خربتها مع الكاسكو الفزعة ياشباب

[الخبر مان]

أنا عندي كاسكو صار له تقريباً سنة وكان معاي تمااااام أحكله راسه وياكل من يدي

ويطلع بحضني لين مرة سافرت وقعدت فوق الشهر بعيد عنه ورجعت مالقيت أي اختلاف

في وضعه معاي وفترة انقلب علي وصار يحب أخوي ويروح عنده وإذا جاء يصفر له وأنا مثلي

مثل الجدار مع إني أنا اللي أحطله الأكل وانظف القفص وكل شيء بس ماش مافي فايدة

والله إنقهرت وقلت إلا أطلعه بيدي وقام يعض فيني لين صفقته المسكين وبالقوة أبي اطلعه

بيدي الزبدة خربتها معاه وأنا أفكر أبيعه الحين لأن الحين شكله مافيه أمل منه

سؤالي لأهل الخبرة الطير يتكلم وعليه حركات ولا ودي أبيعه

ممكن يرجع معاي مثل أول ولا خلاص أبيعه وأشتري واحد جديد

كسر خاطري أمس بعد العذاب اللي شافه مني

[arjonan]

السلام عليكم ورحمة الله وبركاته..
عندي سؤال قبل ما أجاوبك ( الكاسكو كان والف على أخوك قبل ماتسافر .؟ والا كان والف عليك انت بس؟

إذا كان ماهو والف على أخوك قبل ما تسافر فهذا شي طبيعي نتيجة التعامل الجيد من اخوك وانت كنت مسافر اخذ عليه الطير ... انت نفس الحكايه استمر على المعامله الحلوهـ لين مايتعود عليك .. وراح يرجع نفس أول
اتمنى ما تعذب الطير ماله ذنب .. الطير يحب اللي يراعيه ويقابله اكثر اوقاته .. لا تتوقع من الطير انك تتركه شهر ويرجع يحبك زي اول ..

اتمنى اني وصلت الفكرة ..

اخوك arjonan

[الخبر مان]

الله يعطيك العافية أخوي

الطير كان والف علي بس ومايخلي أحد يحكله راسه ولا يلعب معاه الا انا بس

المشكلة الطير مايعطيني فرصة الحين صار لي كم شهر على الحال هذا يمكن فوق شهرين

وأنا احاول وياه وأخوي مايقعد معاه الا دقيقة ولا دقيقتين بس ويروح عنه وعيونه معاه دايم

يصفر له بنفس طريقة تصفير أخوي ..

[د. إحتـراف]

• سهل جدا
  
• كل ماعليك هو انك ترجع علاقتك مع الطير , طيب كيف ؟
  
  
• اجلس مع الطير وقت اكثر من انه يجلس مع اخوك , أكل الطير من يدك , هات قفصه وخله جنبك ولا تتكلم معاه بس خله هو يناظر فيك ويلفت انتباهك
  
• وشي طبيعي الي صار من الطير لانه فقدك وراح لاحد غيرك يلعب معاه ويتونتس معاه
  
• تقبل مروري

[غسان الاشقر]

اخى الحبيب الخبر مان

ابقولك كلمتين وصدقنى انها واقع ومجرب

الكاسكو يتمتع بذاكره جباره جدا ولا يمكن ان ينسي ابدا ما فعلته به.
الا ان لكل شى شواذ فاقترح عليك ترجع وتلاعبه وتداعبه وممكن تعطيه يدك يعضك لكى يرتح شوى
وجيب له العاب جديده واطعمه الاكل الى يحبه مره.
اذا رجع اوكي زى اول الحمد لله او اهديه لاخوك وانت اشتر لك طير ثاني.

ارجوا ان لا اكون قد ازعجك ردي ولكن هذى هي الحقيقه.

فائق احترامي

[فاصل عن الخدمه]

والله قهر لو انا محلك كان ذبحته ههههههههههههه

الله يعينك ,,, حاول معه من جديد

وتبي تخليه يرجع لك << بيقول شي خطير ههههههههه

لاتخليه يشوف اخوك مرره ثانيه واذا حس انه اخوك سحب عليه بيرجع لك

ههههههههههههههه

الله يستر لااكون جبت العيد تراني مبتدئ بس مثل ماسحب عليك عشانك بعدت عنه

اكيد بيسوي نفس الحكايه مع اخوك

وتقبل مروووري تحياتي لك

[naasooh]

يرجع انشااء الله

الي تسويه
انك تكثر من المسح عليه
وماااياكل ألأكل الي يحبه ألالالا من أيدك
و
اصبر شوي

[الخبر مان]

الله يعطيكم العافية ياشباب والله كنت خلاص على وشك أبيعه وأشتري فرخ ثاني بس المشكلة يمكن ترجع

معاي ثاني.. كنت أبي أعرف السبب وعرفته خلاص

ماتوقعت ان الببغاوات حساسة للدرجة ذي سبحان الله عشان غبت عنه كم يوم انقلب علي

مشكورين وجزاكم الله خير ..