جاتني هديه بلابل صغيره تاكل سيرلاك- ايش اسوي

[رزه]

السلام عليكم جميعا
انا جتني هديه بلابل صغيره رائعه الجمال لاكن انا خايفه ما اقوم بواجبهم خصوصا اني مشغوله بالشغل و الدراسه و انا بحاول اهتم فيهم بس احس مقصره
انا اليوم مثلا شفت واحد منهم فمه مسكر من السيرلاك ( لا احد يصرخ فيني ) ترى انا جدا اكون مرهقه من الشغل و الدراسه و حكايه اني ااكل كل ساعه و لا 2 متعبه خصوصا اني اقلب المكان و اقعد ساعه انظف اللي خربته
المهم ارجوكم قولي لي ايش اسوي - ترى وضعتهم في صندوق و غطيتهم و صرت انام جنبهم ع الارض و ما اشغل المكيف عشانهم
ملحوظه عندي بلبل اكبر منهم و اصبح عندي فريق بلابل بالغرفه و قريب استجن
اليوم لاحظت بان واحد منهم بداء يطير و طلع من صندوقه و جه على وجهي يصرخ عشان اقوم اطعمه
لاكن الثاني ضعيف و ما ياكل كثير مثل اخوه
دلوني ايش اسوي و عذرا ع الاطاله بس حبيت تكون الصوره واضحه تماما.

[رزه]

قبل ما اعتذر اني وضعت سؤالي بمكان غلط --- و عذرا لاني ما سالت من قبل و لا اعرف الجزئيه دي من قبل
حبيت اقولكم بان واحد من البلابل مات - انا جدا حزينه و ادعوا الله اني ما اكون قصرت في رعايته و صدقوني انا سويت اللي اقدر عليه

[وزة]

طيب ياحبيبتي كان اعطيتيهم اي احد يهتم فيهم والله لايكلف الله نفساً الا وسعها


انا الي اعرفه انه لازم تأكلينهم ع طول لأنهم صغار وماراح يقدروا ياكلوا بنفسهم


فلازم احد فاضيلهم يصحى كل ساعة ولا ساعتين يأكلهم


والثاني حاولي تأكليه كويس جربي دخليله الاكل بأي عصارة او شئ زي ماتعمل معاه امه


والله يعينك يارب

[hassn1402]

بسيطه وصي واحد من اهلك يقوم بالواجب وادا ما يعرف علمية كيف يطعمه
بالنسبة لي انا اطعمه مركب اللي هو خليط من البدور المطحونه اضع معه ماء حتى يصبح مثل السائل واطعمه اياه

[المعلم2]

لاتحتاريت ولا حاجه اصلا البلابل اسهر حاجه في التربية

في اكل خاص بهم على شكل دوائر وعليه صوره بلبل وطائر المينو تلاقينه في محلات الطيور تاخذي شوي منه وتحصي عليه مويه شويه لين يلين وبعدين تجيبي عود اسنان توثبيك وتنغزي الاكل لانه بيكون لين من الماء وبعدين على طووووووووووول في فم البلبل وهذا نضيف جدااا ولايوسخ وتقدري تسويه بالمقدار يعني ماراح تحتاجي تنضفي بقايا الطعام .

[الله يجيب الخير]

مو شرط تأكلينهم كل ساعة ممكن بعد 3 او 4 ساعات وفالليل 6 او 7 ساعات لانهم ينامون

والاكل يكون سائل