يا خبراء القطط ساعدوني ,,,,,,,,,,, عاجل

[A 7]

السلام عليكم و رحمة الله و بركاته

اشتريت قطه هولندية جميله عمرها 3 اشهر

القطه جداً نشيطه و لعوبه بس لديها مشكله بسيطه و لا اعرف لها حل وهي مشكلة قضاء حاجتها اعزكم الله

فيه لا تقضي حاجتها في المكان المخصص له

علماً باني و اضع مكان قضاء الحاجه في الحديقة ولاكنها تقضيها داخل البيت

ساعدووني لحل مشكلتي

[فطوم]

اخي مكان قضاء الحاجه بعيد عالقطه والقطه صغيره عليك بوضع سطل به تراب مخصص للقط خاصه ان تراب الحديقه ممكن يضر القطط

يجب ان تضع السطل في مكان يسهل الوصول له (داخل البيت) ويجب ان تضع القطه داخله في اول الايام حتى تشتتمه وتتعود عليه وشكرا

[بسووووم]

السلام عليكم يا A 7

اول شي ليش صندوقها بره بالحديقه؟؟؟ اصلا غلط ان قطوتك تتعود انها تطلع بره البيت و بعدين تكون عرضه للامراض و العدوى من اى قطاوة ثانيه

و احسن و الافضل عشان تتعود انك تحط صندوقها بمكان بالبيت مثلا بالحمام او بغرفه و بعدين حطها بالمكان اللى في الصندوووق و سكر عليها يعنى خمس دقايق و كرر هالموضوع و لما تحس انها تبي تروح الحمام وديها المكان اللى فيه الصندووق و هى بتتعود مع الوقت احنا عندنا حمامين وااحد لنا وواحد حق لولو :d

اول ما جبتها كنت احطها شوي بالحمام و اطلعها و لما كانت تسويها بمكان ثاني انظفه عدل عشان ما يكون في ريحته و اخليها تشم الشي اللى سوته هذا و بعدين اوديها الحمام يعنى اقولها هذا المكان اللى تسوين فيه مو هذااك

واترك فرصه لباقي الاعضاء عشان يقولون رايهم ان شالله تتعود اما اذا بره باحديقه فانا ما ادري والله اصلا شكلها قطوتك بنت عز ما تحب تطلع بره البيت :d

و ان شالله اكون افدتك

[الصولجان]

لا طبيعي بس نصيحة مني لا تعودها على بره تجيك وسخه وزي كذا خلها في البيت

[قطو_Q8te]

ماقصرو الاخوانـ فوقـ .
ييب لها حبيبات الكريستال اذا انت بالكويت موجود بمركز سلطان وستي سنتر
وحطها عالتراب لاول مره بتقعد تاكله
بس انت اخذ وصخها البراز وحطه عالكريستال المره الثانيه او حتى الرمل وخلها تشم الرمل ووصخها

[kitten_Q8ia]

اخوي ليش تخلى الرمل بالحديقة حرام بعدين اذا كبرت تييك حامل او احتمال تطلع و تضيع انصحك اخوي اذا انتو مربينها بالبيت حطو صندوق رملها داخل الحمام (حمامك ) و اذا السالفة عن الريحة انا امي جذي بس بعدين ما طلعت ريحة و انصحك مثل ما قالك احوي القطو استعمل الكريستال وايد زين و اذا اهيا توصخ بكل مكان لك الطريقة اولا حط مكان اكلها عند الرمل علشان تتعود و بعد الاكل بربع ساعة ودها و حطها عند الرمل و اذا ما تبي تسوي شي كرر هالعمل بعد دقايق و اذا وصخت برة شيل وصخها و حطة على الرمل و انصحك انك كلما شفتها و دها الحمام و خل حمامها قريب من المكان اللي تقعد فيه و الله انا جربت هالطريقة قبل قطوتي مسي كان عمرها شهر و نص يوم اخذتها و كانت توصخ بكل مكان إلا فراشي ( لانه المكان اللي تنام عليه لووول ) و بعدين قمت احبسها بالحمام بعد ما تاكل بربع ساعة و صدقني مع الوقت راح تتعود لانها غريزة عند القطط انها تدفن وصخها .