرف بسوالف العمر والنوع .. بس مريت .. اشوف الحلوة ..

الله يحفظها ..

[The Cat Whisperer]

أولاً أهلاً بيك يا بودي في القسم

ما شاء الله عليها قطة تابي قمر الله يحميها

العين مكتحلة حاجة جميلة تتربى في عزك

العمر 5-6 شهور والنوع شيرازي مون فيس

بس غلط انك تقصلها شعرها دلوقت

بالتوفيق

[بودى محب الكوكتيل]

انا عايز اعرف ازاى امسكها واشيلها عشان اليوم كنت خارج البيت ومتاخر وكنت عايز اخدها معايا وخربشتنى
ياريت تقولولى ازاى اشيلها ولو فى صور تكونو مشكوريين

[شاهستا]

تشيلها تخرج معاك برة البيت
لازم يكون معاك صندوق القطط وانصحك بالنوع دة




هتلاقيه فى مصر بحدود 120 جنيه تقريبا بس هو احسن من الخشب
او الشنط الى زى الجلد دى
لانها بتتقطع بسرعه جدا

[بودى محب الكوكتيل]

انا عندى سؤال معلش انا عارف انى تعبتكم معى يعنى زى ماتقولو ماربيت قطط من قبل
السؤال انى عايز احميها ازاى وخايف من البرد وخايف تخربشنى وما تقبل الماء
قولولى طريقة لحمومها وتكون من تجربه الاعضاء الكرام واحميها باى شئ؟؟؟
واحطلها عشان الحشرات صديق لى قالى ضع لها بودرة فيليت للحشرات بعد الاستحمام او بيرسول
هل هذا صحيح؟؟؟؟؟؟؟؟؟؟؟؟؟
ومشكوووووووووووووورين الف مرة
اسف على تعبكم معى

[The Cat Whisperer]

يا نهار اسوح مين اللي قالك كده ده عايز يموتها اوعى تحطلها مبيد للحشرات ولا حاجة من دي

حل الحشرات والبراغيت هو ريفوليوشن من العيادة البيطرية أو محل الحيوانات الأليفة

بلاش تحميها كتير في الشتا مرة بالشهر كفاية والطريقة انك تحطها في بانيو بلاستيك أو الحوض

وتخلي المية دافية لا ساقعة ولا سخنة مولعة وتنزل المية على جسمها

بس خد بالك متجيش على راسها عشان لو دخلت في ودانها غلط هيجيلها بكتريا

تستخدم شامبو جونسون للأطفال أو شامبو نيزورال تحط الشامبو وتدلك كويس وبعدين تشطف

امسكها كويس وخلي ضهرها ليك وامسك ايديها عشان متقاومش ولا تخربشك ونشفها

هتقفل الشبابيك والباب وتدخلها الأوضة وهي ملفوفة بفوطة اول ما تتبل لفها بالتانية

ربنا يخليهالك وأي استفسار تاني في الخدمة

[بودى محب الكوكتيل]

متشكر اوى استاذ(The Cat Whisperer)كويس انى ليسا ماحمتهاش طب هو ريفوليوشن حقن ولا رش ولا شئ يحمى به القطط
ومتشكر جدا على تفاعلك معى وانشاء هتابع معكم فى نفس الموضوع

[The Cat Whisperer]

العفو يا جميل انا معملتش غير الواجب وأي استفسار تاني متترددش

ريفوليوشن ده أمبولات بتفتح الأمبول وتنزل السائل منه على رقبة القطة من فوق

عشان الرقبة المكان اللي متقدرش القطة تلعقه وهو هيتوزع على الفراء في الجسم كله

[jojobasa]

طبعا مفيش رد احسن من اللى قالهولكcat whisperer بس بجد متحميهاش فى الشتاء غير قليل اوى لانها هيجيلها برد على طول و اصلا القطط نظيفة جدا و مش بتحتاج تستحمى كتير