توقف البغبغاء عن الكلام

[رحماك ربي]

السلام عليكم ورحمة الله وبركاته

شباب انا عندي يلو كروان امزون اشتريته من شهر واشوي وبدا يتكلم بعد ما اشتريته بأسبوع
بس الحين وقف عن الكلام وبس يقولي متووو متووو متوووو ويجعر ما اري شو فيه مع اني ما غيرت عليه اي شي.

وهل جميع الطيور بعد المغرب خلاص تكون هاديه لانه بعد المغرب ما يقول شي هااااااااااااادي.

ممكن تعطوني ارائكم جزاكم الله خير؟؟؟

[ابوالكناري]

اصلا الطيور المفروض تنام بعد المغرب وتقوم على الشروق وانشاء الله بفيدومك الاعضاء بالباقي

[بو عبد الملك]

اللي اعرفه واسال مجرب الببغاء يكون هادي جدا بعد المغرب الا ان شغلتله صوت او شي

[eaglesa38]

عزيزي الببغاء كأي مخلوق يمشي على روتين تعلمه من صاحبه
بالنسبة للبغاوات والاوقات الي تسكت فيها هو وقت سكون البيت وهدوءه
وهذا لا يكون الا بالبيوت التي مافيها اطفال او وقت النوم
انا عندي يلوناب وكاسكو وماشاء الله عليهم وقت الي يبون ينامون ينامون
حتى لو انا جالس والانوار مفتوحة
واذا صار حركة من الاطفال او انا اكلمهم يتكلمون باي وقت
انت الان تقدر تغير روتين الببغاء بحيث تحدد له وقت نومه
وايضا تتحدث معاه وقت ما تشاء
صمت ببغاءك وترديد كلمة واحدة ربما يعود للتغير الي حصل معاه وانتقاله الى منزل اخر ومع ناس مختلفين
وربما لا يسمع الكلمات التي كان متعود يسمعها
فيكون تركيزه على الكلمات الجديدة التي يسمعها منكم ويحاول حفظها وترديدها مستقبلا
نصيحتي عندما تشتري ببغاء يتكلم اطلب من صاحبه السابق يكتب لك الكلام الي كان يقوله من شان انت تردد الكلمات عليه ويستمر فيها

طولت عليك
تحياتي

[غسان الاشقر]

المشاركة الأصلية كتبت بواسطة eaglesa38

عزيزي الببغاء كأي مخلوق يمشي على روتين تعلمه من صاحبه
بالنسبة للبغاوات والاوقات الي تسكت فيها هو وقت سكون البيت وهدوءه
وهذا لا يكون الا بالبيوت التي مافيها اطفال او وقت النوم
انا عندي يلوناب وكاسكو وماشاء الله عليهم وقت الي يبون ينامون ينامون
حتى لو انا جالس والانوار مفتوحة
واذا صار حركة من الاطفال او انا اكلمهم يتكلمون باي وقت
انت الان تقدر تغير روتين الببغاء بحيث تحدد له وقت نومه
وايضا تتحدث معاه وقت ما تشاء
صمت ببغاءك وترديد كلمة واحدة ربما يعود للتغير الي حصل معاه وانتقاله الى منزل اخر ومع ناس مختلفين
وربما لا يسمع الكلمات التي كان متعود يسمعها
فيكون تركيزه على الكلمات الجديدة التي يسمعها منكم ويحاول حفظها وترديدها مستقبلا
نصيحتي عندما تشتري ببغاء يتكلم اطلب من صاحبه السابق يكتب لك الكلام الي كان يقوله من شان انت تردد الكلمات عليه ويستمر فيها

طولت عليك
تحياتي

اقف لك احتراماً سيدي الفاضل

[رحماك ربي]

(بوالكناري) و (بو عبدالملك) مشكورين على الردود الحلوه.

((eaglesa38 )) اخوي بانسبه للبغبغاء ما كانت تتكلم لما اشتريتها وبدت تتكلم عندي وبعدين وقفت
ما ادري شو صار فيها!
وما شاء الله اشوف في الصوره عندك يلو كروان وكاسكو وانا ناوي اشتري كاسكو هالفتره شو نصايحك لي ما دام
عندك الاثنين ومنكم نستفيد وهل احطيهم في قفص واحد وهل الالعاب اللي تنباع تفيد البغبغاء؟
مشكور عالرد واسمحلي كثرة عليك بالاسئله.

[eaglesa38]

المشاركة الأصلية كتبت بواسطة رحماك ربي

(بوالكناري) و (بو عبدالملك) مشكورين على الردود الحلوه.

((eaglesa38 )) اخوي بانسبه للبغبغاء ما كانت تتكلم لما اشتريتها وبدت تتكلم عندي وبعدين وقفت
ما ادري شو صار فيها!
وما شاء الله اشوف في الصوره عندك يلو كروان وكاسكو وانا ناوي اشتري كاسكو هالفتره شو نصايحك لي ما دام
عندك الاثنين ومنكم نستفيد وهل احطيهم في قفص واحد وهل الالعاب اللي تنباع تفيد البغبغاء؟
مشكور عالرد واسمحلي كثرة عليك بالاسئله.

