ضروري بخصوص اغوانتي الله يخليكم

[iguana lover]

السلام عليكم

بغيت اسال

اغوانتي صارلها اسبوع عندي بالضبط

وكنت احطها على ايدي بسهوله واكلها بايدي واحط لها الاكل فالحوض

اللي صار بهاليومين .. ان كل ما افتح الغطا مال الحوض على طوال الاغوانا ترجع وتبتعد وتحرك ذيلها
اشك انها خايفه .. بس خوفها بزياده لدرجه اني اخاف احط لها الاكل .. اخلي اخوي يحطلها
ومن اقرب من الحوض عشان اشوفها تضرب بذيلها

ليش صارت جيه .. وكيف اقدر اهديها واخليها ترجع مثل اول؟؟؟

شكلها ابد مب حلو وهي فحالة الخوف

[*حامي الحيوان*]

لانك أكيد نسيتيه بالبيت وما طلعتية

فا أكيد أسس هذا الحوص أنه يكون بيته وأي واحد يقرب منه يخاف

الحل أنك تطلعينها دائما كثر ما تقدرين





تحيااااااااااااااااااااااااااااااااااااااااااااااااااااتي

[iguana lover]

بالعكس كنت يوميا أشلها على أيدي تقريبا نص ساعه،، حتى يوم أكون فالدوام اتصل على اخوي عشان يطلعها
المشكله الحين كيف اطلعها،، لأني فالأيام الأخيره شلتها مره ونطت من أيدي
يعني معقوله أخليها تمشئ بروحها برع الحوض؟؟؟

[*حامي الحيوان*]

أي عادي خليها تمشي بروحها خارج الحوض

عشان تستكشف البيت وأهله

[iguana lover]

أوك ،، بحاول اليوم ولو اني أخاف انها تنخش فمكان

افتقدتها وأيد وافتقدت شيلتها

أتمنئ ان هالخوف يروح منهاإاإ

تسلم اخوي ويزاك الله خير

[مهووس الحيوانات]

ممكن يكون السبب البيات الشتوي الي قلتلك عليه

لازم ماتزعجينها ولازم تنام بهدوء ودفء وقد ماتقدر وبدون أي ازعاج الى ان ينتهي الشتاء ، وتقل رغبتها في تناول الطعام

[iguana lover]

اوك بحاول اخليها عراحتها .. افتقدتها وايد ولو انها يديده بس حبيتها

تسلم مره 2

[مهووس الحيوانات]

ان شالله يستمر حبك لها وتحبك وتصيرون أصحاب

الحيوانات أحيانًا تكون أصدقاء أفضل و أوفى من بعض البشر

[Anooos]

وأنا أأيد راي أخونا مهووس الحيوانات

[iguana lover]

انزين سوال ثاني .. ادري حشرتكم بس استحملوني

الحين صرت اخليها بالحوض وفغرفه .. حتى انا مادخل هالغرفه ولا حتى ما انام فيها ... يعني الغرفه صارت لها بكبرها .. بس ادخلها اذا ابا اغراضي او يوم احط لها الاكل لان المشكله كل ما اقرب او هي تحس ان حد قريب تضرب بذيلها عالحوض