هامستري فيه مشكله بس مو عارفه ايش =( .. الحقوني

[Hamsters's]

السلام عليكم

ساعدوني بلييييز هامستري فيه شي مو طبيعي

شكله طول الوقت مبهذل كأن جسمه رطب و شعره منكوش و حوسه و مؤخرته كأنها رطبه كله يكون عليها نشارة خشب و جسمه بعد تتعلق فيه النشاره بسهوله مع انه الهامستر الثاني لا مو مثله و شكله مرتب

اخاف مريض او شي

=(

[MR.Fahd]

ما ادري بس اعتقد ان فية مرض الفرو الدهني

[Hamsters's]

مشكور اخوي

بس ما تعرف ايش سبب هالمرض ؟؟؟

[MR.Fahd]

بسم الله

اعتقد في هذا

الفراء الدهني




إن الهامستر مع الفراء الدهني يمكن أن تكون علامة على أن فراش الهامستر أو نشارة الخشب لا يتم تغييرهما بشكل مستمر، وينبغي أن يتم تغيير الفرش و النشارة لمنع ظهور الروائح الكريهة ، يجب تغيير فرش و النشارة مرة اسبوعيًا على الأقل ، بالنسبة للمواد التي يعشش بها الهامستر يمكن استخدام مواد ورقية مثل ورق التواليت أو المناديل الورقية و المناديل الممزقة.

و الهامستر ذات الفراء الدهني يمكن أن يكون علامة على أنه مريض ، الهمستر المريض كسول جدًا عندما ينظف فروه الدهني وعندما يصاب به يغط في سبات عميق، إذا كان الهماستر لديك قد دخل في سبات عميق ينبغي عليك ان تأخذه إلى الطبيب البيطري لأن الخمول هو علامة لعدد من الأمراض.

الشعر الدهني يكون في بعض الأحيان في جينات الهامستر : أي أن الفرو الوراثي الذي يملكه وراثيًا هو دهني ، وكذلك في بعض الأحيان ان وضعت بعض الزيت لعجلة الهامستر لجعله أقل حدة و أكثر انزلاقًا فقد يلمس الهامستر الزيت و يظهر الفراء دهنيًا ، لذلك يجب أن تتأكد من الزيت الذي على العجلة قبل أن تشك بأن الهامستر قد يكون مريضًا.

الله بشفية ان شاء الله

[سويت هارت]

ممكن صور له ..

وممكن نعرف نوعه ..

وكم عمره ..

[Hamsters's]

مشكور اخوي على المعلومات

يعطيك العافيه

-- -- -- -- -- -- -- -- --

سويت هارت ما عندي له صور

بس هو روسي و العمر ما عندي معلومه عنه

مشكورين

=)

[الصـقــر]

اختي انتي وش تعطينه اكل؟

لو الموخره صايره كانه مكبوب عليها مويه

فهذا اسهال اكرمكم الله

عطيه خيار وجزر

وانتبهي لاتعطينه ملفوف ..

ولا تكثرين له الخسس

[Hamsters's]

عندي اكل مجفف حبوب مطحونه و كذا شريتها من محل و ياكل خبز و بسكويت

ولا مره اكل ملفوف

انا بجرب الجزر و الخيار بس اخاف يكون مثل ما قال اخوي فهد انه فرو دهني و فيه امراض
البيطري الي عندنا حق جمال و غنم و بقر اخاف ما يعرف للهامستر

=(

[الصـقــر]

طيب انتي كم مره في الاسبوع تغيرين النشاره ؟

الفرو الدهني معناته القفص وصخ ..

انتي نفضي القفص مرتين في الاسبوع

ولما تنضفينه اغسليه بمويه بس لاتبقين ولا نقطه ماء

لانه يضر جسسمه

وانتبهي نشاره الخشب لاتاخذينها من عند النجار تجيب له حساسيه وتصاقط في الشششعر ..

عطيه جبن كرفت .. قطعه صغيره مره في الاسبوع

وعطيه بياض البيض المسسلوق .. مره في الاسبوع

ولو كان الشعر طايح يعني فيه بقع مافيها شعر

حطي عليه زيت الزيتون ..


وراح يتعافا ان شاء الله

موفقه ..

اختك الصصقره ..ْ

[Hamsters's]

اغيرها مره بالاسبوع كل 6 ايام او 5 اغيرها

انا انظف القفص كل مره اغير النشاره اغسله بماء و صابون و انشفه من الماء تماما

النشاره ما عندي مكان اخذه الا من عند نجار و انا اخذها نظيفه مافيها اي ريحة صبغ او اي كيماويات لاني عارفه انها تضره

و شعره ما يطيح الحمدلله بس من جد خايفه عليه

=(