مرحبا جميعا
قبل اسبوع كنت في المزرعه
والوالد ارسلي مسج الصبح وقالي انه صاد بي بي متو صغيرة
انا تفاجأة!!
ويوم رحت البيت لقيتها متوه خضرة عادية ومب صغيره ابدا
المهم
ابوي واخوي يخافون منها واجد ويوم كنت ابي امسكها قالي اخوي بتعضك
ما سويتله سالفه ... اوني شجاع
حطيت ايدي عندها
و لا بروحها تركب على ايدي
اخوي استعجب
مسحت على راسها ... وقامت تطلع اصوات غريبه وشكلها انكمش كانها في حالة "تلقيح"
وقالت متو , متو
انا هني بطلت عيوني
هذي تتكلم
بس تعرفون يا شباب
اول مرة اشوف متو عندها شخصية قويه
يعني ما تخاف من شي ولا من احد
حتى "إتي" "القطو مال" ما تخاف منه ... ومرة نقز عليها ... بس ما طلعت هينه ... قامت وضربته على خشمه
هي معاي هادية وحلوة وشو تعض
بس خلها اتشوف ولا تسمع من بعيد اختي
تتخبل ومادري شو يستوي بها
تصرخ وتعفد وتبي تضربها ودوم تلحقها
حتى اختي مسمتنها (المجنونه)
واليوم طالعه من القفص "تقدر تفتح الباب" ... ومكفخة اخواني كلهم
انا قمت على صريخ اختي والمتو تلحقها
بس يوم جيت وحطيت ايدي عندالها ركبت على ايدي
وهذي صورتها (شوفوا ايدي كيف حمرا من كثر ما تعض)
وعندي اسأله لأهل الخبرة:
شو نوعها؟
ذكر ولا انثى؟ (مع اني اوصفها انها انثى)
ليش تكرة ناس وتحب ناس مع انها اول مرة تشوفنا؟
وهي عصبية وانانية يعني اذا كان عندي شي لازم تاخذه وما ترده... هل هذا طبي
عي؟