رد: ممكن الاختيار بين الأفضل
يالغالي سؤالك محير بصراحه والصور اللي حطيتها ابد مو كفايه لرد معتمد ١٠٠٪ .
لكن انا بحط نفسي بموقفك وراح اعبر لك عن ذوقي الخاص وانت لك حرية الاختيار بالنهايه .
انا ما افكر بالشكل الا اخر شي ..
مع ذلك ما اقدر اقارن شكل الكلبين لان الاول عمره ٣ اشهر ونصف وبدا ياخذ ملامحه النهائيه
اما الكلب الثاني للحين ما اخذ ملامحه النهائيه ولا حتى وقفت اذانه .
انا عن نفسي اول شي بسوي اختبارات للبري درايف وراح اخذ معي خرقه او كره
والعب فيها قدامهم واشوف مين اللي تتحرك مشاعره اكثر ويحاول يصيدها
ويسحبها مني .
بسوي لهم اختبارات للعض ومين عنده تعلق اكثر بالشي اللي يعضه .
ايضا اختبارات للشراسة و الحراسه مبدئيه .
كل هذي الاختبارات مو مضمونه ١٠٠٪ ولكنها غالبا ما تفيد اذا صاحبها التدريب الصحيح .
ايضا انا اميل للشورت هير اكثر من اللونق هير .
والحقيقه ان الكلبين اثنينهم كسحتهم تعتبر عاديه ولكن انت تشوفها حلوه
لان الطريقه اللي واقفين فيها تجعل اشكال الكلاب مغريه .
انصحك بالنهايه انك تشوف الاب والام اول شي .. وتسوي اختبارات للاب والام
وبعدين تسوي اختبارات للجراء .
وتختار اما ان يكون كلبك شوو او شغل وعلى اساسها تختار .
موفق ان شاء الله .
|