هل من الممكن...!!؟

[Luis]

السلام عليكم ورحمة الله..



بنيتي دلوعتي Melody ما خذ لها اربع ايام من وصلت بيتنا..

واول ماوصلت اضطريت احممها لأنها كانت مخيسه البنت..

وححمتها على خفيف عشان عارف القطط..لابد تتعود على بيئتها الجديده

خلال يومين او 3..عشان تقدر تحممها باطمئنان...فلما حممتها..

مانتبهت لها من ورا (أكرمكم الله) حممتها سريع عشان تروح ريحتها بس..

ولما نشفت اكتشفت انها تسهل..ومش هنا المشكله..المشكله اني اكتشفت

لما تمشي اشوف دم فالارض....بعدها حاولت اعرف منين..

والظاهر والله أعلم أنه من ورا..قلت يمكن التهاب فيها شعنونتي..

وكان يألمها لما أحاول أنظف لها مكان الإسهال (تكرمون)...

وبعد فترة كذا يوم كذا او يومين..شفته جف ويبس..بعد ماتبعت نصيحة الاخوان

بخصوص الإسهال..فالسؤال يطرح نفسه..هل أقدر أحممها مرة ثانيه عشان أزيل الاشياء المتيبسه منها..؟؟

طبعا عقب اسبوع من اول تحميم لها...علما أنها مش مطعمه وهذا اللي مخوفني..

لكنها تربية منزل.. هل ممكن يأثر عليها التحميم وهي مش مطعمه..؟؟

وهل أقدر أأجل موضوع التطعيم لفترة..؟؟ لأني حاليا لا أملك سيارة..

وكذلك ربعي لو بقول لهم بروح البيطري وبركبها معاي بيحذفوني انا معها

ممكن تساؤلاتي جات متأخرة.. لأني كنت أدور احد يوديني وماشفت..

فلم تأزم الموضوع لجأت لكم يا اخواني..وارجو اني اجد الحل لديكم..

تحياتي..

[Octopus]

لو أحسن كان سويتها تطعيم من بداية

[Luis]

اممم.. انا قلت بروح للبيطري في اقصى وقت..

لكن زيك عارف يا أخطبوط.. الواحد بدون سيارة هالايام

يعد مثل الطير الكسيح.....اشكر لك مرورك..

[! هاويه الطيور !]

[ امبين معاها اسهال حاد او جاف ]

[ بخصوص التحميم يفضل إستخدام شآمبو " نيزورآل " افضل من خلال الفطريات تكثيف الشعر ورائحه حلوه ]


[ بخصوص انها متسخه لامتحتاج تحميم مره ثانيه اكثر ممكن تجيب لها فوطه { المنشفه } .. وتكون مببله بمويه دافيه وتمسح المكان المتسخ ]


[ ممكن تدهن المكان الخروج بفازلين السبب التسهيل للخروج افضل ]

[ وبخصوص السهال حاول توقف الاكل لمده 9 ساعات بالكثير وبعدها عطها اكلات مجففه او اكلات البيت او داري فود وابعد عن المعلبات لانه مافيها فايده للقطط وتسبب الاسهال وتساقط الشعر وغير رائحه الفم والبراز ]


[ بخصوص نقلها ممكن تحطها بصندوق الخاص بالقطط او كرتون اذا ربعك متضايقين وقولهم انا محتاج مساعدتكم وهذا غير االاجر لهم لانهم ساعدوك في انقاذ حياه القط ]


[ وبالاخير بخصوص التطعيم انا مادري كم عمرها يمكن تقريبا عمرها شهر او شهرين بالصوره لكن يفضل تطعيمها بمرور الشهر والنص وا ثلاث اشهر ]

[ وسلامتها ]

[Luis]

الله يعطيكي الف عافيه اختي عاشقه..

تقولين اسهااال حاااد ..الله يعين قطوتي يارب..

انا قال لي صاحبها جيب لها مرهم فيوسديوم ما ادري نسيت وشسمه..!!

ولا حصل اروح للبيطري..لكن اليوم احسها متحسنه..وبخصوص الأكل..

أنا منعت الاكل عنها امس 9 ساعات..وحطيت لها جبنه واكلت منها..

وجا الظهر وحطيت لها دجاج مسلوق..وكلته كله..

أما تكرمين البول أروح واجي للصندوق ماشوفها تعمل شي

أخاف معها امساك لا قدر الله..

لكن اذا بحثت فالرمل اشوف اكوام كروية الشكل ويظهر انها قديمه اشوي

مع العلم ان قطتي ما تدفن علمتها .. تقضي حاجتها وتطلع على طول

بس بخصوص الفازلين.. تعتقدين بيضرها لو لحسته

لأنك عارف القطط بتلعق فرائها بين فترة وفترة..وانا خايف بخصوص الفازلين..

فطمنيني الله يطمنك

وتحياتي لك..وآسف عالإطالة..

[! هاويه الطيور !]

[ الجبن يمكن يكون لين عليها لكن عطها دراي فود ااذاا في او دجاج مسلوق او اكلات القطط المجففه ااذاا كان عندك افضل ]


[ بخصوص وضع الفازلين شي بسيط مجرد لمسه خفيفه على مكان الخروج لاتكثر بس خفيف حتى يسهل عمليه الخروج وان شاء الله باذن الله مافيه اي ضرر ولازم ايضا توديها الطبيب ]


[ وانا نكي هاويه مش عاشقه ]

[Luis]

يوه...معلش خلطت بينك وببين وحده ثانيه

ان شاء الله بكرة بحاول قد ما اقدر اروح للطبيب..

والحين بحاول انظفها عشان الفازلين...

والف شكر علمساعده اختي هاويه

تحياتي..

[كيوووت]

خيوو عشان تعرف تتصرف لازم اول شئ تعرف بالضبط وش فيها اسهال ولا امساك
عشان ماتعطيها اكل جاف ويمسك البطن ويطلع فيها امساك
او تعطيها اكل ملين للمعده ويطلع فيها اسهال

اذا راحت لبوكس الرمل راقبها وشوف اذا طولت فيه وماقدرت تسوي شئ وممكن تسمعها تموء بصوت خفيف فهذا امساك تعطيها ملعقة زيت زيتون وتراقب اخراجها

اما اذا كان معها اسهال فتمنع عنها منتجات الألبان وتعطيها دراي فود و دجاج مسلوف بطاطس مسلوق وينصحون بالنشا وممكن تجيب دوا كابتين من الصيدليه وتعطيها اقل جرعه لأنها صغيره وتداوم عليه لين يتوقف الاسهال

بالنسبه للوسخ اللي عالق فيها اكيد لازم تغسله بس اذا خايف عليها من البرد والمرض
غسل بس المنطقه اللي ورا ونشفها زين وعشان مايعلق الوسخ فيها مره ثانيه قص لها الشعر من ورا وان شاء الله تصير انظف ومايعلق فيها شئ

موفق ^ـ^


..

[ابووووووووووووووووووغازي]

ماافيها شي روشيها من تحت بس مو كل جسمها عادي خيتووو وكما اليومين ذول الجو
حاااااااار ويساعد القطط على الترويش عكس فصل الشتاااء وتقبلي مروري

[آنـــــو]

كلام كيوت بخصوص بطن قطوتك أنا معها ..

أما التحميم بصراحه قطاوتي لما يجيهم أسهال

أو يعلق ورا ماأروشهم مافيه الا قوة قص ..

لأني عارفه لو بروشهم الفضلات وأنت بكرامه مع المويه والشامبو

تنتشر أكثر بالجسم وتفووح ..

فـ أخفف لهم شعرهم ،، وأركز على علاجهم ..