طائري والـ 48 ساعه :

[ابوعابد 2007]

بسم الله الرحمن الرحيم :

صبحكم الله بالخير جميعا اخواني الكرام :
اتمنى لكم دوام الصحه والعافيه "

مدري بكل امانه كيف ابدا :

طيـري الكاسكـو ::

شريته من حراج الطيور يوم الجمعه هذا يعني قبل يومين :
المهم :

الطير عيون رماديه "
الحجم جامبو "

ويافرحه ماتمت اليوم الاحد العصر مات طيري :
السؤال لماذا مات ؟ ؟ ؟

الطير كان هادئ نوعا ما ولاكنه كان في جعره بسيطه اذا قربت منه ،،،
كان ياكل يوم شريته ويشرب عادي ...

ماتعرض لتيارات بارده ؟

-------------------------------------------------------------------------------------

مافيه في نفسه صوت غيرب ولا حول انفه اي اثر زكام ولا حول منطقة الاخراج فضلات وفضلاته تقريبا عاديه :

السؤال هل كان الطير مريض قبل شرائي له ؟

---------------------------------------------------------------------------------------

مات بين يدي والله صوره تكسر القلب ماكمل 48 ساعه :
تخيل طير يترنح وينازع لا اله الا الله والله موقف مؤثر وانا اتكلم بعيدا عن الجانب المادي "

---------------------------------------------------------------------------------------

* الشي الي لاحظته ان الطير كان واقف على الخشبه بعدها نزل اسفل القفص حاولت المسه خفت يعض تشجعت الا الطير مستسلم حاولت اخوفه يطلع على الخشبه وماحرك ساكن طلعته على الخشبه بيدي وقف بعدها بساعتين تقريبا ماقدر يوقف ونزل راسه داخل علبه المويه في القفص وبعدها نزلته اسفل القفص وبعدها بقليل مات "

الملاحظه /
وجدت ماده صفراء مختلطه مع المياه علما بان المويه ماكن فيها اي اضافات يعني صافيه ؟ فما هي الماده هذي برائيكم ؟

------------------------------------------------------------------------------------------------

اخيرا قد لايجوز الترحم على الطير ولاكن اقول الله يرحم كل شي ء "
والله يعوضنا خير "

[طيوري حياتي]

يـــاقلبي وربي مرا حزنت علية
والله مدرى بالاسباب
بـــس لاتنسي
ان لكل شيء اجل
والله يعوضك باللي احسن منة يااارب

[eaglesa38]

عزيزي اتوقع الطير صاده شيء وبدا يرجع الي في بطنه
وانت ما انتبهت للطير
لان وجود مادة غريبة بالماء يفسر بهذا التفسير
دائما الي يشتري طير جديد يراقبه لمدة خمسة ايام
يراقب برازه وشكله ووقفته واكله ويناظر اسفل القفص
لان اي بوادر للمرض يجب سرعة علاجها والا الطير بسرعة يموت
انصحك لا تشتري فرخ صغير اذا انت مبتديء
اشتري طير ياكل لوحده وبصحة عالية

الله يعوضك


تقبل تحياتي

[غيتآآر22]

اوووف انا ناوي اشتري فرخ بس انتو خوفتوني

[ابو دحيم]

السلام عليكم ..
اخوي ما اقول الا الله يجعل الفلوس الي اخذها البايع منك تكون سبب هلاكه (اذا كان غاشك طبعا)
الصراحه اكثر مايحذرون من البراد وانت تقول ماجاه والمده قصيره ... انا اتصور انه مريض من الاصل والله اعلم ..
والله يعوضك خير ...

[بندولة حب]

طيرك مريض من الاساس من قبل تشتريه وصاحبه حب يتخلص منه

زربي يعوضك خير منه

[يوفاوي الكويت]

الله يعوضك خير يارب

الظاهر ان الطير كان مريض

[جوسلين]

الله يعوضك خير لا تزعل انشالله اتجيب احسن منه

[ياسر الحربي]

الله يعوض عليك ويمكن شي انت مانت منتبه له

[غسان الاشقر]

تكفى يابوعابد لا يضيق صدرك والحمد لله على كل حال.

عموما ترى من عيوب الرمادى انه يخفى مرضه ولا تقدر تلاحظ عليه الا اذا كنت متمرس جدا والاكيد ان طيرك كان مريض من قبل تشتريه.

ولا نقدر نظلم من باعك اياه فربما هو لا يعلم ايضا وربما يكون طائرك صحيح ثم تعب فجاءه ثم مات بسبب سكته قلبيه او ماشابه اى موت فاجئه وبدون اعراض.

الله وحده سبحانه وتعالى اعلم.

اسال الله ان يعوضك خيرا منه وان يرزقك من حيث لا تحتسب.

تقبل مروري