حياك الله عزيزي رحماك ربي
لاحظت في موضوعك ان الطير بدأ يتكلم بعد ما اشتريته باسبوع
وهذا الشيء لا يمكن يحدث الا ان يكون طائرك معجزة
من طبيعة بعض الطيور المتكلمة عندما يتغير المكان والمربي تسكت فترة حتى تتأقلم على الوضع الجديد ومن ثم تبدأ تتكلم
وهذه الفترة تعتمد على الطير وطبيعته عند المربي الاول
مثلا لو الطير يرى اناس كثيرة وتتغير الاوجه عليه يتعود ويتكلم بسرعة في حال تغيروا الناس والمكان
واحيانا العكس ربما يصل صمته وتوقفه عن الكلام اسبوعين
واقصد بكلامي هذا ان الطير يتكلم عند صاحبه سابقا وربما في بداية تكلمه ردد الكلمات التي كان يحفظها
وان لم يتكلم عند صاحبه فالاعتقاد ان الطير كان يسمع الكلام ويخزن ولكن بداية انطلاقه كانت عندك

اما بخصوص الكاسكو
هذه الفترة هي فترة تواجد فروخ الكاسكو بالاسواق وبكثرة
والاسعار الان اقل من قبل نوعا ما
نصيحتي لا تشتري فرخ كاسكو غر وعيون سوده
اشتري فرخ ياكل لوحده وعيونه رمادية
يعني من عمر 6 شهور
الحجم يحدده المبلغ الي عندك
كلما زاد حجمه زاد سعره
احرص على اقتناء الطير ذو الريش الفاتح والمقارب للابيض
وفي زمننا هذا لا انصحك تشتري هولندي محجل الا اذا عندك خبرة بالحجول
لان الان يتم تركيب حجول واسعة نوعا ما ويباع الطير الافريقي المصيود على اساس انه هولندي
ولا تستغني من مواضيع ونصائح الخبراء في هذا الصرح الجميل

تقبل تحياتي

[رحماك ربي]

الله يحيك اخوي ((eaglesa38 ))

مشكور جدا على المعلومات القيمه والمفيده ما شاء الله عليك. الله يبارك فيك يا اخوي.

والله كلامك صحيح لان الريال اللي خذت عنه البغبغاء قالي البغبغاء في بديتها فالكلام.


وعن الكاسكو انا عندي صاحبي وواثق منه يتاجر فالطيور وعنده فروخ كاكسكو هولنديات احجامهم حلوه و تقريبن عمارهم 6 شهور بس اللون مب متأكد فاتح ولا غامق وقيمتهم 1400 درهم اذا قدرت برفق لك صوره ان شاء الله.

رحت السوق ما حصلت هولندي الا نادر بس احجام صغيره ومش محجله وسعرهم من بين 1500 ل1600.

مشكور مره ثانيه واتشرف بمعرفتك اخوي.

[eaglesa38]

المشاركة الأصلية كتبت بواسطة رحماك ربي

الله يحيك اخوي ((eaglesa38 ))

مشكور جدا على المعلومات القيمه والمفيده ما شاء الله عليك. الله يبارك فيك يا اخوي.

والله كلامك صحيح لان الريال اللي خذت عنه البغبغاء قالي البغبغاء في بديتها فالكلام.


وعن الكاسكو انا عندي صاحبي وواثق منه يتاجر فالطيور وعنده فروخ كاكسكو هولنديات احجامهم حلوه و تقريبن عمارهم 6 شهور بس اللون مب متأكد فاتح ولا غامق وقيمتهم 1400 درهم اذا قدرت برفق لك صوره ان شاء الله.

رحت السوق ما حصلت هولندي الا نادر بس احجام صغيره ومش محجله وسعرهم من بين 1500 ل1600.

مشكور مره ثانيه واتشرف بمعرفتك اخوي.

الشرف لي يا غالي اني اقدم لك ما اقدر عليه
الكاسكو الافريقي في الغالب يجي شوي لونه اغمق
وبالنسة لاسعارهم عندنا بالسعودية تبدأ من 800 1500 بالنسبة للافريقي المصيود والغير محجل
اما الهولندي فتبدأ اسعاره من 1600 الى 2100 ويعتمد على لونه وحجمه ونظافة ريشه
وجميل انك تعرف بائع وتثق فيه لكي يعطيك شيء طيب بسبب خبرته
الله يوفقك وتشتري ما يسر ناظرك ويكون كما تشاء

تحياتي

[رحماك ربي]

والنعم فيك اخي ((eaglesa38 )) وجزاك الله خير.

ومشكور عالاسعار ما شاء الله عندكم الاسعار طيبه نحن السوق عندنا غالي خاصه اللي في ابوظبي.

اميييين الله يوفق الجميع.