أمس شريت الكاسكو .. ومتوهق // الفزعه

[كبرياء القصيد]

صبآاح الخير جميعاً ..



/
/


بعد اخذ مشورتكم توكلت على الله سبحانه وتعالى وشريت امس
ببغاء كاسكو عمره 4 شهور ..




/
/



عطوني نصايحكم ..

من ناحية التعامل , والأكل , والتوليف , والعض ..
انا في انتظاركم , واتمنى تفيدوني بكل ما مر عليكم من تجارب ..




كبريآاء

[تركي111]

صباح النور ياهلا ..
مبروووك عليك ويتربا بعزك ... اهم شي ف الوقت الحالي تأمله
المكان الدافي بحيث انك تغطيه بقماااش
وحتى ارضيه القفص بداال مايكووون ع السراميك ...
ادفااله وبعد كذا الله الله بالنظافه والتغذيه الكويسه وطلعه في الشميسه اذا كنت
بجو الظهر وانتبه لايكوون فيه هوااء ..ومن ناحيه التوليف خله ليين السبوع الجاي لبين ماياحذ
ع المكان وعليك وابد معه ع شوي شو ي.


بالتوفيق

[تشآرلي]

وعليكم السلام ورحمة الله وبركاته

مبروك الف مبروك عليك الطير

بالاسبوع الاول يفضل ان تتركه بالقفص وعدم ازعاجه

( الاقتراب منه + محاولة ادخل يدك للمسح عليه او مسك منقاره )

فقط غير له المويه والاكل .

المويه : تكون نظيفه وتغسل المشربيه جيدا كل ثلاث ايام

الاكل : بهذا العمر يحتاج ان يكون من الاطعمه الطريه : مثل التفاح والجزر المسلوق والذره المسلوقه
والحمص الطري ( منقع بالمويه لمده 8 ساعات ) والعنب والرمان .

هذا في فترات النهار وفي فترات الليل تضع له حبوب دوار الشمس .

( لاتجعل الفواكه والخضار بالمشربيه لمده اكثر من 7 ساعات )

التوليف : لا تفكر بالتوليف الا بعد الاسبوع الاول او الاسبوع الثاني , ودامه بهذا العمر بيكون جدا سهل توليفه
وحتى العض بيكون جدا بسيط وليس بالقوه . ( راجع مواضيع التدريب للاعضاء في قسم هواة الببغاوات )

المكان : يفضل يكون مكان القفص في وسط البيت بحيث انه بهذا المكان يشاهد جميع سكان البيت ويتعرف عليهم ويكون بمكان دافئ بعيد عن التيارات الهوائيه البارده .

بالتوفيق

[عزوزالعبدالله]

مبرووك

لا تتعامل معه ولا تسوي له شي فقط حط له الاكل والمويا
مثل ما قال تشارلي وخله بمكان مرتفع شوي علق القفص
وبعد فترة الضيافه ابتدء بعملية التوليف وراح تكون جداً سهله بالعمر ذا

[سامي الشريف]

بالنسبه لـ التوليف راجع مواضيع الاخ سكر

[كبرياء القصيد]

تركي111

الله يبارك فيك يا بعدي .. وبإذن الله باخذ بنصايحك ..
لآ هنت ع الرد اخوي ..





تشارلي

الله يبارك فيك اخوي .. والف الف شكر على نصايحك وتوجيهك
بس عندي سؤال صغير , الحين انا سمعت ما يصير اعطيه اكل طالع من الثلاجه
يعني ما يكون بارد .. هل هذا صحيح .. ؟
والتفاح اقطع له جزئيه بسيطه ولا احط وحده كامله وهو بكيفه ..


ولا هنت ع الرد يا بعدي





عزوز العبدالله

الله يبارك فيك , والله لا يهينك ع النصايح ..
موفق اخوي ..





سامي الشريف

شكرا ع التوجيه اخوي .. لا هنت

[تشآرلي]

الله يبارك فيك اخوي .. والف الف شكر على نصايحك وتوجيهك
بس عندي سؤال صغير , الحين انا سمعت ما يصير اعطيه اكل طالع من الثلاجه
يعني ما يكون بارد .. هل هذا صحيح .. ؟
والتفاح اقطع له جزئيه بسيطه ولا احط وحده كامله وهو بكيفه ..

هلا بك اخوي ,, العفو انا تحت امرك باي وقت ..

اكيد انه لازم الاكل يكون دافئ ( معتدل ) ومايكون بارد

والتفاح قطعها له مربعات ولا تكثر له بالمشربيه حق الاكل

لانه راح يبدا يلعب بالاكل لما يشوف الكميه كبيره

الافضل تعطيه على حبتين فقط . واول مايخلص انت اعطييه زياده .

للعلم ( التفاح يسبب شوية اسهال اكرمك الله , فلا تكثر منه )

التفاح مرتين الي ثلات مرات بالاسبوع ,

الجزر ممتاز ايضا , وراح تشاهد اخراج الطير تغير لونه ( اكرمكم الله ) بعد اكل الجزر وهذا طبيعي .

بالتوفيق

[كبرياء القصيد]

طيب اخوي الجزر ..

يكون عادي ولا مطبوخ .. ؟
وكم مره بالاسبوع

ما عليه كثرت عليك بالاسئله , الله يعطيك العافيه

[تشآرلي]

المشاركة الأصلية كتبت بواسطة كبرياء القصيد

طيب اخوي الجزر ..

يكون عادي ولا مطبوخ .. ؟
وكم مره بالاسبوع

ما عليه كثرت عليك بالاسئله , الله يعطيك العافيه

مسلوق او عادي , لكن عمره صغير نفضل نعطيه مسلوق

في اكياس تباع بالتموينات الغذائيه تكون جاهزه مثل هذي



تغليها بالمويه لمده نص دقيقه وتجففها والين تصير معتدله الحراره تقدمها للطير .

وان ماحصلت , تجيب شوي ذره وبازلا و جزر وتغليهم بالمويه لمدة دقيقتين وتخليها تجف وتصير معتدله

وتقدمها للطيور لمده 6 ساعات وتغيرها .

واي استفسار ان شاء الله افيدك فيه والاعضاء مابيقصرو معاك ان شاء الله

بالتوفيق

[سلطان بالبيد]

مبروووك اخوي يتربى بعزك اهتم فىه كوىس