ارجو المساعده

[حنين الليالي]

السلام عليكم ورحمة الله وبركاته...

انا عندي طير كاسيكو واتمنى تساعدوني في وجود حل له
والمشكله انه دائما ينتف بريشه مايخلي ريشه الا يشيلها
واذا رجع الريش يطلع له رجع ينتفه وابي حل منك والمشكله الثانيه
انه قليل الكلام كيف ادربه ع الكلام ولكم جزيل الشكر

اختكمــ حنين الليـــــالي ....

[eaglesa38]

عليكم السلام ورحمة الله وبركاته
من المعروف ان الكاسيكو حساس كثير
وهو اجتماعي يحب اللعب والناس
اذا تتركينه وقت طويل لوحده يمل وتجيه حالة نفسية وينتف ريشه
خلي له العاب بالقفص يتسلى فيها وينسى النتف
حتى لو اغطية علب الماء الزرقاء
او اي شيء
ممكن تشترين له العاب
بالنسبة للكلام هو يحتاج احد يتكلم معه ويعلمه كلمات كثيرة
البعض يجلس مع الببغاء باليوم نصف ساعة وباقي الوقت لوحده
وهذا غلط
خليه بنفس المكان الي تجلسون فيه من شان يلتهي معكم ويسمع كلامكم ويتعلم منكم


تحياتي

[الكحلي]

انا عندي طير نفس الي عندك ينتف ريشه بشكل مو طبيعي بس عرفة ليه ينتف ريشه بس ماني قايلك ههههه امزح هاذا الطير لزم يجلس في مكان فيه حركه ناس رايحه وناس جايه ولازم يكلمونه ويواسونه لنها فترت نفسيه الطير يكون متروك ومهمل وكذا ينتف ريشه وانا الطير الي عندي اذا طفيت اللبات كلها مافه نور يبدا ينتف ريشه ماادري ليه وصرت اخلي لنبه مولعه وكل يوم اجلس معه واناديه بسمه واشتت انتباه اذا جاء ينتف ريشه وكل يوم اروشه وهالحين نسا شي اسمه تنتيف ريش

[محبـه الكوكاتيـل]

اول شي ياغاليه عالجي ريشه
بعـدين علميه على الكلام

[حنين الليالي]

اشكر كل من رد على موضوعي
بس حبيت استفيد اكثر منكم مثلآ مثل شنو الالعاب الي اشتريه اله
يعني ماراح يخاف من اللعبه الي بحطها معاه بالقفص وبالنسبة لعلبة ماي زراقا
مافهمت شنو المقصود ارجو التوضيح اكثر
اما بالنسبه لطير هو طيوب مره حتى مايعض وكله يبي يجلس برى القفص
وانا اجلس معاه كثيررر واسولف معاه بس المشكله انه مايرضى يتروش مايحب الماي
كيف اروشه وهو يخاف منه اتمنى تساعدوني اكثر لانه صراحه يوجع قلبي وهو كذا واذا تبون صوره الى الطير راح ارفع الصوره مشان تساعدوني اكثر

[بايبي]

اختى هذا قسم الكروان ........؟؟؟

المهم سالفتيك الطير فيله حاله وتسمى النفسيه ماغير ينتف الريش لدرجه تبان جلده وانصحكي انيك توديه للبيطري

اما العلاج في طريقتين ....؟
لازم يغير من حالته وهي طبعا التسليه معاه زي الالعاب في القفص لتلهيه عن تنتيف الريش
طريقه الالعاب شوفيلك محل عندكم حق طيور وكلاميه عن العاب للببغاوات وماتفارق 20 ريال الى 25
والالعاب اذا جبتيها حطيها جنب القفص الى يوم واحد عشان يحس انه في اما ومن ثمه خرجيييه وحطي العبه في القفص ....؟
الطريقه الثانيه وهي الادويه وماانصحكي فيها بس في ناس يقولون ممتازه وصراحه ماجربتها ...؟

اما الترويش عادي شي جديد عليه حطيه في القفص وروشيه قليل لاتكثري في الترويش ومن ثم لاتحطيه في تيارات بارده ولاحاره مثل المكيف وغيره ولاتطلعينه برا في السطح وغيره حطيه في غرفه بدون مكيف ولا شي غرفه لاحاره ولا بارده ولمن تروشيه لايكون في تيارات عليه مثل مروحه الشفط وغيرهاا واي سؤال تحت امريك

[<عبود>]

هذا قسم الكروان حطة في قسم الببغاوات والاخوان ماقصرو