ضروري ابغى رأيكم...غشني البايع في فرخ افريقي

[فلونه]

السلام عليكم بكل المربين والتجاااار

باحكيلكم حكايتي

لا تحكموا الا بعد ماتكملوا قرايت كتاباتي الى اخر حرف

في البدايه

تقريبا من اكثر من شهرين وانا ادور على فرخ افريقي

واتردد لاني اخاف اشتري فرخ مريض

لاني الصراحه ماعندي خبره في الطيور

وبعدين لقيت كل الفروخ الافريقيه غااااليه

قلت ادور على فرخ غيني ارخص

كمان مالقيت كانها منقرضه

وبعد ما اخذت لفه واخذت كورس من المنتدى

في الببغاوات بشكل عاام

عرفت كيف الواحد يعرف اذا كان الطير مريض او سليم

وبدأت رحلة البحث عن الفرخ الافريقي

وكلي امل اني الاقي الفرخ المناسب

والحمد لله لقيت واحد عارض فروخ وسعرها تقريبا مناسب

ورحت لعنده في البيت وشفت الموجوده عنده

وفيه منها اللي يجعر واللي يفتح فمه بدون صوت

المهم

اخترت واحد نظيف يعني خشمه خالي من اي افرازات

ووساخته الله يكرمكم كويسه يعني مو اسهال

وجسمه مليان يعني عظمة صدره مو طالعه

وعنده في صحن اكله حب شمسي ماكول

يعني ياكل من نفسه والقشور كثيرره يعني نفسه مفتوحه

بس كان خواف شوي بس جعرته خفيفه

واتفقنا مع صاحب الفروخ نعطيه نص المبلغ

ويولف الفرخ وعند الاستلام نعطيه النص ا لثاني

ووافق صاحب الفروخ

وقلناله لا تلخبط بينهم هذا اللي اخترناه

قال طيب عارفه اللي في القفص الاصفر

طيب الى الان الامور ماشيه تمام ولله الحمد


بعد يومين بالضبط

اتصل صاحب الفروخ وقال ضروري اليوم تستلموا الفرخ

لانه بيسافر وبتجيه مجموعه ثانيه وممكن تكون فيها

امراض ويمرض الفرخ هذا معاهم

وانه صار اليف مرره

قلنا طيب مو مشكله ورحنا استلمنا الفرخ

لاكن في الليل وفي مكان غير بيته

المهم

لما شفت الفرخ في السياره

كان نافش ريشه وجالس في ارض القفص

قلت هذا مو نفس الفرخ اللي اخترته

شكله متغير

معقوله في يومين يتغير كذا

حتى لون الفرخ هذا غاامق واللي اخترته فاتح

وشكله كمان مريض

انتظرت لين وصلت البيت عشان اشوفه كويس واشيك عليه

وهنا المصيبه

لقيت الفرخ مو نفسه

ولا يعرف ياكل الحب الشمسي مايعرف يفكه

وضعيف مرره وعظمة صدره طالعه بارزه

ومعاه الله يكرمكم اسهاااال

والقفص هوه نفسه اللي فيه الحب المقشر

لاكن مبدل الفرخ بفرخ ثاني مريض واصغر

وارض القفص وسخه لدرجه ماتتخيلوها

لقيت فيها ذره معفنه وعليها عفن اخضر

والفرخ جالس ياكل فيها

المهم لما جاء الصباح

اتصلنا في صاحب الفرخ وقلناله الفرخ مريض

طبعا قال ايش سويتوله اكيد عرضتوه للبرد

ورفض انه مريض وقال عندي سليم ومافيه شي

الى الان ماقلنا بنرجعله الفرخ

ولما جاء الظهر قلت خلاص هذا شكله بيموت

وكلمناه ورفض يرجعه بتاتا

طيب الحين المهم في الموضوع هوه الفرخ

وديناه للبيطري

وكشف عليه

وقال هذا الطير له اكثر من خمسة ايام ما أكل شي

وعظمة صدره بارزه وعنده اسهال حاد

وعنده سوء تغذيه ومريض من زمان

لدرحة انه مو قادر يوقف على الستاند

قال الدكتور انه هذا خلاص بيموت

وحاول فيه ياكله ويعطيه الادويه المخصصه للفروخ

لاكن للاسف ماااااات ثاني يوم

انا لله وانا اليه راجعون

طيب الحين كيف اخذ حقي منه

قبل كل شي هذي ارواح

مايخاف ربي فيها

اذا مايقدر الشي هذا لا يتاجر فيها

حسبي الله ونعم الوكيل

انتظر رايكم في الموضوع

وكيف اتصرف في الموقف هذا

[هاااايز]

لا حول ولا قوة الا بالله والله يجيرك في مصيبتك والله يعوضك خير وصدقيني حقك مراح يروح اذا ما اخذتيه بالدنيا بتاخذينه بالاخره واللي غشك فيه ما غش الا نفسه على مبلغ بسيط بالدنيا ونسى حساب الاخره لا حول ولا قوة الا بالله

[Rossi]

وعليكم السلام ورحمة الله وبركاته ..

للأسف بعض التجار ماعندهم ذمة وغشاشين درجة أولى

لكن الشكوى لله .. وربنا بيحاسبه يوم الحساب

[ملك الدرر]

انا لله وانا اليه راجعون
انا ابقولك ايش تسوي فيه
ما دام نصب عليم اول مرة انت انصب عليه المره الثانية
ودق عليه وقول الفرخ اللي اخذته منك
بعته وبسعر مره حلو ابغى
فرخ ثاني لأنو كمان واحد طلب مني فرخ

واذا قال طيب اجيبه بس تسلم الفلوس كاش
قوله انا الفلوس اللي كانت عندي صرفتها
وقوله ابعطيك ربع المبلغ واذا سلمته
للي بيشتريه اكملك المبلغ وازياده
طبعاَ اغريه بالفلوس ويمشي معاك زي العسل
وروح وخذه منه واسحب بريك عليه

يلا ما اطول عليك
تقبلي مروري

[أحمد الهاملي]

لاحول ولا قوة الا بالله ان شاء الله حقج مابيضيع

[فلونه]

اخوي ملك الدرر

مقدر اسوي كذا

المفروض نقابل الاسائه بالاحسان

لعل الله يغير من حال الى حال

[ملك الدرر]

ااااخ كل شوي ارجع لموضوعك بس لو كان
هذا هو اللي ناصب علي لأخليه
يعتزل التجاره

[طير جديد]

والله انتشر النصب في الطيور
كم واحد الى واحد صارت معاه نفس ذي السالفة
وانا اقول اهم شي يكون الي بيشتري شي كان (طير سياره جوال ) مايجامل لان كثير من الناس ينحرج ويقول عطيت الرجال كلمه ويروح عليه حقه

المفروض ماتاخذ الطير من الاساس المره الثانية
والله يعوض عليك
والله يعين الي باعك الطير بيجي له يوم ويطيح في موقف اكبر الله مايضيع حق المظلوم
.................................................................

[basil987]

الله يعوضك بطير احسن منه ان شاء الله

والله بياخد حقك منه عاجلا ام آجلا

وان شاء الله ما راح يضيع حقك

الله كريم

[طير جارح]

الله يعوضك باحسن منه
لاكن انا من رأيي تقولي لرجال كبير و ملسون يأخذ حقك غصب عنه اذا
كان على كلامك غشك يعني شوفي اخوك ولا ابوك يروح لحد مكانه ويتفاهمون