الامزوني حقي الدكتور قص منقاره ..؟! ادخلو

[bebee.cat]

السلام عليكم



انا عندي امزوني وكان ينتف ريشه

قلت اوديه للبيطري مره وحده اكشف عليه كشف عام ويقصص اظافره شوي

بس الدكتور قص اظافره وقالي كويس انتي ماقصيتيهم لان الاظافر قريبه من الوريد
فبعض الاظافر نزل منها شوي دم وكل مايقص اظفر يحط له اعواد راسها اسود زي الكبريت ويوقف الدم

بعدين مسك المقص وقطع راس منقاره

انا صار وجهي كذا <<

بغيت اسوي هجوم على الدكتور
قالي علشان مايقطع ريشه وهو ماراح يحس الالم على طول
وحط له من اعواد الكبريت ونزل منه دم خفيف مرا

الكلام هذا امس

اليوم الطير حزين ومايفرفش زي اول واكل شي بسيط مرا وماله صوت حتى ماله خلق يعض احد بالعاده لما احط يدي يعضني على طول

مدري هالشي خطر ولا لاء؟


ياليت الي جرب هالشي يعلمني جزاكم الله خير

[مكاوي اصيل]

يااختى هل ياكل مزيوط يعني يفصف عادي

لايكون قص المنقار لان في بعضعها خطر عليهاا ونمو المنقار اطول من نمو الريش ,,,,,,,,,,,,.

انتبهي منه لاحظي فيه هل ياكل مزبوووط ولا لا

[bebee.cat]

ايه يوم شفت كلامك شكيت

رحت عطيته فول سوداني لانه يموت فيه اخذها وكسرها على طول

المنقار الي فوق هو الي قصه لانه كان طويل جدا حتى انا اذا عضني لو عضه مو قويه يبقع جلدي اون اخضر زي الكدمه تصير

بس هو اكله بسيط اليوم يعني بالعاده يحوس الاكل كله ويلعب وصوته واصل اخر الدنيا اليوم هاادي

[النزال12]

والله يا اختي مادري وايش اقول بس الاكيد ان الطير ما عجبه قص منقاره بس المهم انالنزيف يوقف الانه الطير اذا نزف كثير تري مشكله وموضوع انه ما يعض والله مابي اخوفك بس ما تبشر بخير وان اخوك خليك منتبهتله دائما وركزي علي الكالسيوم والشمس

[bebee.cat]

هو يحاول يعضني يعني احط صبعي ويصكر عليه بس مايعور اول اذا عضني مايفكني
الحين يعض ويوخر على طول

[فديت الكاسكو لو يدري]

عادي من خلال تجربتي صارت مرة مع الكاسكوو .. اول مرة اقص جناحه . .~
وصار حزين وماياكل وبعدها رجع عادي .~

[ابو يمن]

بالنسبه للدكاتره الله يهديهم شغلهم بلطجه يقولو حيوان واذا صارله شي عادي
الدكتور المفروض مايطلع منه دم لاكن مو مشكله يوم يومين ورح يرجع لحالته الطبيعيه
اما بالنسبه لتنتيف الريش الطير مو مرتاح ياتغيرو مكانه للافضل او تخلوه برا القفص
ووقت النوم تدخلوه ولاتنسو العاب الطير ونضافته ..

[bebee.cat]

سبحان الله

ان شاء الله يكون احسن

ماقصرتو فديتكم

[المهنـدس]

صارت معي انا بعد



ان صار ما ياكل .. حطي له ذره مسلوقه


انا كذا سويت معاه وبدأ ياكل .. وبعدها بيومين ماشاءالله بدأ يعض طبيعي ويفصفص بكل راحه

بس هو شوي تضايق من قصة الاظافر والمنقار ... بحكم انهم وسيلة الدفاع بالنسبه له ..


هذا رأيي الشخصي وان شاءالله يرجع طبيعي

[شاهيـن]

الوضع عادي أختي هو شوي زعلان و متأثر من اللي صارله لأنه مفاجأه بالنسبة له وكلها يومين بالكثير إن شاء الله و يرجع مثل ماكان و أحسن و بالنسبه للمنقار يرجع يطول و ينمو مثل الأظافر و لو كنت مكانك ما سمحت بقصه