(كاسكو) هل ممكن أستعمل القفازات؟ يدي تقطعت >_<

[رفاعي بحريني]

الله يعينك ويعينا نفس الحال والمشكله انا لين ابي امسح عليه على طول يهرب مايوقف

[Arashi]

^^^
يهرب الحمدلله مب يسلخ جلدك مثل اللي عندي >_<

همممم....مادري اذا انا غلطانه ولا لا...بس لاحظت انهم في الليل وقت النعاس مسالمين اكثر ونوعا مستسلمين...شوي تدريبهم يكون أسهل...يعطوني فرصه أكثر للمس والمسح عالراس...مب متأكده 100% بس بجرب مع هذا اللي عندي @.@

[Arashi]

اليوم سبب لي 3 جروح نزيف في وقت واحد...تخيلوا صاير يصرخ يناديني كل مايجوفني ويطاردني يطير يركب علي عشان يعضض ملابسي أو أصابعي...لما أنزله يقوم ينط يركب علي..صاير مؤذي وعدواني أكثر من قبل
يعني يخاف من كل أهل البيت الا انا يستقوي علي >_<

حتى لما أعطيه عسل يعضني شوي وهو يلحسه...كرهني زياده ولا استفدت شي >_>
قريت الكثير من المواضيع وجربت طرق وابتعدت عن الاخطاء لكن ما لقيت حل لمشكلتي الاساسيه وهي ان الطير يطاردني ويعضني بدافع الهجوم لا الدفاع عن النفس

مادري يعني...هل بسبب العمر؟ لأني لما اشتريت واحد عمره 7 شهور وكان خواف ويجعر شوي و عضني كم يوم لكن على طول تروّض وصار أليف 100% في خلال أسبوع
هل لأن اللي عندي الحين صغير 4 شهور متوحش اكثر؟ البعض يقول ان الكبير احسن والله اعلم
لأن لو السبب عمره راح أوقف تدريب لين يكبر...مب مستعده أخليه ينتفني ولا أجوف نتيجه مرضيه

ماعرف وين الخطأ الصراحه مابي أخرّبها من الحين >_>

[Arashi]

سؤال ثاني...هل وضعه في الممر المظلم قرب غرفتي أثناء النوم يأثر على نفسيته؟
لأني أتركه من 3 الفجر لين 3 العصر في هالمكان...لكن محد يزعجه..مكان هادي مظلم مريح للنوم
وبعد 3 العصر أخليه عالستاند في الصاله طول اليوم لين 3 الفجر وهكذا
يعني 12 ساعه في الخارج و12 ساعه داخل