【★】ஐ..‘ خـطـوهـ بـخـطـوهـ مـعـكم لـلإنـتـــاج بأذن الله ‘.. ஐ【★】

[photographer]

للاسف لايوجد اي شي للزوجين
اليوم كانوا كلهم خارج بياضاتهم ومبسوطين بالجو غيرت بنظام التكييف ودخلت مروحة بالغرفة وعجبهم الوضع لان بالغالب يكون رطوبة لان الباب مفتوح او برد اذا الباب اغلق لفترة طويلة .. اتوقع ان عندي مشكلة كنت اظن انها انحلت بوجود الباب ولكن فات علي الانتاج بالفترة اللي راحت وماودي انه يروح علي بعد هالمرة كل شي بيد الله وخصوصا بموضوع الانتاج اكيد لكن احس ان فيه شي غلط حتى من طيور الكروان المنتجه سابقا لم ارى سوا زوج واحد فقط منهم اتم عملية التزاوج ولكن بدون بيض !
والبقية تصفير وتغريد باوقات متقطعة حاولت اركز بالطيور الكروان اكثر هاليومين علشان عندي خبرة سابقة لها وانتاجها سهل وقررت عدة قرارات افضل ان استشيرك بها قبل التنفيذ :

- اطلع المكيف بكبره واودعه لان كل فترة وانا اسوي له تنظيف وغسيل من كثؤ الريش اللي يدخل بدون فلتر وللاسف مالقيت له فلتر مناسب لمقاسه .. وغير ان ادائه يكون ضعيف .. واركب مكانه مروحتين وبالفراغ الباقي يغطى بالشبك .. وفي طاقة بالحمام اللي قالبته مخزن افكر اطلعها وكان هالفكرة ببالي من زمان وكنسلتها بسبب ان الهوا بيدخل من الطاقة وللاسف طلع هوا خفيف المهم واخليه شفاط يصير الفكرة انه في دورة هوا مستمرة بالمكان اولا تهوية جيدة وثانية تخفيف لدرجة الحرارة نسبيا

او اقلب مكان المكيف طاقة وشبك نامس عادي واثبت بالغرفة مراوح بالجدر ثابته ؟

او اني اركب مكيف سبلت صغير داخلي .. الافكار ماتخلص ومشكلتي بالمساحه العرض مترين والطول تقريبا ست امتار يعني الغرفة بسرعه تبرد وبسرعه تنكتم وفكرة فتح الباب بالاجواء الحالية سيئة بسبب الرطوبة رغم انها كانت جيدة بالايام الماضية يعني ابغى حل مايتاثر مع تغير اجواء السنة