【★】ஐ..‘ خـطـوهـ بـخـطـوهـ مـعـكم لـلإنـتـــاج بأذن الله ‘.. ஐ【★】

[نشوان الراقي]

بسم الله الرحمن الرحيم

اولا يعطيك العافيه اخوي بروووف على المعلومات القيمه بس بصراحه حسيت بدوخه مع تباعد المعلومات , انا كنت من مربي الطيور ( الحمام ) وبصراحه تعبت من تربيتها لقلة الفايده منها بالاضافه انها تحتاج اهتمام وتنظيف وشغل كثير وامراضها كثيره تنسف تعبي كله ( يعني في خبره بسيطه زائد عشق من الصغر )

وبصراحه ابي ارتب معلوماتي من الالف الى الياء عندي غرفه فوق سطح البيت. طبعا بنيتها لهذا الغرض
ومساحتها 3 في 3 وضعت يها فتحتين لدخول ضوء الشمس من الجهة الشرقيه ( انا من سكان جده ) طبعا الفتحتين لاتفتح ابدا ابعادها متر في 40سم . وضعت في الارضيه تراب ابيض الله يكرمك . وضعت في الغرفه شفاط واحد صغير في الجهة الشماليه ووضعت كمرة مراقبه داخل الغرفه . ولم اعمل فتحة للمكيف ( ممكن اعملها لو لازم ) . فصلت اقفاص حديد بدون ارضيات يعني شبك من تحت ( اظن في مشكله في الصدا لاسمح الله ) ابعادها
الارتفاع 130 سم , العرض 85 سم , الطول او العمق 130 سم . عدلي معلوماتي لو الاقفاص صغيره ؟
فصلت بياضه حرف L مثل ماوضح لي بالمقاسات المعروفه ووضعت فيها نشارة خشب 11 سم ووضعتها في واجهة الاقفاص وفتحات التشييك في الامام والحمد للهكل شيء بالسليم باذن الله
اعذرني لسيل الاسئله الجايه وحاول تثبت نفسك يالغلا

1 - هل التحليل شيء لازم منه او اضع مجموعة الكاسكو واراقب الاجواز المتوالفه لان التحليل مكلف شويه ولو لازم التحليل بحكم خبرتك تنصحني فين اعمل التحليل ( لاتنسى اني من سكان جده )

2 - ايش النظام الغذائي اليومي اللي تنصحني فيه وماهي بالضبط - حب شمسي - ذره صفراء معلبه او ايش تنصحني ( يعني اليوم الاول ايش والثاني وكذا يعني .

3 - ما هي المكملات الغذائيه الممتازه ومتى اعطيها للطيور .

4 - ايش نظام الفيتامينات والمحفزات ومتى ابدء باعطائها للطيور ( بعد التوالف او متى ) وكيفية اعطائها يومي والا اسبوعي ومتى اوقف اعطائها للطيور وايش الانواع الجيدة اللي تنصحني استعملها .

5 - قرات كل الردود السابقه شدني فيها معلومه بصراحه ماكنت اعرفها وهي درجة الحرارة والرطوبه في الغرفه كيف اتحكم فيها . وايش فايدة المكيف الصحراوي .

6 - تايمر الاضائه . يعني في وقت محدد للضلام في الغرفه . وكم ساعه لازمه لنوم الطيور وراحتها ؟

7 - ماهي المظادات الحيويه اللي تدعم صحة الطيور وهل تنصحني بالفايموسين والاشياء ذي لاني شفتها عند شخص بس مافادني للسبب المعروف ( احتكار الانتاج )

8 - ماهي الامراض اللي تصيب الطيور وكيف اشخصها وايش العمل اذا صادفني مرض لاحد الطيور

9 - متى تنصحني ادخل عالطيور ومتى انظف لها يعني كل كم يوم ومتى الوقت المستحسن ؟

اخيرا اعذرني لكثرة الاسئله لكن يعلم الله اني حسيت بسعة صدرك وانك محب الخير للجميع ربي يجزاك خير . واتاكد لو حظرني سوال محيرني ماراح اتاخر بالسوال ............. وشكرا