افيدوني عن هالجوز ( صور )

[بوعقاب]

السلام عليكم ورحمه الله وبركاته

جمعه مباركه

عندي جوز بادجي توي شاريه وابي اعرف هل هم ذكر وانثى وكم اعمارهم تقريبا انا اتوقع تحت الاربع اشهر لوجود الخطوط على مقدمه الراس وجزاكم الله خيرا

[S7R]

حسب خبرتي .. والله اعلم

الابيض بالسماوي .... هاذا ذكر ..
والانثى هي الخضرا

والعمر .. اذا ماكنت غلطانه .. (4شهور) تقريبا

وشكـــرا

وماشاءالله . والله يخليهم لك .. يتربون فعزك

4 شهور وفوق

يعني من 4 الى 5 الى 6

[A___L___X]

اخوي اسماوي ذكر

والاخضر اذا كان لون كيره وردي ذكر بعد بس صغير

لان يبين في الصوره بني ومستحيل يصير بني وتوهم عمرهم 4 شهور من خطوط الراس فاتاكذ وخبرنا

[the master2010]

اخوي كلهم ذكور


السماوي ذكر وعمره انا اتوقع 5 شهور او اقل

الاخضر ذكر صغير انا اعطيله شهرين تقريبا حسب وضوح الصور

[بوعقاب]

جزااكم الله خير على الافاده وفعلا كير الاخضر لونه وردي مش بني

هههه يعني اثنينهم ذكور > انصااد
طيب موب مشكله خل يكبرون بعد ك مشهر باخذ لهم نثيتين بالغات للتزاوج
والي فهمته من كلامكم الانثى البالغه كيرها بني ؟
والذكر الاخضر الي عندي ااذا بلغ كيره بيصير ازرق

[السامر]

صح وأنا أنصحك تزوجهم من عمر 7 شهور وفوق

[جزيرة الحب]

الابيض بالسماوي .... هذا ذكر ..
والانثى هي الخضراء
واصبر عليهم شوي وغذيهم
وان شاء الله تحصل على انتاج قريب

[hams elnseem]

الازرق ذكر جاهز ع ما اعتقد للتزاوج
والاخضر انثى ان شاء الله بس انا شااااك


ويتربون بعزك

[بوعقاب]

للعلم ياجماعه الازرق على جبهته خطوط
والاخضر انخبصت الحين منكم يقول انثى ومنكم يقول ذكر وننتظر باقي الردود عشان نعرف العلم الاكيد
وشاكر لكم مروركم

[رعوود]

اخوي بوعقاب

الطيرين ذكور

لكن الازرق اكبر بالعمر من الاخضر

والكثير يلخبط بجنس الطيور الصغيره

عموما الازرق باقيله شهرين على الانتاج تقريبا

والاخضر يحتاجله وقت اطول

موفق