أستفسار عاااجل لأصاحب الببغاء في الرياض

[ksa1291]

السلام عليكم
أخواني انا حاليا ً في الرياض وأريد شراء فرخ ببغاء أفريقي
لكن ما أعرف وين المحلات أو أٍسواق الطيور اللي أٍسعارهم مقبوله وجيده
وكذلك ودي تعطوني فكره عن متوسط أسعار الفروخ ما ودي ينلعب علي

....

وكذلك فكره عن أسعار ببغاء الدره الهندي

ولكم مني جززززيل الشكر والتقدير

[تركي111]

عليكم السلام ,,,
ابعطيك نصيحيتين الاولى / لاتاخذ فررخ الا في حال انك خبير ببغاوات وكذا .
ثانيا / لاتاخذ من محلات والسبب هو ان طيور المحلات نادرا
ماتجيك نظيفة لابد من وجود امراض وكذا ..
ان حصل خذ من شخص معين ببغاء تربية بيوت
وان حصلك تاخذلك ببغاء في عمر السنه يكون اليف افضلك من الفرخ
لان الفرخ يبيله مدارات بزياده .


موفق ,,,

[O.habeeb]

في محل ممتاز في جدة سوق الاهدل صاحب المحل العضو احساس الغلا كلمو على الخاص وبيفيدك ان شاء الله
وتبدا الطيور الصيد ب1300 والهولندي من 2000 او عندك الحراج

[xagent]

اذا بتشتري انصحك في قسم البيع يعلن عن طيور حلوه من وقت لوقت وبالنسبة لافضل مكان للشراء في الرياض سوق الحمام موقعه تقاطع الدائري الجنوبي وطريق الحاير

الاسعار تختلف اذا هولندي او صيد او انتاج محلي
تبدا من ١٠٠٠ ريال لفرخ الصيد الى ٢٥٠٠ للهولندي

معلومه الافريقي الفرخ يحتاج عناية كبيرة لضعف مناعته

تمنياتي لك بالتوفيق

[Wedah]

سلام
فيه واحد يبيعها و أسعاره مرره حلوه يبيع في الاحساء او القطيف بس.... اتوقع هذي المناطق قريبه من الرياض...قرأت اعلان له اليوم في موقع حيوانات ألفيه (ما ادري ...عادي أحط اسم الموقع!!) ممكن تبحث عنه باسم ماجد الطويل في قوقل...اممممم ... أسعاره تبدأ من 900 الى 2100 ... فيه عنده فروخ ... لو قريب كان اشتريت لي واحد منه😔

[سمسم746]

أنصحك بالبحث في المنتدى بقسم البيع
و متابعة الجديد من العروض و ستنال مبتغاك لوجود المصداقيه و المعاينه و البيع بالمزاد
بالتوفيق
بس ترا الاحساء و القطيف في المنطقة الشرقيه للمعلوميه

[بلاك بيري]

نصيحتي لا تاخذ فرخ خصوصا لو ما كان لديك الخبره الكافيه في التعامل مع الطير حاول تاخذه بعمر فوق السبعه اشهر يعني لون العين رمادي فاتح

موفق