اشترك في نشرتنا البريدية ليصلك كل جديد

تراني جديدة · 18-01-2007, 11:40 AM

شريت كروان لونه اصفر واجنحته اصفر ورمادي .. شكله يجنن .. ان شاء الله بنزلكم صوره .. موب مروض لاني عجزت القى مروض .. بس دخلت ايدي جوا القفص ومسحت على رجلينه ولا خاف مني .. وبعد مديت ايدي له بالشابور اكل منها ..وحركته طبيعيه وكل شي تمام .. بس لاحظت شي عليه بعد ما جبته للبيت ان برازه من تحت ماسك فيه ..طبعا قلقت .. وامس وانا مدخله ايدي جول القفض ..وماده له الشابوره ( البسكوت الي ناكله مع الشاي ) طلع فوقها ..واليوم طلع على اصباعي وبعدين خاف شكله طلع بالغلط

المهم امس وانا قاعده اتحركش فيه جوا القفص هرب وطار في الغرفه ومسكين خبط في المرايا وبعدين طلع على النجفه وامكن تكون حرقته لانه ما استقر عليها وبعدين استقر فوق الستاره ..انا جبت المنشفه ولبست القلفز وجبت عصى طويل وتحايلت عليه الين طلع على العصى ومسكته وجبت قطنه فيها مويه عشان امسح البراز الناشف الي عالق فيه ..بس ما رضي يروح .. وحاولت اهديه وامسد عليه وبعدين دخلته القفص ..اليوم عملت له بيض وبقصماط واكل منها وكل شي اوكيه .. بس البراز من امس مافي غير بقعه واحده في ارضيه القفص وطبعا في ماسك من تحت ..حركته طبيعيه ولا باين عليه مظاهر مرض ..والاخ شكله عاجبه البيض ما شاء الله ..

انا عارفه اني طولت عليكم بس ما اعرف اشرح الا بالتفصيل الممل ..
والطلب الثاني انا ناويه اقص له اجنحته اليوم عشان ما يطير ويخبط حاله مثل امس .. والصور الي في موظوع المشرف تاكو ما تطلع عندي ممكن احد يساعدني .. عندي كتاب العامودي .. بس مو واضح قد ابش اقص من جوا عارفه انه لازم اخلي ريشتين او ثلاثه والريش الصغير ما اقصه بس كم سانتي من جوا اقص ..

شكرا كثير ..

ملاحظه .. كرواني السابق كان جدا متوحش .. الكروان الاصفر ادهلني بوداعته ..

تراني جديدة · 18-01-2007, 03:29 PM

انحلت المشكله جبت قطنه وحطيت فيها زيت زيتون ومسحت له من تحت مكان الفضلات وبعدين شفته يبرز طبيعي .. بالنسبه للجناح قصيته وانبسطت انه ما طلع دم .. وطلعت الطير من القفص .. وكتشفت ان الاخ لسى يطير ..شكله ما انقص كثير .. المهم خليته دامه الحين محترم حاله وقاعد فوق القفص .. طلعته فوق العصى .. وطلع فوق اصباعي بعد .. بس كأنه مجبر .. من ناحيه التمسيد على الراس موب مخليني .. نسيت اقولكم انه موب انثى ولسى مل سمعت منه تصفير .. وبس ..

mahal · 19-01-2007, 01:49 AM

مبروك اختى على الطائر وشكله من الحديث الطويل ماشاء الله انه باقي صغير اما بالنسبه للتوليف طريقتك حلوه استمرى عليها عده مرات في اليوم ولعده ايام وسوف ترين فرق انشاء الله
بالنسه لقص الجناح حتى لا يطير للاعلى اتركي او ريشتين الخارجيه ثم قصي البقيه وحداري للاورده ويمكن متابعة شرح الاخ الدكتور تاكو في قص جناح الكوكتيل

المهم وشكلى له في الطعام واعطه الفواكه الطازجه.

تراني جديدة · 19-01-2007, 01:57 PM

mahal .. شكرا كثير انت الوحيد الي عبرني .. معرف عن عمره ولا متاكده ان كان انثى ولا لا .. بس الحين بنزل صوره عشان يفتوني الخبراء و الغير غبراء

Mr. MeMo · 19-01-2007, 02:21 PM

الف مبروك اختنا تراني جديده

و اتمني ان يكون طائر الكوكتيل كما تودين ان شاء الله

لا تستعجلي في ترويضه كثيرا دعيه يأخذ وقت ليتأقلم مع البيئه
الجديده و المكان الجديد و حبه حبه سوف ترينه في قمه الوداعه
ان شاء الله

و نحن في انتظار الصور

تراني جديدة · 19-01-2007, 02:30 PM

مستر ميمو .. الله يبارك في عمرك يا رب .. ان شاء الله يبيض الوجه هل مره .. : )

mahal · 21-01-2007, 12:23 AM

اختي الفاضله نزلي صوره له علشان نحدد جنسه ولك الف شكر

تراني جديدة · 21-01-2007, 01:02 PM

mahal ..نزلتها
http://www.2zoo.com/vb/showthread.php?t=17181