اشترك في نشرتنا البريدية ليصلك كل جديد

Alola · 11-04-2009, 10:00 PM

السلام عليكم !

عندي قطوه شيرازيه ! لميس

وشعرهاا من تحت مشررررربك !!

تعبت وانا اقص منه ! مافي فايده !

حد يعرف حلاق !

انا من الإمارات (العين)

اللي يعرف يدلني عليه ؟؟

nobody-know-me · 12-04-2009, 12:03 AM

اخوي ..

حممها بشامبو خاص بالقطط و قبل تشطفها بالمويه خذ المشط الخاص فيها ومشط اماكن كرات الشعر لين تفك الي تقدر عليه ..

بعدين شطفها و نشفها و قص اللي ما انفك بالمقص ..

و نصيحتي : خل حلاقتها آخر حل ، لا تستعجل ..

رعوود · 12-04-2009, 03:56 AM

اختي Alola

الله يعينك عليها

بالفعل الشيرازي [ الفارسي ]

وخصوصا الكثيف الشعر منهم

اغلب منطقة معرضه للتكتلات هي البطنية

لانها اقل منطقة تتمشط

وانا سبق وشفت باحد عيادات البيطرة بالخارج

وقت الهندمة للقطه

يتم قص او تخفيف الشعر بالمنطقة البطنية

حفاظا على نظافتها وايضا للابتعاد عن مشاكل التكتلات

وبهالطريقة راح يتم شكل القطة حلوه وبشعر كثيف

وترتاحي من مشاكل التكتلات وتعلق الاوصاخ في بطن القطة

خصوصا انه لو تكونت تكتلات بالبطن راح تسبب فطريات لانه ما يتعرض لهوا كثير

وغير مكشوف وما يمشط كثير مثل باقي الجسم

وبالتوفيق

آنـــــو · 13-04-2009, 12:19 AM

هذي المشكله حالياً أعانيها مع قطوي مع أني أمشطه كل يوم بس يتعقد وكل يوم تكبر

والسبب مثل ماقال رعود لصعوبة الوصول لهذي الأماكن وتمشيطها بشكل جيد مثل الباقي

والسبب الثاني الرئيسي هو أحتكاك القوائم عند المشي مسبب عقد مستعصيه

وياكثر ماقصيت منه بس مافي فايده .. ومافي حل الا حلاقة منطقة البطن وأرتاح

لأنها تسبب حكه وفطريات وأزعاج للقط نفسه ..