أسعار الطيور

[Bo ShaB]

السلام عليكم

أنا ماكتبت هذا الموضوع الى بسبب ارتفاع اسعار الطيور في الامارات لاني أمس انا كنت في سوق الطيور الي في الشارجه و ماحصلت الى كوكاتو واحد بس اليف و كان سعره 10000 درهم مبلغ خيالي انا كنت حاط ميزانيتي على 5000 درهم تقريبا بس شكله لازم نرفع الميزانيه شويه
بس الكوكاتو للأمانه كان فرخ تقريبا 8 شهور و الدليل كان منقاره الاسود بس10000 وايد عليه انا كنت حاط الطير على ايدي و يوم قالي 10000 نزلته على طوووول وحطيته على الاستاند اخاف يصير شي فيه
بس الي حبيت اعرفه هل اسعار الطيور في دول الخليج خاصتا عمان و السعوديه نفس الشي وله كيف الوضع عندكم و خاصتا اهل عمان لني بسافرعمان بعد فتره ف حبيت اعرف الاسعار في عمان

[أبوعــــــــامر]

السلام عليكم

10000 مبالغ فيه جدا

الكوكاتو في السعودية , اذا كان امبريلا كوكاتو وانتاج هولندي محجل وفرخ وأليف وحجم ضخم يوصل الى 5000 ريال

الافريقي الفرخ الصيد ( المتوحش) 1000 ريال
الافريقي الفرخ انتاج مزارع هولندا 2500 ريال

الامزون حاليا منقطع الفروخ من السوق , ولكن قبل فترة كان فيه بلو فرونتيد فروخ على 3500 ريال
الامزون اليلو ناب و دبل يلو هد اسعارهم فوق 10000 الى 18000

الدرة الخضراء 150
الدرة الصفراء والفستقي والزيتوني والازرق والرمادي 1500 ريال للجوز
الدرة البيضاء والكريمينو 1800 - 2000 ريال للجوز

الكروان العادي 350-450 للجوز
الكروان الوايت فيس 500 - 600 للجوز
الكروان الألبينو 800-1000 للجوز

الفيشر 350-400 للجوز

هذي اسعار السوق في السعودية

[امير الطيور]

اخوي نحن في البحرين ارخص بكثير من عندكم
الاسبوع الماضي شفت كوكاتو صغير بـ 150 دينار سوق الحراج قسم الطيور
والرمادي من هولندا فرخ بـ 150 دينار في سوق واقف
والرمادي الكاميروني صغير 40 دينار
والرمادي الكونغو فرخ تقريباً 60 دينار ولاكن لاعلم الان موجود او لا
والرمادي الذي عمره يتجاوز سنة تقريباً 35 دينار
والتمنه 20 دينار

[Bo ShaB]

و الله الاسعار وايد حلوه عندكم ارخص من الامارات ب وايد
بس ودي حد من اهل عمان يرد علي عشان اعرف الاسعار في عمان لاني مسافر قريب ان شاء الله
و اذا رحت السعوديه وله البحرين كيف يمكن ادخل الطيور عبر الحدود يعني مسموح وله ممنوع و اذا ممنوع كيف الطريقه الرسميه لدخول الطيور عبر الحدود

و شكرا اخوي Dexter و امير الطيور على الرد و ياليت لو هاي الاسعار في الامارات......بس خساره

[D.Abu_mansor]

في السعودية ارخص بكثييييييير

بس اتوقع الجمارك الإمارتيه بياخذون عليك رسوم

وما ادري والله وش هي الرسوم

[Bo ShaB]

شكراااا أخوي D.Abu_mansor على الرد
بس الي فهمته من كلامك انه مركز حدود السعوديه مايوقفك اذا كان عندك طيور بس مركز حدود الامارات الي يوقفك ((هذا الي فهمته من كلامك ))...........

[X-ford]

[COLOR="Pink"][/COليش ما سئلتوا عن أسعار قطر؟؟LOR]