اشترك في نشرتنا البريدية ليصلك كل جديد

ناصـر · 03-09-2007, 09:03 AM

الآن لماذا حملتوا المُنتدى أخطاء فرديـــة !!

ثم الرسائل التيّ تحدث بيـن الاعضاء
لاتظهر للأدارة لأنها رسائل خاصـــة

اذا تعرضت الى إساءة أو تحرش
باب الشكاوي مفتوح على مصرعيـــه !!

ثمـة هذه الأمور تحدث في غالبيـــة المُنتديات
ولايُنقص ولا يزود من المنتدى بسوء أو خيـر

للأخت بنت الإمارات أيّ كان هدفك من الموضوع

لديــك الأدراة كفيـــلة بأخذ حقــك كاملاً غير منقُوصاً !!

..

DoMore · 03-09-2007, 11:57 AM

يا بختك هذا حبك قبل لا يعرفك لووووول
بس تأكدي انه من جرذان المنتديات الي يكثر نشاطهم في فترة الصيف ولازم تسوين وقاية منهم

اولاً بدال السم لازم تسوين حظر على الرسأل مع انها مهمه واذا كنتي ما تبين تقفلين الرسأل لك الخطوة الثانية وهي انك تشوفين المسؤلين عن المنتدى وهم يتخذون الإجراءت المناسبة .

بس نصيحة لك طنشيهم وترتاحين .. وممكن تاخذين بعد فكرة عن الكويسين والي مش ولا بد

عموماً احي فيك شجاعتك بطرح موضوع حساس زي هذا

تفاحه حمرا · 03-09-2007, 12:51 PM

انا مع كلام اخوي ناصر
والادارة مالها علاقة بهالشي...
ليش كل شي يصير تعقونه فالادارة ...

وبعدين مثل هالامور تحدث في أي منتدى ...
انا مثلا ً كنت مشتركة فمنتدى خاص للنساء فقط..
ومع ذلك كنت اواجه رسائل مضايقه من شباب .
وافضل حل هو وضع العضو في قائمة التجااهل....
او إلغاء خاصية الرسائل الخاصة
لانه في الاغلب الاداره لاتتدخل بالي يصير في الخاص

بنت الإمارات · 03-09-2007, 06:08 PM

اشكر الجميع على التعقيب

وبرد ع الأخ ناصر والأخت تفاحة حمرا

مثل ما قلت ف ردي

كان هدفي اني انبه هالأشكال من هالحركات ولازم يعرفون ان حركاتهم هب مقبووولة ف المنتدى

عسب جذاا طرحت الموضوع ( عسب الكل يشووفه)

|| وانا مايبت سيرة الإدارة ||

والله يهدي الجميع يارب

فنان قطر · 04-09-2007, 07:33 AM

الباب الي يجيك منه الريح سده وستريييييح