صج الكاسكو الدلوع مايتكلم؟

[فطوم]

هـــــــــاي

اليوم قالولي لاتعطين الكاسكو ويه وايد وتدلعينه وتطلعينه بره القفص لانه ماراح يتعلم الكلام!!!! صج هالكلام؟؟ واخوي يقولي الكاسكو يطلع اصوات كويسله لإستمرار العيش والبحث عن الاكل واذا انتي مدلعته ماراح يهمه هالشي يدري بيحصل اكل وماراح يصير شي يضره

[البطريقه]

قالولي نفس هلكلام
بس ان شاء الله الخبراء يفيدونا

[مـمـــدوح]

انا صراحة مو عااارف

بس الظاهر اي لان ببغائي ما تكلم للحين الا كلمة وحدة

وله عندي 4 شهور

[parro0ts]

انا كاسكوي امدرلع بس ما ايصك حلجه $.$

[بسه]

ما لي خبره لاكن اضن ان المعلومه صحيحه

[كاسكوكيه]

لا يا اخوان المعلومه غير صحيحه!

اصلن مجرد ما تفكرين فيها.. الببغاء في القفص.. و عنده الماي و الأكل.. يعني طلعتيه ولا ما طلعتيه مب فارقه معاه لانه الأكل موجود و مب محتاج لج...

عشان جيه لازم تعرفون الخطوط العريضه لتدريب الببغاء...

و على فكره.. لو دلعتيه.. و طلعتيه برى.. بيتعود عليج.. و كل ما تعود عليج.. بتقدرين تخليه يقضي اطول فتره ممكنه معاج.. و بالهطريقه بيسمع وايد من الكلام اللي تقوليه و بيبدأ يقلد..

انتي ركزي على كلمه و لا كلمتين.. و كرريهم .. بس خليهم يكونون سهلات عليه.. مثل "هلا"

بس اصبرو عليهم شوي مساكين يبالهم فتره

[البطريقه]

المشاركة الأصلية كتبت بواسطة كاسكوكيه

الببغاء في القفص.. و عنده الماي و الأكل.. يعني طلعتيه ولا ما طلعتيه مب فارقه معاه لانه الأكل موجود و مب محتاج لج...

بس ببغائي كله يبي يطلع من القفص
ومن افتح له الباب يرمي نفسه عى يدي
وإذا ابي اخله القفص مااقدر ادخله وهو شبعانه
مايدخل الا إذا موجود اكل وكان جوعان و احيانا بالغصب يدخل
لانه من اجي ابي ادخله يرمي نفسه علي ومايرضه يروح القفص

[فطوم]

البطريقه انا بعد الي عندي نفس الشي مايحب القفص بس قالولي هالكلام وحبطوني ومن ملاحظتي مع طيوري السابقه وبغبغاءات اصدقائي الغبغاء لمه يكون القفص وايد يتكلم ويسولف ويسوي حركات عشان يلفت النظر

[مجنون الامازون]

اختي بالنسبة للمعلومة هادي فهي خطأ .. على سبيل المثال .. اذا انتي سافرتي لبلاد غريبة للدراسة وجلست عن عائلة اجنبية .. وكانت افراد العائلة ما تتكلم معاكي ولا تعطيك وجه هل راح تتكلمي معاهم ؟؟ بالطبع (لا) لأنك راح تقولي في نفسك (الجماعة ما يبغوني) وراح تكوني رسمية.. والعكس صحيح اذا كانت العائلة من النوع المرح والاجتماعي راح تنبسطي معاهم و تبادليهم الآراء والمواضيع .. وعلى فكرة الببغاء من الطيور الذكية جدا واذا دلعتي راح يولف عليكي اكثر وبالتالي راح يقلد حركاتك وصوتك وكلامك .. وآسف على الاطالة

تحياتي ..

[كاسكوكيه]

المشاركة الأصلية كتبت بواسطة البطريقه

بس ببغائي كله يبي يطلع من القفص
ومن افتح له الباب يرمي نفسه عى يدي
وإذا ابي اخله القفص مااقدر ادخله وهو شبعانه
مايدخل الا إذا موجود اكل وكان جوعان و احيانا بالغصب يدخل
لانه من اجي ابي ادخله يرمي نفسه علي ومايرضه يروح القفص

حاولي تحطين له العاب في القفص..

او حل ثاني.. حطي له ستاند.. بعيد عن القفص.. تقدرين تحطيه عليه متى ما تريدين..

بس صراحه.. يا حظج لو كان يحبج هالكثر.. الله يخليه لج