سؤال لمن جرب عن ريش الكاسكو ..

[Q8 Sailer]

السلام عليكم ...

اخواني اول شي احب اعتذر عن انقطاعي للمنتدى ... وان شاءالله لي عوده معكم باستمرار باذن الرحمن ...


ياجماعة الخير الكاسكو اللي عندي للحين ريشه ما طلع كامل .. يعني اهو كان فيه حساسيه ونتف كل ريشه حتى الذيل وبعدها عالجته ووقف حك وتنتيف وطلع الريش شوي على رقبه وجزء بسيط على جناحه .. والحين وقف ماقام يطلع ..

للعلم صار له فتره طويله ممكن اكثر من 3 شهور وللحين ما اكتمل ريشه .. .

طبعا عمر الكاسكو فيه ممكن مابين ال 5 الى 8 شهور .. واعطيه اكل ومهتم فيه من الناحيه الصحيه (يعني لحد يقولي نظف قفصه وعطه اكل بشكل يومي وغير الماء كل يومين..الخ) )

ابي واحد عنده تجربه شخصيه أو حل اهو مجربه من نفسه وجاب معاه نتيجه علشان يطلع الريش بسرعه ويكتمل ...

بانتظاركم يا اخوان ..

[زياد محمد]

هلا اخونا الغالي الحمد الله على سلامة رجوعك للمند وياهلا فيك ..؟ وانشاءالله بيردون عليك اهل الخبرة

[Q8 Sailer]

هلا فيك اخوي زياد .. واشكرك على ردك الجميل (مع العلم كنت متوقع انك لاقي لي حل) خخخخخخخخخخخخ

بسيطه مرورك جميل ياخوي .. وتقبل مروري من دون مخالفات << اسرررق :P

طيب وين باقي الاعضاء ... 15 مشاهد ورد واحد .. غريبه .. نصبر وننتظر وان شاءالله يردون علي )

[نمط]

اذا كان ريشه مقروض او مقصوص او مكسور فاقعه من جذره حتى ينمو بسرعة

[Q8 Sailer]

مشكور اخوي نامط على الرد..

ممكن بكره اوديه بيطري يشوف شنو مشكلته لأن الظاهر محد مهتم للموضوع :P

الله كريم .. )

[عبووووووودي]

نقص بالكالسيوم اختي

[Q8 Sailer]

نقص بالكالسيوم ؟ وكيف اعوض له الكالسيوم ؟؟

وشكرا على ردك

[لوتيه]

سيلر هلاااااااااااااااااااااااااااااوالله
وين هالغيبه من طول الغيبات جاب الغنايم
افااا و الله محد مهتم افاااا عليك و الله بس حتى انا نفسك مقصره
ادش شوي و اظهر
و الله يوفقك في دراستك ان شاء الله ...
اقول سيلر جربت تدهنه بزيت زيتون ؟؟؟

[Q8 Sailer]

هلا اختي لوتيه مشكوره على الرد .. )

والله يا اختي سألت مجرب قال ماجاب نتيجه .. واعتقد ان الزين زيتون بس يمنعه من الحك والتنتييف .. والله العالم .. وبعد شوي بوديه للبيطري اخليه يفحصه ويعالجه .. اهو الكاسكو وقف تنتيف ريشه لكن الريش حاليا قاعد يطيح بروحه مو اهو اللي ينتفه ..