الرقية الشرعية للحيوان

[Dominique]

الرقية الشرعية لحيوانك


مرحبا



نقطة حساسة ولازم نتعامل معاها

العين والحسد مذكورين بالقرآن

وساعات الواحد بدون قصد يصيب الآخرين بالعين

مرات الواحد يقول ما شالله لكن فزة القلب والشهقة الداخلية والانبهار بالشي قد يصيبه بالعين ومن ثم بمكروه

وكله غير مقصود

هالرقية تنفع لجميع انواع الحيوانات وحتى الانسان

وبما ان احنا بقسم القطط بقولكم عن دمدم




انا وحدة اكلت من العين ما لم يذقه غيري و دمدم بعد

لما احد ايي عندنا ويشوف دمدم يقول ماشالله

لكن في نفس الليلة لازم يصير بدمدم شي

فمن مدة طويلة وانا اتعامل بالرقية الشرعية

واقرا على نفسي وعلى دمدم بالاخص

ومن يومها الحمدلله

اييون ناس ويطلعون ودمدم قاعد و يشوفونه ويتكلمون عنه لكن الحمدلله ما يصيبه شي

وهذي الرقيا اللي ارقي فيها دمدم بشكل عام :

اول شي اجمع كفوفي مفتوحة وجنب بعض واقرا سورة الفاتحة و آية الكرسي المعوذات :
قل اعوذ برب الفلق، قل اعوذ برب الناس، قل يا ايا الكافرون

وبعدين اقرا الادعية التالية :
اقرا سبع مرت : باسم الله أرقيك من كل شيء يؤذيك من شركل نفس أو عين حاسد الله يشفيك باسم الله أرقيك .
اقرا ثلاث مرات : أعوذ بكلمات الله التامات ، التي لا يجاوزهن بر ولا فاجر ، من شر ما خلق ، وذرأ ، وبرأ ، ومن شر ما ينزل من السماء ، ومن شر ما يعرج فيها ، ومن شر ما ذرأ في الأرض ، وبرأ ومن شر ما يخرج منها ، ومن شر فتن الليل والنهار ، ومن شر كل طارق يطرق ، إلا طارقا يطرق بخير ، يا رحمن .

بعدين انفث ( ازفر الهواء ) بكفوفي وامسح على جسم دمدم
هالحركة اسويها كل اسبوع مرة تقريبا
وطبعا ضروري قبل لا أي شخص اكون عارفة ان عيونة تيزاب ( حارة وتصيب بالعين ) بيشرف عندنا البيت


*************


ولما كان فيه المرض اياه الله لايعوده رقيته بهالطريقة لمدة اسبوع والحمدلله تعافى ولقينا علاج حق المرض :

اجمع كفوفي مفتوحة وجنب بعض واقرا سورة الفاتحة و آية الكرسي المعوذات :
قل اعوذ برب الفلق، قل اعوذ برب الناس، قل يا ايا الكافرون

وبعدين اقرا الادعية التالية :

اقرا 3 مرات : بسم الله يبريك ، من داء يشفيك ، ومن شر حاسد إذا حسد وشر كل ذي عين .
اقرا 3 مرات : أذهب البأس رب الناس ، اشف وأنت الشافي ، لا شفاء إلا شفاؤك ، شفاء لا يغادر سقما .

اقرا 7 مرات : أعوذ بعزة الله وقدرته من شر ما أجد وأحاذر .
اقرا 7 مرات : أسأل الله العظيم ، رب العرش العظيم ، أن يشفيك

بعدين انفث ( ازفر الهواء ) بكفوفي وامسح على جسم دمدم




وهالاشياء لما تسويها لازم تكون متأكد من انها راح تشفيه من المرض او تقيه من العين والحسد



النية والايمان اهم شي بالموضوع كله



تجربة فادتني وحبيت اني اشاركها معاكم



ميرسي
.
.
.

[Ghuwara]

شكرا على الموضوع ..

جرئ بصراحة وانا أئيد كلامك ..

انا من العين ماتوا كلبتين من عندي في نفس اليوم واسباب مختلفة

وكانوا هذول الكلبتين من سلالة اصيلة وغاليين وكانوا روعة في الاسلوب وحدة فيهم كانها مثلنا تفهمني من غير ما اكلمها ..

