اشترك في نشرتنا البريدية ليصلك كل جديد

شيخة الشيخات · 30-04-2010, 03:44 PM

صوصي توه فاقس و امه كل تطقه مو نفس الي قبله

و جفته ما يبطل عينه و لا يمشي وايد

شلته و جفت ان راسه مسلوخ ( يعني امه شالت جلد راسه )

وهو كلش صغير

شلته و نظفت راسه بالماي بس

و عينه ما يفتحها و للحين راسه يطلع دم احس ان في راسه عين ثالثة صوب المخ او ان هاي جرح لكن 80% عنده عين زيادة

شاسوي فيه

اوديه عند امه لين ما يموت ولا شنو .؟

صمت الأمل · 30-04-2010, 08:26 PM

لا لا ..

أبعديه عن الدجاجه الأم .. خلاص مادامها تنقرة وتكرهه ماراح تتقبله أبدا .

أحيانا يصير كذا ..ما أدري ليش ..

بس ممكن ان الصوص ضعيف أو فيهـ مشكله أو تشوهـ فتبي تتخلص منه .

بس عموما اذا تقدرين تربينهـ لحاله وتحتسبين الأجر فيهـ فهو الأفضل .. اما انهـ يكبر أو ياخذ ربي أمانتهـ .

وراسه اذا للحين ينزف ومصلوخ لدرجة كبيرة حطي عليهـ طحين ..

صح بتقولين وش طحينهـ ؟؟ بس هاذي طريقة أنا مجربتها وناجحه 100 % انها توقف الدم ويكون مثل الطبقة الحاميه للجلد المصلوخ من الإلتهابات ..

وطبيعي عينه متورمة بسبب النقر .. راح يروح بعد كم يوم ..

والأكل ماراح ياكل اليوم اذا كان لسى فاقس من البيضة .. لأن لازال عنده باقي أكل في بطنهـ من البيضة ..

فبيكفيهـ لبكرة تقريبا .

اللهـ يعينكـ عليهـ .. وعطينا اخباركـ معه أول بأول .. اللهـ يوفقكـ معهـ .