الجن والببغاوات

[هتـان]

يا اخوان عندي حالة غريبه


بس قبل كل شي هل الببغاوات ترى الجن

يا ياخواني بعض الاحيان بالليل اسمع صوت زي لما تطير صواريخ الطراطيع وهذ الصوت من الببغاء ولما ادخل عليه القاه طايح من فوق الى ارضية القفص ويتنافض من الخوف ويبقى كذا فتره متجمد من الخوف ويناظر باتجاه معين مايلتفت عنه تقول شايف ثعبان في المكان وبعدين يطلع فوق وينام بس احيانا يكررها اكثر من مره في نفس الوقت يعني بعد ما يطلع فوق بشوي يسوي نفس الحركه. ومره سواها وانا كنت عنده بنفس الغرفه يعني لحد يقول ان بيتنا مسكون انا شفته بعيني محد قالي وهو يطلع هذا الصوت

يا اخوان اللي عنده حل او يعرف ايش معنى هذا يقولي لاني كثير من الاحيان اصحى من نومي متخرع بسببه بس قبل الحكم انه من اهل الارض الله يكافينا الشر عندي سؤال يتسدح على الكيبورد هل هناك حشرات يخاف منها الببغاء (مثل البعوض او الذباب الصغير الخ) او هل من الممكن ان الببغاء يحلم بكوابيس مثلا هذا فقط عشان الاخوان اللي راح يقولون حط له سورة البقره وغيره من هذا الكلام يعني نبي كلام منطقي وصحيح واضافه الى هذا كله فيه حديث عن الرسول عليه الصلاة والسلام يثبت فيه ان هناك بعض الحيوانات ترى الجن وتصدر اصوات مثل الحمير والكلاب اجلكم الله

واضيف بعد انه ضل ساكت ويتنافض ويرتعد لما اقرب منه من اول ما شريته يعني من 3 شهر تقريبا وما اصدر اي صوت الا من يومين ولكن مازال يرتعد من الخوف بدون اي سبب وهو ياكل من يدي بدون اي خوف بس يضل يرتعد وما يطلع على اليد وعنيد جدا جدا

[روجيادا]

بسم الله!!!! ماريد اعرف جواب السؤال بس اذا كان الجواب لا بشروني ف رساله>>>>>> خفت

[طير جارح]

طيرك غريب أخوي
اول مرة اسمع بمثل حالة طيرك
ما أعتقد جن ولا أعتقد انه يحلم
لكن غير مكان الطير

[بندولة حب]

الظاهر انه يشوف شي باالغرفه مثل فار او بريعصي وهذا اللي جننه

[عبدالله عبدالعزيز]

ما عندي خبرة

لكن اللي اعرفه عن جميع الكائنات اللي لها احساس (الحيوانات والطيور) تحلم

والببغاء طير حساس جدا
قد يكون مر عليه موقف مرعب بحياته وخلاه لما ينام يتحلم او يتذكر هالموقف وقت ماهو نايم

هذا والله اعلم
اما سالفة انه يشوف الجن او من هالقبيل ما اتوقع
لان اغلب العلماء بعلوم المس والجان اتفقو ان الحمير والكلاب والذئاب هي اللي تشوف الجن

والله الله بالمعاملة الحسنة للروح اللي عندك
الله يشافيه وتفرح بتربيته سنين ومنين

[طيوري حياتي]

هلا اخوي ما اتوقع جن >> بسم الله علينا
بس مثل ما قالوا غير مكااااان الطير افضل يمكن ما ارتاح فية

[houston]

يا اخوى عادى مرات الطير يكون نايم
ويطيح من القفص ..< تصير مع طيرى بس مو دايم لما يكون سهران بس

[يوفاوي الكويت]

بصراحه اول مره اسمع بالموضوع هذا

بس حاول تغير المكان حطه في مكان هادي

وتقريبا من الساعه 10 بالليل حط عليه غطاء علي شان ينام اكثر وقت

[شاهيـن]

يمكن الببغاء تصيرله نوبات تشنج

[زوو]

صار معاي نفس الموقف
والطير طاح من القفص كان يايم
ومررات اشوفه يركز على جهه يشوف عليها كأنه في حد هنااك