والحين كلابي الموجودين الله يحميهم - لما اطلع من البيت وهم بروحهم او ساعات بالليل ما ننام افتح قناة القران الكريم بالتلفزيون.

وانا اؤمن ان المخلوقات كلها تعرف منو خلقها ... الله سبحانه وتعالى .. الي كل شي موجود في الارض يسبح بحمده ويسجد له.

[-= pink =-]

تسلميــن دمدمـ

وما قصرتي .. وانا الحمدلله ما واجهتني مشكلة الحسد الى الان لان قطوتي مو وايد اطلعها لمن ايوونا ناس


ومشــكوره بعد عمري عالافاده

[dr_mido]

مشكورة دمونيك وصراحة موضوع مهم واللهي العين تنكب الواحد وياكثر ماصبتنا العين واقوى وحدة كانت في السيارة وانقلبنا بيها 3 قلبات الله يكون في العون وش تبون اكثر من كذا
وبعد كان عندي كناري ماشاء الله عليه كان مايسكت جو عندنا ناس وصكوه عين واليوم الثاني مايطلع صوت ماكمل اليوم الا وهوة ميت
ومشكووووووورة مرة ثانية وربي يحمينا من العين

[Withered Rose]

مشكورة دومينيك على الموضوع ..
آنا ساعات أقول ودي أعلق بالحديدة اللي على الطوق (اللي داخلها ورقة عن بيانات القطو) آية الكرسي عشان ما يصير فيه شي لما يطلع القطو برا مادري خفت أنه يكون حرام عشان جذي قلت أحسن أسأل قبل لا احطها ..

محب القطط والحمام
اشدخل الأغاني الحين .. اتهمت البنت بدون لا تعرف عنها شي !!؟
القط حيوان طاهر ومن الطوافين .. و كل شي ممكن تصيبه العين شالمانع من تحصينه بالقرآن ..

[Lonely Hunter]

اي و الله دومينيك

لو نقدر نفتك من هالعين و الحسد جان احنا بخير

بس الحمدالله

انا ماعندي هالمشكله مع عتويي باقيرا

اول مايشوفونه يقولون "ويع"...... لانه اسود P:

بس اهوه شيرازي مون فيس ^^

[sisi_moon]

مشكووورة حبيبتي دومينك

والموضوع انا سيفته للطوارئ

محب القطط لحووول الله شدخل الاغاني الحييين

ومو من حقك تحكم على غيرك وانت ماتدري عنه

لونلي كثييييييييير ناس مايعرفون قيمه القط الاسود او الغاامق

والله انه رااااااااااائع خصوصا لو كان شيرازي بيوور

ويلي اضيع اناااااا لا شفته

[Dominique]

Ghuwara

-= pink =-


dr_mido

Withered Rose

Lonely Hunter

sisi_moon

مشكورين كلكم على آراءكم

الله يبعد العين عننا ويريحنا من الحساد

يعطيكم العافية على المداخلة الحلوة



ويذرد ما يصير نعلق آية قرآنية على طوق القطوة لأنها تدخل الحمامات وغيره واهيا بنفسها تروح الحمام

يعني السالفة فيها نجاسة

نكتفي بالرقية



اخوي محب القطط والحمام

شفيك منهد علي

تعرفني اعرفك

داش بيتنا وقاعد معانا علشان تقول اقرا قرآن وبعدين اسمع اغاني

سويت فيها حلال وحرام واغاني ومادري شنو

واللي قلته عني هذا حلال ولا حرام

شلون تتهمني من غير لاتعرفني

ويكون بعلمك أنا سائلة فيها لأنها سالفة تدخل بالدين والحلال والحرام على قولتك

فياريت لو عندك كلام مفيد تذكره علشان الكل يستفيد

غير جذي ماله داعي اتهامات مالها اساس من الصحة



ميرسي جميعا
.
.
.

[pits-game]

Dominique

مشكوره اختي على الموضوع المفيد والى مزيد من هذا التميز

[dr_mido]

صراحة كلامك ماله اي داعي اخ محب احنا وين وانت وين احنا نتكلم بموضوع والأخ داخل يحارب حسسنى كئننا مانعرف شئ عن الدين ولو عندك كلام طيب قلو ولو ماعندك اي شئ احسلك تسكت وياريت احد المشرفين يحذف مشاركة الأخ لأنها مالها داعي لأن فيها اسائة للأخت دمونيك